Ɛfesofoɛ 6:10 - AHYERƐLƐ KRONGRON

¹⁰ Bɔ ɔpɛ ye bo ɔ, aliɛmaa mɔ, ɛ́mɔma ɛmɔ nwo yɛ se wɔ Awurade nu, ɔne ye anwoserɛ tumi ne anu.

Ɛfesofoɛ 6:10 Iomraidhean Croise

1 Aberɛso Dwirɛ 28:10

Nea yé, ofikyɛ AWURADE awuro bɔ ɔte nekaa krongron ne, wɔ yeɛ waneanea nu waye wɔ kyɛ esi ɔ. Gyina pindinn ná yɔ adwuma ne.”

1 Aberɛso Dwirɛ 28:20

Dawide toale so sele ɔwa Solomon kyɛ, “Gyina pindinn, ma wɔ hue yɛ se, ná yɔ adwuma ne. Nnɛsuro, yeɛ nnɛma wɔ kunu tete wɔ, ofikyɛ AWURADE Nyameɛ, bɔ ɔte me Nyameɛ ne, ogyi wɔ si. Ongoli wɔ ngasi, yeɛ ɔngɔyakyi wɔ nu, kɔpem kyɛ AWURADE awuro adwuma bɔ bɛfa bɛso ye ne, bekoyie ye mukoraa yɔ ɔ.

2 Aberɛso Dwirɛ 15:7

Nakoso ɛmɔ de, ɛ́mɔgyina pindinn. Nnɛma ɛmɔ abasa nu dwo, ofikyɛ ɛmɔkonya ɛmɔ adwuma nwo akatuaa.”

Edwein 138:3

Kyẽa bɔ nzu mvrɛle wɔ ne, etiele me sufrɛ, na ɛmane me kra hɔle so nyane anwoserɛ.

Yesaya 40:28

Aso ɛnze? Aso ɛttele? AWURADE te Ɛdangama Nyameɛ, bɔ ɔbɔle aseɛ fi ye ti kɔkã ye ti ɔ. Ɔmvɛ, yeɛ ye nwo nyɛ ye bɛtɛɛ, na ye nworɛ bo sona ndeaseɛ so.

Yesaya 40:31

nakoso bɛ bɔ bɛnwondɛ AWURADE ne de, bekonya anwoserɛ foforɛ; bɛkɔfa ndaa bekotu kyɛ kɔleɛ, bekotu amirika, na bɛngɔfɛ, bɛkɔnate, na bɛ nwo ngɔyɛ bɛ bɛtɛɛ.

Hagae 2:4

Nakoso afei de, Serubabɛl, si wɔ hue, AWURADE noa dwirɛ ɛne; Yehosadake awa ɔsɔfo panyi Yosua, si wɔ hue; yeɛ aseɛ ne aso ama mukoraa, ɛ́mɔsi ɛmɔ hue, AWURADE noa dwirɛ ɛne. Ɛ́mɔyɔ adwuma ne, ofikyɛ ngyi ɛmɔ si, Asafo AWURADE noa dwirɛ ɛne.

Sakaria 8:13

O Yuda awuro ama ne Yisrael awuro ama, kyɛbɔ ɛmɔakakyi amoenwaa dwirɛ wɔ maen maen mɔ nu ne, sɔ ala yeɛ ngole ɛmɔ ngoa ɔ, na ɛmɔkɔyɛ saleɛ. Nnɛma ɛmɔsuro, na mmom ɛ́mɔmia ɛmɔ nye.”

Sakaria 8:9

Asafo AWURADE nwa nyoo, “Ɛ́mɔmia ɛmɔ nye, amaa ɔnate so ɛmɔasi asɔneyɛɛ sua ne, ɛmɔ bɔ sɔ mmerɛ ye anu ɛmɔate edwirɛ hemɔ bafi ngɔmhyɛlɛfoɛ nemɔ bɛ noa ne, ngɔmhyɛlɛfoɛ bɔ né bɛwɔ berɛ ofi kyẽa bɔ bɛtole Asafo AWURADE awuro ne fapem nen.

1 Korintofoɛ 16:13

Ɛmɔwɛne, ɛmɔgyina pindinn wɔ gyidie nu, ɛ́mɔma ɛmɔ ahone yɛ se, ná ɛ́mɔmia ɛmɔ nye.

2 Korintofoɛ 13:11

Afei aliɛmaa mɔ, mekra ɛmɔ oo! Ɛ́mɔma ɛmɔ nwo te, ɛ́mɔma ɛmɔ wora kyekye, ɛmɔnya adwene ko, ɛmɔtena asomdwee nu, na ɔdɔ ne asomdwee Nyameɛ ɔne ɛmɔ kɔtena.

