Ɛfesofoɛ 6:18 - AHYERƐLƐ KRONGRON

¹⁸ Ɛ́mɔfa mbaeɛbɔlɛ ne ngotosrɛ amukoraa bɛ́bɔ mbaeɛ daa wɔ Sunzum nu. Yiti ɛ́mɔwɛne, ná ɛmɔhɔ so bɛsrɛ bɛma anwoteefoɛ amukoraa,

Ɛfesofoɛ 6:18 Iomraidhean Croise

1 Ahemvo 8:52

Mesrɛ kyɛ ma w’akoaa sufrɛ ne wɔ maen Yisrael sufrɛ odwu wɔ nyunu, na mmerɛ biala bɔ bekosu bɛkɔfrɛ wɔ ne, tie bɛ.

1 Ahemvo 8:54

Solomon fale sɔ mbaeɛ ne amukoraa ne sɔ sufrɛ ne amukoraa tole AWURADE nyunu yiele. Na afei AWURADE afɔleɛ bokyea bɔ ye nwo yeɛ obuli ndwerɛ trɛtrɛle ye sa nu hyirele nyameɛso ne, ofili ye nyunu berɛ dwɔsole, ɔkakyili ye nwo,

1 Ahemvo 8:59

AWURADE yɛ Nyameɛ, me dwirɛ bɔ mafa mato wɔ nyunu ne, ao AWURADE, maa ɔla wɔ nyunu eyia ne kɔngɔen, ná kɔ so ko ma w’akoaa ne wɔ maen Yisrael, maa yɛnya bɔ yɛhia ɔ daa biala,

1 Ahemvo 9:3

AWURADE sele ye kyɛ, “Mate wɔ mbaeɛ ne wɔ dwirɛ bɔ afa ato me nyunu ne. Sua bɔ asi afa me dumaa ato so afebɔɔ ne, mate ye nwo maa wayɛ krongron. Me nye koli ye si, na ɔkɔla m’ahone nwo daa biala.

Ɛseta 4:8

Mmeraa bɔ bɛhyɛle, bɔ bɛhyerɛle ye wɔ Susa kyɛ begyina so behũhũ Yudafoɛ ne, Modekae fale sɔ krataa ne bie mane Hatake. Ɔnwa ɔɔfa hyire Ɛseta, ohyirehyire edwirɛ ne anu hyire ye, ná ɔha hyire ye kyɛ ɔhɔ Nana Ahasuro berɛ ɔɔpa ye kyerɛ, ná ɔsrɛ ma ye, Ɛseta ye mmenia.

YOB NWOMAA NE 27:10

Aso ole anigye wɔ Tuminiɛ ne anu? Aso osũ frɛ Nyameɛ mmerɛ biala anaa?

Edwein 4:1

Ao, me Nyameɛ bɔ edi me dwirɛ ma me ɔ, mefrɛ wɔ a tie me e! Me nwo hyerele me ne, wɔ yeɛ ɛpepɛ lele me ɔ. Nwu me anwumvoin, ná tie me mbaeɛ.

Edwein 6:9

AWURADE ate me sufrɛ; AWURADE kole me mbaeɛ ne kɔto nu.

Yesaya 26:16

O AWURADE, bɛpenane wɔ si atee wɔ b’amaneɛnwunɛ nu, besu bɛfrɛle wɔ wɔ mmerɛ bɔ né ɛtwe bɛ so ɔ.

Daniel 6:10

Na Daniel tele kyɛ wafa ye sa wawura mmeraa ne abo nen, ɔhɔle ye awuro aborɔsaen ne aso, nekaa bɔ ye pia nu mboma mɔ bebukye a bɛ nye kyire Yerusalem ne. Na kyɛbɔ né daa ne ɔyɔ ne ala, ɛlɛho biala oguale ndwerɛ pɛen nza ɔbɔle mbaeɛ lale ase wɔ ye Nyameɛ nyunu.

Daniel 9:20

Na me noa wɔ so bɔ medwudwo, bɔ mebɔ mbaeɛ, bɔ mekã me bɔne ne me maen Yisrael bɔne, bɔ mefa me sufrɛ meto AWURADE me Nyameɛ nyunu mema me Nyameɛ bokaa krongron ne nen,

Hosea 12:4

Amba, ɔne abɔfo ne bɛtetale so, na olili ngonim, osuni, na ɔkoto srɛle ye. Onwuni Nyameɛ wɔ Betel, na berɛ yeɛ Nyameɛ ne yɛ dwudwole ɔ.

