Ɛfesofoɛ 5:5 - AHYERƐLƐ KRONGRON

⁵ Ofikyɛ ɛmɔse ye dada kyɛ, adwamanbɔlɛniɛ anaa bra fiɛ bɔlɛniɛ anaa anyeboroborolɛniɛ (bɔ ɔte bosoensolɛniɛ) biala nne berɛ bɔ ole agyapadeɛ wɔ Kristo ne Nyameɛ ahennie ne anu ɔ.

Ɛfesofoɛ 5:5 Iomraidhean Croise

Ɛksadɔso 20:17

“Nnɛma wɔ nye yɛ eliɛngo awuro nwo koakoa. Nnɛma wɔ nye yɛ eliɛngo aye nwo koakoa, anaa ye akoaa, ye afaneɛ, ye nandwie, ye afunum, anaa nikyee biala bɔ eliɛngo deɛ ahɔ ɔ.”

Asomafoɛ 20:32

“Afei, mefa ɛmɔ mewura Nyameɛ sa, ɔne ye adom dwirɛ ne anu; na adom dwirɛ ne yeɛ ɔkɔhora kɔma ɛmɔkonyi ná wama ɛmɔ agyapadeɛ bɔ wahyehyɛ wato berɛ wama anwoteefoɛ mukoraa ne ɔ.

Asomafoɛ 8:21

Yɛ dwumadie ne ɛbboka so, yeɛ elle kyɛfa biala koso wɔ nu, ɔnate kyɛ wɔ nzusuleɛ ndengyɛ wɔ Nyameɛ nyunu.

Galatiafoɛ 5:19

Anwoɔnaen dwumadie bɔ odi da adi pefee. Bɛ ɛhe: agyaasɛkyelɛ, adwamanbɔlɛ, efiɛ, ahohwie,

Galatiafoɛ 5:21

anyeboroborolɛ, awuelilɛ, nzaabolɛ, ewiase anigye mbaen mbaen ɔne nningyein bɔ ɔtete sɔa ɔ. Mebɔ ɛmɔ ɛhemɔ nwo kɔkɔ, kyɛbɔ mabɔ ɛmɔ kɔkɔ daa ne, kyɛ bɛ bɔ bɛyɔ sɔ nningyein nemɔ ngɔhɔ Nyameɛ ahennie ne anu.

Ɛfesofoɛ 5:3

Na adwamanbɔlɛ, bra fiɛ amukoraa anaa anyeboroborolɛ nwo dwirɛ po, ɔnzɛ kyɛ ofite ɛmɔ nu ɔ, kyɛbɔ ɔfata anwoteefoɛ ɔ.

Kolosefoɛ 1:13

Wapepɛ wale yɛ wafi awosii tumi nu, na waasikye yɛ wɔ Ɔwa bɔ okuro ye dwirɛ n’Ahennie nu;

Kolosefoɛ 3:5

Yiti ɛ́mɔhu aseɛ so suban bɔ ɔwɔ ɛmɔ nu ne: adwamanbɔlɛ, brabɔlɛ fiɛ, ahohwibra, akɔnnɔ bɔne bɔ ɔhyɛ sona so, ɔne anyeboroborolɛ; ofikyɛ anyeboroborolɛ te bosoensolɛ.

1 Timoteo 6:10

Ofikyɛ bɔne amukoraa ndii ole sikanyeboro, bɔ ebiemɔ ali ye si bali makyebu bafi gyidie ne anwo, bɔ yiti bahwehwe aworabɔlɛ pee babrɛ bɛ nwo ɔ.

1 Timoteo 6:17

Dwudwo kyire sikafoɛ bɔ bɛwɔ wiase, kyɛ nnɛmaa bɛmoma bɛ nwo so, anaakyɛ nnɛmaa bɛfa bɛ nye bɛto anwonyadeɛ bɔ ɔpɛ nu kɔ ɔ so; na mmom ɔsɛ kyɛ bɛfa bɛ nye bɛto Nyameɛ bɔ ɔma yɛ nningyein amukoraa mmorosoɛ ma yɛ nye gye ne aso.

Hebrifoɛ 13:4

Odi kyɛ ebiala di agyaa ni, na nnɛma ebiala gua agyaa mba nwo fiɛ, ofikyɛ Nyameɛ kobua adwamanbɔlɛfoɛ ne agyaasɛkyelɛfoɛ ndɛen.

Yosua 7:21

Nwuni aguasoɛ nyemenenyemene bie bɔ bɛyɔle ye wɔ Sinari, ɛdwetɛ kilo nyɔ, ɔne sikaa kɔkorɛ bɔ nu nonɛ te kilo bue wɔ koɛ nu nzesadeɛ ne anu. Me nye yɛle bɛ nwo koakoa, na nzesale. Mafu mawura ase wɔ me tena sua ne anu, na ɛdwetɛ ne yeɛ ɔwɔ ye bo paa ɔ.”

Nyekyire 21:8

Na bɛ bɔ bɛte serɛ, bɛ bɔ benne benni, akyiwadeɛyɔlɛfoɛ, awudifoɛ, adwamanbɔlɛfoɛ, ngonyaayelɛfoɛ, bosoensolɛfoɛ ne ngondombofoɛ amukoraa de, abura bɔ see ne sɔfe begye wɔ nu ne anu yeɛ ɔkɔyɛ bɛ bue deɛ ɔ, na ewue bɔ ɔtɔ so nyɔ ne ɛhe.”

Nyekyire 22:15

Na kuro ne asi dɔ yeɛ ngyea, ngonyaayelɛfoɛ, adwamanbɔlɛfoɛ, awudifoɛ, bosoensolɛfoɛ ne bɛ bɔ bekuro ngondombopɛlɛ ná bɛpɛ ɔ bɛ mukoraa bɛwɔ ɔ.