Ɛfesofoɛ 6:19 - AHYERƐLƐ KRONGRON

¹⁹ yeɛ ɛ́mɔsrɛ bɛ́ma me koso, amaa sɛ mebukye me noa kyɛ medwudwo a, bama me dwirɛ bɔ nga ɔ, ná mahora masi m’ahone mabɔ nzɛmba ne anu mvealeɛ nu dwirɛ ne dawure;

Ɛfesofoɛ 6:19 Iomraidhean Croise

Asomafoɛ 13:46

Na Pɔɔlo ne Banaba sili b’ahone besele kyɛ, “Né ohia kyɛ ɛmɔ, Yudafoɛ yeɛ yɛdi moa yɛkã Nyameɛ dwirɛ ne yɛkyire ɛmɔ ɔ. Nakoso ɔnate kyɛ ɛmɔpo edwirɛ ne, ná ɛmɔmmu bɛ nwo kyɛ ɛmɔfata daa ngoa ne ati, ɛ́mɔtie, yɛkɔyakyi yɛkɔhɔ Amaenmaensofoɛ mɔ berɛ.

Asomafoɛ 14:3

Nakoso bɛtenane berɛ bɛhyɛle; besili b’ahone bedwudwole wɔ Awurade nu, na ye koso olili ye adom dwirɛ ne nwo adanzeɛ, na ɔfale bɛ so yɔle nzɛngyerɛnneɛ ne anwanwadeɛ.

Asomafoɛ 18:26

Ɔhyɛle ye bo sili ye ahone dwudwole wɔ nyianu sua nu; na mmerɛ bɔ Prisila ne Akwila nwuni ye ne, bɛ ne ye hɔle b’awuro, na behyirehyirele ye Nyameɛ Atee ne anu pɛpɛɛpɛ.

Asomafoɛ 19:8

Pɔɔlo hɔle nyianu sua nu tonn bosome nza. Osili ye ahone ɔne mmenia ne dwudwole, na ɔne bɛ yɛle ngyerɛkyerɛ fale Nyameɛ ahennie ne nwo.

Asomafoɛ 2:4

Na Sunzum Krongron yili bɛ mukoraa bɛ nu tɛkyɛ, na bɛhyɛle ye bo bedwudwole edwudwolɛ foforɛ biemɔ, kyɛbɔ Sunzum ne fa mane bɛ kyɛ bɛhã ɔ.

Asomafoɛ 28:31

Ɔhane Nyameɛ ahennie ne nwo dwirɛ; ɔyɛle ngyerɛkyerɛ fale Awurade Yesu Kristo nwo, na osili ye ahone yɔle sɔ nikyee ne bɔ ebiala anzi ye ate ɔ.

Asomafoɛ 4:13

Na benwuni kyɛ Petro ne Yohane b’ahone yɛ se, ná besa benwuni kyɛ bɛte kwahweabaa mɔ bɔ bɛnze nwomaa nen, ɔyɛle bɛ nwanwa; na afei benwuni kyɛ bɛne Yesu yeɛ bɛnatele ɔ.

Asomafoɛ 4:29

Awurade, kekesaala ye de, nea b’anwunanwuna ye ná ma wɔ ngoaa ahoneserɛ bɔ yɛkɔfa yɛkɔhã wɔ dwirɛ ne ɔ.

Asomafoɛ 4:31

Beyiele mbaeɛ ne bɔ nen, nekaa bɔ beyiale ne wosole. Sunzum Krongron yili bɛ tɛkyɛ, na bɛfale ahoneserɛ bɛbɔle Nyameɛ dwirɛ ne dawure.

Asomafoɛ 9:27

Nakoso Banaba fale ye hɔle asomafoɛ nemɔ berɛ, na ɔmaa benwuni kyɛbɔ Sɔɔlo si nwuni Awurade wɔ atunu, ɔne kyɛ odwudwo hyirele ye ɔ, ɔne kyɛbɔ osili ye ahone hane nzɛmba ne wɔ Yesu dumaa nu wɔ Damasko ɔ.

Asomafoɛ 9:29

Asa koso, ɔhane bie hyirele Yudafoɛ bɔ bɛkã Hela dwudwolɛ; ɔne bɛ suli aporowaa, na bɛyɛle kyɛ bekohũ ye.

Romanfoɛ 15:30

Aliɛmaa mɔ, méfa y’Awurade Yesu Kristo ɔne Sunzum ne dɔ mesrɛ ɛmɔ kyɛ, ɛ́mɔboka me wɔ mbaeɛ bɔ ɛmɔbɔ bekyire Nyameɛ bɛma me ne anu,

Romanfoɛ 16:25

Bɔ ɔkora ma ɛmɔ tindim, kyɛbɔ me nzɛmba ne Yesu Kristo nwo nzɛmba ne ɔte ne, kyɛbɔ mvealeɛ nu dwirɛ bɔ bɛfa bɛfeale daa tete ne ɔte ne,

1 Korintofoɛ 1:5

Na nikyee biala nu ɛmɔanya bɛ nwo wɔ Kristo nu, ebie te kyɛ edwudwolɛ amukoraa ne nimdeɛ mukoraa nu.

1 Korintofoɛ 2:7

Na mmom mworɛ bɔ yɛbɔ ye nwo dawure ne te Nyameɛ mvealeɛ nu nworɛ, bɔ kyɛbɔ ɔkɔyɛ ná yanya animnyam ti, ɔhyehyɛ tole berɛ koraka yeɛ ɔbɔ wiase ɔ.

