Ɛfesofoɛ 5:8 - AHYERƐLƐ KRONGRON

⁸ ofikyɛ daa ne, né ɛmɔte awosii, nakoso kekesaala ye de, ɛmɔte kanea wɔ Awurade nu. Ɛ́mɔbɔ ɛmɔ bra kyɛ kanea mma,

Ɛfesofoɛ 5:8 Iomraidhean Croise

Edwein 74:20

Kaye apam ne, ofikyɛ aseɛ ne aso nekaa bɔ wayɛ awosii kabii ne, nzɛmmɔnelilɛ ayi berɛ tɛkyɛ.

Yesaya 2:5

O, Yakob awuro ama, ɛmɔbra ma yɛnate AWURADE kanea ne anu!

Yesaya 42:16

Na ngɔyɛ anyesiniwaafoɛ taataa ngɔfa atee bɔ bɛnze so ɔ so; ngoli bɛ nyunu ngɔfa atimbire bɔ bɛnze so ɔ so. Ngɔma awosii kɔkakyi hyireinn wɔ bɛ nyunu, na ngɔma mmɔnga mmɔnga atee ne kɔla so. Bɔ ngɔyɔ ngɔma bɛ hɔ ɛne, na mengɔye me sa mengofi bɛ bo.

Yesaya 49:6

Ɔnwa nyoo: “Kyɛ ɛkɔyɛ me somvoɛ, kyɛ ɛkɔpagya Yakob mmusua kure nemɔ, ɔne kyɛ ɛkɔfa Yisraelfoɛ bɔ banya bɛ ti badidi nu ne ekosa kɔwa ne, aso ɔte adwuma ba? Ngosa ngɔfa wɔ ngɔyɛ kanea ngɔma maen maen mɔ, amaa ɔnate so ama me ngoalelɛ waadwu aseɛ so nekaa biala.”

Yesaya 49:9

ná ɛkã kyire kukunufoɛ kyɛ, ‘Ɛ́mɔfite bɛbra!’ ɔne bɛ bɔ bɛwɔ awosii nu kyɛ, ‘Ɛmɔbra pandann nu!’ Atee nemɔ noa yeɛ bekodidi ɔ, na pambaa amukoraa bɔ so te pralaa ne, bekonya aleɛ wɔ so.

Yesaya 50:10

Ɛmɔ nu nwa yeɛ osuro AWURADE, ná ɔyɛ ye somvoɛ dwirɛ nwo sotie ɔ? Sona bɔ ɔnate awosii nu, bɔ onnya kanea ne, maa ɔfa ye wora wura AWURADE dumaa nu, ná ɔfa ye nwo to ye Nyameɛ so.

Yesaya 9:2

Maen bɔ né ɔnate awosii nu ne, wanwu kanea piri ne, bɛ bɔ né bɛte awosii kabii aseɛ so ne, kanea ata bɛ so.

Yeremia 13:16

Ɛ́mɔfa animnyam bɛ́ma AWURADE ɛmɔ Nyameɛ koraka né wama awosii awa, koraka né ɛmɔasoti mmokaa so wɔ awosii nu; na aberɛ bɔ ɛmɔpena kanea ne, ɔkɔmaa ɔkɔkakyi ewue wawoɛ, na ɔkɔmaa ɔkɔkakyi awosii kabii.

Mateo 3:8

Odi kyɛ ɛmɔyɔ bɔ okyire kyɛ ɛmɔasakyera ɛmɔ adwene amba ɔ.

Mateo 4:16

maen bɔ ɔte awosii nu ne, wanwu kanea hyireinn; na bɛ bɔ bɛte ewue aseɛ awosii kabii so ne, kanea bie apukye ama bɛ.”

Luka 1:79

kyɛ ɔkɔta kɔma bɛ bɔ bɛtete awosii nu ɔne ewue wawoɛ nu ɔ, ná wayɛ yɛ taataa wahɔ asomdwee atee so.”

Luka 16:8

Na meneɛ ne kamvole hwɛsoniɛ bɔ onni nahorɛ ne, kyɛ wafa nworɛ wato bɔ wayɔ ne anwo. Ofikyɛ, wiase he anu ama bɛfa nworɛ atee so bɛyɔ bɛ nningyein wɔ bɛ mmango mɔ nu bɛtra kanea mma nemɔ.”

Yohane 1:9

Nahorɛ kanea bɔ ɔta ma sona biala ne yeɛ né ɔba wiase ɔ.

Yohane 12:35

Yeɛ Yesu buale bɛ kyɛ, “Kanea ne ɔne ɛmɔ bɛwɔ berɛ mmerɛ kãa bie. Na mmerɛ bɔ ɛmɔle kanea ne de, ɔsɛ kyɛ ɛmɔnate, ná awosii wammando ɛmɔ; ofikyɛ ebiala bɔ ɔnate awosii nu ne, ɔnze nekaa bɔ ɔkɔ ɔ.

Yohane 12:36

Mmerɛ bɔ ɛmɔle kanea ne de, ɔsɛ kyɛ ɛmɔde kanea ne bedi, amaa ɔnate so ɛmɔayɛ kanea ne mma.” Na Yesu hane ɛhemɔ yiele nen, ofili berɛ, na ɔfale ye nwo feale bɛ.

Yohane 12:46

Mawa wiase kyɛ kanea, na ebiala bɔ ode me di ne, ɔngɔtena awosii nu.

Yohane 8:12

Yeɛ Yesu sele bɛ bieku kyɛ, “Me ole wiase kanea ne; ebiala bɔ oli me si ne, ɔngɔnate awosii nu le, na okonya ngoa kanea ne.”