Ɛfesofoɛ 1:19

Mesrɛ kyɛ, ɔma ɛmɔnwu ye tumi totohyia bɔ ɔbo so ma yɛ bɔ yɛde yɛdi ne, kyɛbɔ ye anwoserɛ tumi nikyeeyɔlɛ

Ɛfesofoɛ 3:16

kyɛ ófi ye animnyam anwonya nu ma ɛmɔfa ye Sunzum so benya tumi nu anwoserɛ wɔ ɛmɔ nu, wɔ sona sue ne anu,

Deuteronomi 31:23

Afei AWURADE fale ye adwuma wurale Nun awa Yosua sa kyɛ, “Gyina pindinn, ná ma w’ahone yɛ se; ofikyɛ aseɛ bɔ ndale ndaen kyɛ ngɔfa ngɔma Yisraelfoɛ ne, wɔ yeɛ ɛkɔfa bɛ kɔhɔ so ɔ, na ngogyina wɔ si.

Filipifoɛ 3:1

Aliɛmaa mɔ, bɔ ɔpɛ ye bo ɔ, ɛ́mɔma ɛmɔ nye gye wɔ Awurade nu. Ɔnha me kyɛ ngosa ngɔhyerɛ nikyee komapɛ ne ala ngɔbrɛ ɛmɔ ɔ, na ye sɔ te paa ma ɛmɔ.

Filipifoɛ 4:13

na mekora meyɔ nnningyein amukoraa wɔ Kristo bɔ ɔma me anwoserɛ ne anu.

Filipifoɛ 4:8

Afei aliɛmaa mɔ, medwura edwirɛ ne kyɛ, nikyee biala bɔ ɔte nahorɛ, bɔ ɔte animnyam, bɔ ɔtengyɛ, bɔ ye nwo te, bɔ ɔyɛ nyemene, bɔ ole dumaa paa; sɛ bra paa bie wɔ berɛ a, sɛ ayɛyelɛ bie wɔ berɛ a, sɔ nningyein nemɔ yeɛ ɔsɛ kyɛ ɛmɔdwenedwene bɛ nwo ɔ.

Kolosefoɛ 1:11

Yɛsrɛ kyɛ ɔma ɛmɔ tumi amukoraa ma ɛmɔgyina pindinn, kyɛbɔ ye animnyam tumi te ne, ná ɛmɔahora bafa aboterɛ ne animia amukoraa bagyina wɔ anigye nu,

2 Timoteo 2:1

Yiti mma, ma wɔ nwo yɛ se wɔ adom bɔ ɔwɔ Kristo Yesu nu ne anu.

2 Timoteo 4:17

Nakoso Awurade gyinane me si mane me anwoserɛ, kyɛbɔ ɔkɔyɛ bɔ ɔkɔfa me so kɔbɔ edwirɛ ne dawure bɔkɔɔ kɔma Amaenmaensofoɛ amukoraa bɛkɔte ɔ. Yiti ɔpepɛ lele me fili gyata noa nu.

Yosua 1:9

Yiti méhyɛ wɔ kyɛ, gyina pindinn ná ma w’ahone yɛ se; nnɛsuro, yeɛ nnɛma wɔ kunu tete wɔ, ofikyɛ AWURADE wɔ Nyameɛ gyi wɔ si wɔ nekaa biala bɔ ɛkɔhɔ ɔ.”

1 Petro 3:8

Bɔ ɔpɛ ye bo ɔ, ɛmɔ amukoraa ɛ́mɔnya adwene ko, ɛ́mɔnwunwu ɛmɔ nwo anwumvoin, ɛmɔhurohuro ɛmɔ nwo dwirɛ kyɛ aliɛmaa mɔ, ɛ́mɔnya tema bɛ́ma ɛmɔ nwo, na ɛ́mɔdwene anwobrɛaseɛ adwene.

1 Petro 4:11

Sɛ ebie dwudwo a, maa ɔhã ye kyɛ Nyameɛ noa dwirɛ ɔ; sɛ ebie ɔyɔ ɛsolɛ adwuma a, maa ɔfa anwoserɛ bɔ Nyameɛ afa ama ye ne ɔso; amaa ɔnate so bafa Yesu Kristo so bahyɛ Nyameɛ animnyam wɔ nningyein amukoraa nu. Ye yeɛ animnyam ne tumi te ye deɛ daa daa ɔ. Amen.

1 Petro 5:10

Na sɛ ɛmɔnwu amaneɛ wɔ mmerɛ kãa bie beyie a, adom mukoraa Nyameɛ, bɔ wafrɛ yɛ wawa ye animnyam afebɔɔ nu wɔ Kristu Yesu nu ne, okosiesie ɛmɔ maa ɛmɔkoli mu, ɔkɔma ɛmɔkogyina pindinn, ɔkɔma ɛmɔ anwoserɛ ná wama ɛmɔagyina pirim.

1 Yohane 2:14

Ngya mɔ, mahyerɛ he mabrɛ ɛmɔ, ofikyɛ ɛmɔse bɔ né ɔwɔ berɛ ahyɛaseɛ ne. Mmerandeɛ mɔ koso mahyerɛ he mabrɛ ɛmɔ, ofikyɛ ɛmɔatindim, Nyameɛ dwirɛ ne te ɛmɔ nu, na ɛmɔali bɔnefoɛ ne so ngonim.

1 Samuel 23:16

Yeɛ Sɔɔlo awa Yonatan sili nu hɔle Dawide berɛ wɔ Horese, na ɔkyekyele Dawide wora kyɛ Nyameɛ kɔbɔ ye nwo waen.