Ɛfesofoɛ 5:6 - AHYERƐLƐ KRONGRON

⁶ Nnɛmɔma ebiala fa edwirɛ mbaen mbaen lakalaka ɛmɔ, ofikyɛ sɔ nningyein nemɔ ati yeɛ Nyameɛ ahonehulɛ ba asoserɛfoɛ so ɔ.

Ɛfesofoɛ 5:6 Iomraidhean Croise

2 Ahemvo 18:20

Ɛnwa nzɛ bɛ noa mbaen yeɛ bɛfa bɛko koɛ ɔ? Nwa yeɛ afa wɔ nwo ato ye so bɔ yiti yeɛ ayɛ me nwo lɔen ye?

Edwein 78:31

Nyameɛ fɛle bɛ so yaa, ohuhuni bɛ nu anwoserɛfoɛ nemɔ, na ɔbobɔle Yisraelfoɛ mmerandeɛ nemɔ guale berɛ.

Yeremia 27:9

Yiti, nnɛma ɛmɔtie ɛmɔ ngɔmhyɛlɛfoɛ, ɛmɔ ahɔmeɛ, ɛmɔ mmenia bɔ bekyirekyire laleɛ bo, ɛmɔ ngonyaayelɛfoɛ, anaa ɛmɔ musueyelɛfoɛ bɔ bɛkekã bekyire ɛmɔ kyɛ, ‘Ɛmɔngɔso Babilɔn hene’ ne.

Yeremia 29:31

“Mmenia amukoraa bɔ bahye bɛ nnure bahɔ ne, soma maa beese bɛ kyɛ, ‘Bɔ AWURADE kã fa Nehelamniɛ Semaya nwo ole kyɛ: Ɔnate kyɛ Semaya wahyɛ ngɔm wahyire ɛmɔ wɔ aberɛ bɔ nnzomane ye, ná wamaa ɛmɔale ngondombo bali ne ati,

Yeremia 37:9

AWURADE nwa nyoo: Nnɛma ɛmɔlakalaka ɛmɔ nwo bɛkã kyɛ, “Kaldeafoɛ nemɔ bekofi yɛ nwo wa bɛkɔhɔ,” ofikyɛ bengofi wa bɛngɔhɔ.

Mika 3:5

Ngɔmhyɛlɛfoɛ bɔ bɛma me maen di makyebu, bɔ ɛma bɛ aleɛ maa bedi a bɛkekã kyɛ, “Asomdwee oo, asomdwee oo”, nakoso sɛ ebie amma bɛ aleɛ maa banni a, bɛfa koɛ bɛtoa ye ne, bɔ AWURADE kã fa bɛ nwo ɛne.

Mateo 24:24

Ɔnate kyɛ, kristo ngondombofoɛ ne ngɔmhyɛlɛfoɛ ngondombofoɛ kodwɔso, na bɛkɔyɔ nzɛngyerɛnneɛ ne anwanwadeɛ mbiri mbiri, bɔ ɔkɔhora kɔwa kyɛ, bɛkɔlakalaka bɛ bɔ Nyameɛ aneanea nu waye bɛ ne po.

Mateo 24:4

Na Yesu buale bɛ kyɛ, “Ɛ́mɔnea yé ná ebiala annakalaka ɛmɔ.

Marko 13:22

Ɔnate kyɛ, kristo ngondombofoɛ ne ngɔmhyɛlɛfoɛ ngondombofoɛ kodwɔso, na bɛkɔyɔ nzɛngyerɛnneɛ ne anwanwadeɛ mɔ, na sɛ ɔkɔyɛ yee a, bɛkɔlakalaka bɛ bɔ Nyameɛ aneanea nu waye bɛ ne po.

Marko 13:5

Na Yesu hyɛle ye bo hã hyirele bɛ kyɛ, “Ɛmɔnea yé na ebiala annakalaka ɛmɔ.

Romanfoɛ 1:18

Na bɛda Nyameɛ ahonehulɛ ne ali befi nyameɛso bɛfa betia mmenia bɔ benzuro Nyameɛ ná bɛ yɔleɛ ndengyɛ, bɔ bɛfa b’amumuyɛɛ so besi nahorɛ ne nwo atee ɔ.

Kolosefoɛ 2:18

Nnɛmɔma sona biala bɔ ɔpati brɛ ye nwo ase, bɔ ɔsɔne abɔfo mɔ, bɔ ɔnwa wanya nyekyire, bua ɛmɔ foɛ; ofikyɛ ye adwene mbaen yeɛ ɔfa tu ye nwo yɔ sɔ ɔ.

Kolosefoɛ 2:4

Meka ɛhe kyɛbɔ ebie ngɔbobɔ ye noa nu ngɔfa ngɔlakalaka ɛmɔ ɔ.

Kolosefoɛ 2:8

Ɛ́mɔnea yé ná ebiala amva ewiase nworɛ ne nnakannaka mbaen bɔ ɔnate tetesɛm ne wiase sunzum nu dwirɛ ngyerɛkyerɛ so, bɔ ɔnnate Kristo so ɔ wamva ɛmɔ wanyɛ ngoaa.

Kolosefoɛ 3:6

Ɔnate ɛhemɔ ati yeɛ Nyameɛ ahonehulɛ ne ɔba asoserɛfoɛ so ɔ.

2 Tɛsalonika 2:3

Nnɛmɔma ebiala lakalaka ɛmɔ wɔ atee biala so; ofikyɛ sɔ kyẽa ne ngɔwa, sana ɛlɔenyɛlɛ ne ba koraka; na afei bala amumuyɛɛniɛ ne ali koraka, baa bɔ wamini ne.

Hebrifoɛ 13:9

Onni kyɛ ɛmɔma ngyerɛkyerɛ foforɛ ahoroɔ biala twe ɛmɔ fi atee paa ne aso, ofikyɛ ɔte paa kyɛ Nyameɛ adom ne yeɛ ɔhyɛ y’ahone nguraen ɔ, na nna aleɛ bɔ mmenia bɔ bedi ne bennya ye nwo mvasoɛ biala hɔ ɔ.

Hebrifoɛ 3:19

Na ɛhe maa yɛnwu ye kyɛ banwura nwomelelɛ ne anu, ɔnate kyɛ banne banni.

1 Petro 2:8

yeɛ ɔte sundidua nyɔboɛ ne sundiduatolɛ nyɔbotaen ma bɛ.” Na befi ase, ofikyɛ bɛyɛ edwirɛ ne nwo asoserɛ, kyɛbɔ b’ayieleɛ nhyehyɛleɛ te ne ala.

1 Yohane 4:1

Aliɛmaa mɔ, nna sunzum biala yeɛ ɔsɛ kyɛ ɛmɔde ye bedi ɔ, na mmom ɛmɔso sunzum nemɔ bɛnea sɛ aso bɛte Nyameɛ deɛ anaa; ofikyɛ ngondombo ngɔmhyɛlɛfoɛ pee badwɔso wɔ wiase.