Asomafoɛ 17:30

Mmerɛ bɔ né mmenia bennya bennwuni Nyameɛ yé nen, obuli ye nye guale so; nakoso kekesaala ye de, ɔhyɛ ebiala bɔ ɔwɔ nekaa biala ɔ kyɛ ɔsakyera ye adwene,

Asomafoɛ 26:18

Memaa ekobukye bɛ nye, ná ɛye bɛ fi awosii nu ba kanea nu, na ɛye bɛ fi Abɔnzam tumi bo ɛfa bɛ ba Nyameɛ berɛ; amaa banya bɔnefakyɛ, ne tenaberɛ wɔ bɛ bɔ bafa bɛ gyidie bɔ ɔwɔ me nu bate bɛ nwo nemɔ anu.’

Romanfoɛ 1:21

Né bɛse Nyameɛ de, nakoso banhyɛ ye animnyam kyɛ Nyameɛ, banna ye ase, na mmom b’adwene yɛle ngwaseaa adwene, na bɛ ti anu adwene yɛle awosii.

Romanfoɛ 13:12

Aleɛ sane ɔ ahyɛ, na alehyeleɛ apingye. Yiti ɛ́mɔma yɛgyi awosii nu yɔleɛ nemɔ yɛgua, ná yɛfa kanea nu akodeɛ yɛwura.

Romanfoɛ 2:19

na sɛ ede di kyɛ wɔ yeɛ ɛse anyesiniwaafoɛ atee kyire ɔ, na esa te bɛ bɔ bɛte awosii nu kanea,

1 Korintofoɛ 1:30

Ngoa bɔ ɛmɔle ye wɔ Yesu nu ne fi Nyameɛ berɛ, na Nyameɛ afa Kristo ayɛ yɛ nworɛ, yɛ tenenee, yɛ fawɔnwodi ne krongronyɛlɛ.

2 Korintofoɛ 3:18

Baye yɛ mukoraa yɛ nyunu ngatanyunu ne, yiti yɛnwu Awurade animnyam ne kyɛ yɛnea neanu nu ɔ, na Awurade Sunzum ne gu so ɔsesã yɛ maa yɛnya ye sue ne bie yɛfi animnyam nu yahɔ animnyam nu.

2 Korintofoɛ 4:6

Ofikyɛ Nyameɛ bɔ ɔmane kanea fili awosii nu tale ne, wata hyireinn wɔ y’ahone nu, kyɛ Nyameɛ animnyam nwo nimdeɛ kanea bɔ ɔwɔ Yesu Kristo nyunu ne.

2 Korintofoɛ 6:14

Nnɛma ɛmɔfa bɛ nwo bɛbɔ mmenia bɔ benne benni ɔ, ofikyɛ abiɛngoɛfalɛ beni yeɛ ɔla tenenee ne amumuyɛɛ b’afia ɔ? Anaakyɛ abiɛngoɛfalɛ beni yeɛ ɔla kanea ne awosii b’afia ɔ?

Galatiafoɛ 5:25

Sɛ Sunzum ne ama yɛ ngoa a, nzaade ɛmɔma Sunzum ne koso li yɛ nyunu wɔ asetena nu.

Ɛfesofoɛ 2:2

bɔ daa ne, ɛmɔbɔle ɛmɔ bra kyɛbɔ wiase brabɔlɛ te ɔ, bɔ ɛmɔlili ewienu tumi panyi ne si, bɔ ɔte sunzum bɔ kekesaala ye odi dwumaa wɔ asoserɛfoɛ nu ne.

Ɛfesofoɛ 4:18

Bɛ de, awosii akata bɛ ndeaseɛ so, na ɔnate ndeaseɛ bɔ belle bie, ná bayɛ asoserɛ ne ati, ngoa bɔ Nyameɛ fa ma ne wabɔ bɛ.

Ɛfesofoɛ 5:2

Ɛ́mɔfa ɔdɔ bɛbɔ ɛmɔ bra, kyɛbɔ Kristo koso hurole yɛ dwirɛ ná ɔfale ye ngoa tole berɛ mane yɛ kyɛ ayɛyɛdeɛ ne afɔleɛ fonafona mane Nyameɛ ne.

Ɛfesofoɛ 6:12

Ofikyɛ nna yɛne anwoɔnaen ne mogya yeɛ yɛdi ahoɛ ɔ; na mmom yɛne mbanyililɛ ne tumi mɔ ne ewiase awosii nu tumifoɛ ne ewienu dɔ sunzummɔne mɔ.

Kolosefoɛ 1:12

ná yafa asennaa yama Baba ne bɔ wamaa yafata kyɛ yɛnya kyɛfa wɔ anwoteefoɛ bɔ bɛwɔ kanea nu b’agyapadeɛ ne bie ɔ.

Kolosefoɛ 1:13

Wapepɛ wale yɛ wafi awosii tumi nu, na waasikye yɛ wɔ Ɔwa bɔ okuro ye dwirɛ n’Ahennie nu;

Tito 3:3

Ofikyɛ daa ne de, né yɛ koso yɛte ngwaseafoɛ, asoserɛfoɛ, bɛmaa yɛlili makyebu, yɛyɛle anwoɔnaen akɔnnɔ ne anigye ahoroɔ ngoaa, yɛfale nzɛmmɔne ne anyeboroborolɛ yɛbɔle yɛ bra, mmenia pɔle yɛ, na yɛ wora yɛpɔle bɛ.

1 Yohane 1:7

Nakoso sɛ yɛnate kanea nu, kyɛbɔ ye koso ɔwɔ kanea nu ne a, né yɛ ne yɛ nwo yɛ nwo yatira abiɛngoɛ, na Ɔwa Yesu Kristo mogya ne te yɛ nwo fi bɔne mukoraa nu.