Ɛfesofoɛ 6:12 - AHYERƐLƐ KRONGRON

¹² Ofikyɛ nna yɛne anwoɔnaen ne mogya yeɛ yɛdi ahoɛ ɔ; na mmom yɛne mbanyililɛ ne tumi mɔ ne ewiase awosii nu tumifoɛ ne ewienu dɔ sunzummɔne mɔ.

Ɛfesofoɛ 6:12 Iomraidhean Croise

YOB NWOMAA NE 2:2

Yeɛ AWURADE bisale Satan kyɛ, “Nisua yeɛ efi wale ɔ?” Na Satan buale AWURADE kyɛ, “Aseɛ so bɔ mekyinikyini, bɔ medi so akɔneaba ne yeɛ mvi so mmale ɔ.”

Mateo 16:17

Na Yesu buale kyɛ, “Anya saleɛ, Yona awa, Simɔn! Ofikyɛ nna anwoɔnaen ne mogya yeɛ baye he bahyire wɔ ɔ, na mmom me Baba bɔ ɔwɔ nyameɛso ne ɔ.

Marko 4:19

nakoso sɛ abrabɔ nu dadwene ne anwonyadeɛ nnakannaka ne akɔnnɔdeɛ ahoroɔ ba bɛ so a, bemiamia edwirɛ ne, na onzu mmaa.

Luka 13:24

“Ɛ́mɔpere béwura anoa bɔtɔfee ne anu! Na mekã mekyire ɛmɔ kyɛ, mmenia pee bɛkɔpena kyɛ bekowura nu ɔ, na bɛngɔhora.

Luka 22:53

Daa biala bɔ né me ne ɛmɔ yɛwɔ asɔneyɛɛ sua ne anu nen, ɛmɔangye me. Na ɛhe yeɛ ɔte ɛmɔ mmerɛ ne awosii tumi ɔ.”

Yohane 12:31

Afei ewiase ndɛenbualɛ ne wadwu; bɔ odi wiase he aso ne, bekye yeɛ bɛbaaye ye befi berɛ ɔ.

Yohane 14:30

Me ne ɛmɔ yɛngodwudwo pee ko, ɔnate kyɛ bɔ odi wiase he aso ne, ɔ́ba, na olle tumi biala wɔ me so.

Yohane 16:11

ndɛenbualɛ nwo, ofikyɛ Nyameɛ abua bɔ odi wiase he aso ne ndɛen dada.

Asomafoɛ 26:18

Memaa ekobukye bɛ nye, ná ɛye bɛ fi awosii nu ba kanea nu, na ɛye bɛ fi Abɔnzam tumi bo ɛfa bɛ ba Nyameɛ berɛ; amaa banya bɔnefakyɛ, ne tenaberɛ wɔ bɛ bɔ bafa bɛ gyidie bɔ ɔwɔ me nu bate bɛ nwo nemɔ anu.’

Romanfoɛ 8:38

Na mese ye pefee kyɛ ewue anaa ngoa, anaa abɔfo mɔ, anaa ewienu atumifoɛ, anaa nningyein bɔ ɔwɔ berɛ kekesaala ye, anaa nningyein bɔ ɔbaawa, anaa tumi,

1 Korintofoɛ 15:50

Aliɛmaa mɔ, bɔ mekyire ole kyɛ, anwoɔnaen ne mogya ngɔhora ngonya Nyameɛ ahennie ne anu kyɛfa, yeɛ bɔ ɔporɔ ne koso ngonya bɔ ɔmborɔ ne anu kyɛfa.

2 Korintofoɛ 11:14

Na ɔnyɛ nwanwa! Ofikyɛ Abɔnzam po kakyi ye nwo kyɛ nahorɛ abɔfo.

2 Korintofoɛ 4:4

Bɛ yeɛ ewiase wa nyameɛ ama bɛ bɔ benne benni ne, b’adwene ali naakye, amaa Kristo bɔ ole Nyameɛ sue n’animnyam nzɛmba kanea ne, wanda bɛ so.

Galatiafoɛ 1:16

kyɛ ɔkɔla Ɔwa ne ali kohyire me, amaa ɔnate so mahã ye nwo nzɛmba ne mahyire Amaenmaensofoɛ ne, berɛ ne ala manzusu ye nwo mangyire sona biala.

Ɛfesofoɛ 1:21

na ɔte ahennie, tumi, anwoserɛ ne meneɛ amukoraa so hene, ɔne dumaa biala bɔ bɛfa bɛfrɛ ɔ, bɔ nna wiase wa angome, na mmom ewiase bɔ ɔbaawa ne koso anu.

Ɛfesofoɛ 1:3

Animnyam hã Nyameɛ, y’Awurade Yesu Kristo Baba ne, bɔ wafa sunzum nu saleɛ amukoraa bɔ ɔwɔ nyameɛso wayira yɛ wɔ Kristo nu ne,

Ɛfesofoɛ 2:2

bɔ daa ne, ɛmɔbɔle ɛmɔ bra kyɛbɔ wiase brabɔlɛ te ɔ, bɔ ɛmɔlili ewienu tumi panyi ne si, bɔ ɔte sunzum bɔ kekesaala ye odi dwumaa wɔ asoserɛfoɛ nu ne.

Ɛfesofoɛ 3:10

kyɛbɔ ɔkɔyɛ bɔ afei ɔnate asɔre ne aso, Nyameɛ nworɛ ne kɔla ye nwo ali wɔ atee ahoroɔ so kohyire ahennie ne tumi ahoroɔ bɔ bɛwɔ anwuro dɔ ɔ.

Kolosefoɛ 1:13

Wapepɛ wale yɛ wafi awosii tumi nu, na waasikye yɛ wɔ Ɔwa bɔ okuro ye dwirɛ n’Ahennie nu;

Kolosefoɛ 2:15

Olele mbanyililɛ ne tumililɛ bɛ sa nu tumi, na ɔlale bɛ ali pefee wɔ badwa nu, na olili bɛ so ngonim wɔ mmeamudua ne aso.

2 Timoteo 2:5

Na bɛmva ngonim abotire ne bɛmmɔ amirikatulɛniɛ, sana odi amirikatulɛ ne nwo mmeraa so.

Hebrifoɛ 12:1

Yɛ de, yɛle adanzefoɛ pembepembe bɔ bapɛ yɛ nwo bayia ɔ, yiti ɛ́mɔma yɛgyi nikyee biala bɔ osi yɛ ngɔsoɛ nwo ate, ɔne bɔne bɔ ɔngyɛ na wakyekye yɛ ne yɛgua, ná yɛ́mia yɛ nye yɛtu amirika bɔ ɔla yɛ nyunu ne.

Hebrifoɛ 12:4

Na apereapereɛ bɔ ɛmɔ ne bɔne bedi ye, ɛmɔnnya bɛffale ɛmɔ ngoa bɛppɛle so.

1 Petro 3:22

Ye yeɛ ɔhɔle nyameɛso ne, na ɔte Nyameɛ sa famaa so; na abɔfo mɔ ne anwoserɛ mɔ ne tumi mɔ babrɛ bɛ nwo ase bawura ye bo.