Sakaria 12:10

“Ngohwie ɛlolɛ ne sufrɛ sunzum ngogua Dawide awuro ama ne Yerusalemfoɛ so, amaa ɔnate so bafa bɛ nye bato me bɔ basina me ne aso; na bekosu ye kyɛbɔ sona su ye bahorɛ ɔ, yeɛ bekosu ye hahii kyɛbɔ sona sũ ye bamuɛbaa ɔ.

Mateo 17:21

Na sɔ nikyee he de, kyɛbɔ osi te ne, ye bo ngora tu, sana mbaeɛ ne ɛhɔenhyelɛ yeɛ otu ye ɔ.]

Mateo 26:41

Ɛ́mɔwɛne ná ɛ́mɔbɔ mbaeɛ, ná ɛmɔangɔ nzɔhwɛ nu. Sunzum ne kuro de, nakoso anwoɔnaen ne yɛ mmerɛ.”

Marko 13:33

Ɛ́mɔla ɛmɔ nwo so, ɛmɔwɛne ná ɛmɔbɔ mbaeɛ, ofikyɛ ɛmɔnze kyẽa horɛ bɔ mmerɛ ne kɔwa ɔ.

Marko 14:38

Ɛ́mɔwɛne ná ɛ́mɔbɔ mbaeɛ, ná ɛmɔangɔ nzɔhwɛ nu. Sunzum ne kuro de, nakoso anwoɔnaen ne yɛ mmerɛ.”

Luka 21:36

Yiti ɛmɔwɛne ná ɛ́mɔbɔ mbaeɛ daa, amaa ɛmɔanya anwoserɛ bafa banwati bafi bɔ ɔbaasisi ne amukoraati nu, ná ɛmɔahora bagyina Sona Awa ne nyunu.”

Luka 22:46

Na osele bɛ kyɛ, “Nzu ati yeɛ ɛmɔdafe ye? Ɛ́mɔdwɔso bɛ́bɔ mbaeɛ ná ɛmɔangɔ nzɔhwɛ nu.”

Luka 3:26

bɔ ɔse ole Maate, bɔ ɔse ole Matatia, bɔ ɔse ole Semin, bɔ ɔse ole Yoseke, bɔ ye koso ɔse ole Yoda,

Luka 3:37

bɔ ɔse ole Metusela, bɔ ɔse ole Henɔke, bɔ ɔse ole Yarede, bɔ ɔse ole Mahalaleel; bɔ ɔse ole Kenan,

Asomafoɛ 1:14

Bɛ mukoraa bɛmane b’adwene yɛle ko betuli bɛ nwo besiele berɛ bɛbɔle mbaeɛ, bɛne mmrasua nemɔ ne Yesu maame Maria ne Yesu aliɛmaa mɔ.

Asomafoɛ 10:2

Ɔte nyamesuroniɛ bɔ ɔne ye awuro ama mukoraati besuro Nyameɛ ɔ. Osa yɔle adɔeɛ pee mane Yudafoɛ ehiafoɛ, na né ɔtaa bɔ mbaeɛ kyire Nyameɛ.

Asomafoɛ 12:5

Na mmerɛ bɔ Petro la kuku nu berɛ nen, asɔre mma ne mane bɛ nye borole hɔle so bɔle mbaeɛ mane ye.

Asomafoɛ 6:4

na yɛ koso yanya mmerɛ yatu yɛ nwo yasie berɛ yama mbaeɛbɔlɛ ne nzɛmbahanɛ.”

Romanfoɛ 12:12

Ɛ́mɔnya anigye wɔ anyelasoɛ nu, ɛ́mɔnya aboterɛ wɔ amaneɛnwunɛ nu, ná ɛmɔhɔ so bɛbɔ mbaeɛ daa.

Romanfoɛ 8:15

Ofikyɛ ɛmɔannya ngoaayɛlɛ sunzum bɔ ɔkɔmaa ɛmɔkosa bekosuro ɔ; na mmom baayɛlɛ Sunzum yeɛ ɛmɔanya ɔ, bɔ ɔmaa yɛtea nu kyɛ: “Abba! Baba!”

Galatiafoɛ 4:6

Na ɔnate kyɛ ɛmɔte mmaa ne ati, Nyameɛ asoma Ɔwa ne Sunzum maa waatena ɛmɔ ahone nu, bɔ ɔtea nu kyɛ “Abba! Baba!”