1 Korintofoɛ 4:1

Odi kyɛ ebiala bu yɛ kyɛ yɛte Kristo asomvoɛ ne Nyameɛ mvealeɛ nu dwirɛ so neafoɛ.

2 Korintofoɛ 1:11

Odi kyɛ ɛmɔ koso ɛmɔboka yɛ wɔ mbaeɛbɔlɛ nu, amaa mmeni pee bala Nyameɛ ase ama yɛ kyɛ wafa mmeni soma mbaeɛ so wafa sɔ adom ye walo yɛ ɔ.

2 Korintofoɛ 3:12

Na ɔnate kyɛ yanya sɔ anyelasoɛ ne ati, yɛkora yɛsi y’ahone yɛdwudwo.

2 Korintofoɛ 6:11

O Korintofoɛ, yapakyepakye nu yadwudwo yahyire ɛmɔ, yaye y’ahone nu dwirɛ mukoraa yahyire ɛmɔ.

2 Korintofoɛ 7:4

Mede ɛmɔ medi paa, na mefa ɛmɔ mehoahoa me nwo koso paa. Me wora akyekye paa, na ɔwɔ nu kyɛ yɛfa amaneɛ nu de, nakoso m’anika abu afa so koraa.

2 Korintofoɛ 8:7

Na kyɛbɔ ɛmɔbɔ mmɔden mmorosoɛ wɔ nikyee biala nu: gyidie nu, edwudwolɛ nu, nimdeɛ nu, mmɔdenbɔlɛ nu, ɔne kyɛbɔ ɛmɔsi bekuro yɛ dwirɛ ɔ nu ne, ɛ́mɔnea kyɛ sɔ adɔeɛ adom he koso ɛmɔkɔfa bɛkɔyɔ adwuma mmorosoɛ ɔ.

Ɛfesofoɛ 1:9

Ofikyɛ wamaa yanwu ye mvealeɛ nu apɛdeɛ, kyɛbɔ ye nhyehyɛleɛ botaeɛ bɔ ɔhyehyɛle ye wɔ Kristo nu ne ɔte ɔ.

Ɛfesofoɛ 3:9

kyɛ mmukye mvealeɛ nu dwirɛ he aso ngyire adasa mmaa mukoraa, ofikyɛ ofi tete yeɛ wafea wɔ Nyameɛ bɔ ɔbɔle nningyein mukoraa ne anu ɔ;

Kolosefoɛ 2:2

Meyɔ ɛhe kyɛbɔ bɛ wora kɔkyekye ná bayɛ ko wɔ ɔdɔ nu, ná banya ndeaseɛ bɔ osi pi, ɔne kyɛ bekonwu Nyameɛ mvealeɛ nu dwirɛ ne, bɔ ye ole Kristo ɔ.

Kolosefoɛ 4:3

Ɛ́mɔbɔ mbaeɛ bɛ́ma yɛ koso, kyɛ Nyameɛ bukye edwirɛ ne nwo atee ma yɛ, ma yɛbɔ Kristo mvealeɛ nu dwirɛ ne dawure, edwirɛ bɔ yiti yeɛ nna kukunu ye.

1 Tɛsalonikafoɛ 2:2

Na ɔwɔ nu kyɛ yɛlili moa yɛnwuni amaneɛ, ná bɛbɔle yɛ alapaa wɔ Filipi, kyɛbɔ ɛmɔse ne, nakoso yɛsili y’ahone wɔ yɛ Nyameɛ nu kyɛ yɛkɔhã Nyameɛ nzɛmba ne yɛkohyire ɛmɔ, wɔ aberɛ bɔ bɛko betia yɛ ɔ.

1 Tɛsalonikafoɛ 5:25

Aliɛmaa mɔ, ɛ́mɔbɔ mbaeɛ bɛma yɛ.

2 Tɛsalonika 3:1

Bɔ ɔpɛ ye bo ɔ, aliɛmaa mɔ, ɛ́mɔbɔ mbaeɛ bɛ́ma yɛ, kyɛ Awurade nzɛmba ne onya atee trɛ ndɛndɛ ná onya animnyam, kyɛbɔ wanya ye wɔ ɛmɔ berɛ ne.

1 Timoteo 3:16

Aporowaa biala nne ye nwo kyɛ nyamesom nu mvealeɛ nu dwirɛ ne ɔte piri: Nyameɛ lale ye nwo ali anwoɔnaen nu, olili be wɔ Sunzum nu; abɔfo mɔ nwuni ye, bɛbɔle ye nwo dawure wɔ maen maen nu; belele ye belili wɔ wiase, na bɛfale ye bɛhɔle nyameɛso animnyam nu.

Filemɔn 1:22

Afei koso, siesie ɛwɔfoɛ sua ma me, na me nye la so kyɛ, ɔnate ɛmɔ mbaeɛ so ngonya atee ngɔwa ɛmɔ berɛ.

Hebrifoɛ 13:18

Ɛmɔhɔ so bɛbɔ mbaeɛ bɛma yɛ; ofikyɛ yɛde yɛdi kyɛ yɛ tiboa mmua yɛ foɛ, na yɛkuro kyɛ daa yɛdi dwirɛ paa wɔ yɛ brabɔlɛ nu.