Ɛfesofoɛ 1:16

nnyakyili ɛmɔ nwo asennaa, na mekaye ɛmɔ wɔ me mbaeɛbɔlɛ nu:

Ɛfesofoɛ 2:22

bɔ ye nu yeɛ bɛ́fa ɛmɔ koso besi maa ɔyɛ Nyameɛ atenaleɛ wɔ Sunzum nu ɔ.

Ɛfesofoɛ 3:18

amaa ɛmɔahora bɛne anwoteefoɛ amukoraa bate kyɛbɔ osi trɛ, osi te tendenn, osi wale, ɔne kyɛbɔ osi te kuronn ɔ bo,

Ɛfesofoɛ 3:8

Ɔwɔ nu kyɛ me yeɛ nde kãa paa wɔ anwoteefoɛ ne amukoraa nu ɔ, nakoso Nyameɛ amaa manya sɔ adom he, kyɛ mmɔ Kristo anwonya bɔ ɔbo sona ndeaseɛ so ne dawure ngyire Amaenmaensofoɛ;

Ɛfesofoɛ 6:19

yeɛ ɛ́mɔsrɛ bɛ́ma me koso, amaa sɛ mebukye me noa kyɛ medwudwo a, bama me dwirɛ bɔ nga ɔ, ná mahora masi m’ahone mabɔ nzɛmba ne anu mvealeɛ nu dwirɛ ne dawure;

Filipifoɛ 1:4

Daa biala, me mbaeɛbɔlɛ amukoraa nu, mebɔ mbaeɛ mema ɛmɔ amukoraa wɔ anigye so;

Filipifoɛ 4:6

Nnɛmɔma nikye fee ha ɛmɔ; na mmom nikyee biala nu, ɛ́mɔfa mbaeɛbɔlɛ ne ngotosrɛ ne asennaa bɛ́fa bɔ ohia ɛmɔ ɔ bɛ́to Nyameɛ nyunu.

Kolosefoɛ 1:3

Daa biala sɛ yɛ́bɔ mbaeɛ yɛma ɛmɔ a, yɛfa asennaa yɛma Nyameɛ bɔ ɔte y’Awurade Yesu Kristo Baba ne.

Kolosefoɛ 1:4

Ofikyɛ yate ɛmɔ gyidie bɔ ɔwɔ Kristo Yesu nu ne, ɔne ehurolɛ bɔ ɛmɔkuro anwoteefoɛ amukoraa bɛ dwirɛ ne nga;

Kolosefoɛ 4:2

Ɛmɔhɔ so bɛbɔ mbaeɛ, ná ɛ́mɔfa asennaa bɛwɛne wɔ mbaeɛbɔlɛ ne anu.

1 Tɛsalonikafoɛ 5:17

nnɛma ɛmɔyakyi mbaeɛbɔlɛ le!

1 Timoteo 2:1

Afei, bɔ oli moa wɔ ye mukoraati nu ɔ, metu foɛ kyɛ, ɔsɛ kyɛ ɛmɔdi ngotosrɛ, mbaeɛbɔlɛ, odima ne asennaa nwo dwumaa bɛma mmenia amukoraa,

2 Timoteo 1:3

Mefa asennaa mema Nyameɛ bɔ mefa tiboa paa meso ye, kyɛbɔ me nana mɔ bɛsole ye ne, kyɛ daa biala mekaye wɔ wɔ me mbaeɛ nu eyia ne kɔngɔen.

Filemɔn 1:5

ofikyɛ ɔdɔ bɔ ele ye ma anwoteefoɛ amukoraa ɔne wɔ gyidie wɔ Awurade Yesu nu ne, mete ye nga.

Hebrifoɛ 5:7

Mmerɛ bɔ né Yesu wɔ aseɛ ye aso wa nen, ɔfale esuɛ ne ye nye moen teateane nu fale ye mbaeɛ ne nikyeesrɛlɛ tole Nyameɛ bɔ ɔkora ye ye fi ewue nu ne nyunu, na ɔnate ye nyamesuro ti Nyameɛ tiele ye.

1 Petro 4:7

Nakoso nningyein amukoraa ayieleɛ apingye; yiti ɛ́mɔnya adwene paa ná ɛ́mɔma ɛmɔ nye la berɛ ma mbaeɛbɔlɛ.

Yuda 1:20

Nakoso ɛmɔ de, aliɛmaa mɔ, ɛmɔhɔ so benyi wɔ ɛmɔ gyidie krongron paa ne anu, ná ɛ́mɔbɔ mbaeɛ wɔ Sunzum Krongron nu;

1 Samuel 1:12

Na Hana gu so ɔbɔ mbaeɛ kyire AWURADE nen, Eli neane ye noa haa.