Ɛfesofoɛ 5:32 - AHYERƐLƐ KRONGRON

³² Ɛhe te mvealeɛ nu dwirɛ piri paa, na me de, Kristo ne asɔre ne nwo dwirɛ mmom yeɛ mekã ɔ.

Ɛfesofoɛ 5:32 Iomraidhean Croise

Yesaya 54:5

Ofikyɛ Nyameɛ bɔ ɔbɔle wɔ ne, ɔte ehu, ye dumaa li Asafo AWURADE, wɔ Defoɛ ole Yisrael Krongronniɛ ne, na bɛfrɛ ye ewiase amukoraa Nyameɛ.

Yohane 3:29

Bɔ atɔmvorɛ braa ne ɔte ye deɛ ne, ye ole atɔmvorɛ biaa ne. Na atɔmvorɛ biaa n’adamvo bɔ ogyina berɛ, ná otie ye ne de, ɔma ye nye gye paa wɔ atɔmvorɛ biaa ne komvi nwo; yiti afei de, m’anigye ne wali mu.

2 Korintofoɛ 11:2

Nyameɛ nungunɛ ne bie yeɛ metwe wɔ ɛmɔ nwo ɔ. Ofikyɛ mafa ɛmɔ mabɔ asiwa mama biaa komapɛ, ye ole Kristo, na ngɔfa ɛmɔ ngɔma ye kyɛ ababunu bɔ ye nwo te ná onnwuni biaa le ɔ.

Ɛfesofoɛ 5:31

Na ye sɔ ati yeɛ bienzua kɔyakyi ɔse ne oni berɛ, ná wafa ye nwo waabata ɔye nwo, ná bɛ munyɔ bayɛ anwoɔnaen ko.

Ɛfesofoɛ 5:33

Nakoso ɔsɛ kyɛ ɛmɔ nu biala kuro ɔye dwirɛ kyɛ ye bɔbɔ ye nwo, na yeɛ ne koso, ɔsɛ kyɛ ɔfa anidie ma ohu.

Ɛfesofoɛ 6:19

yeɛ ɛ́mɔsrɛ bɛ́ma me koso, amaa sɛ mebukye me noa kyɛ medwudwo a, bama me dwirɛ bɔ nga ɔ, ná mahora masi m’ahone mabɔ nzɛmba ne anu mvealeɛ nu dwirɛ ne dawure;

Kolosefoɛ 2:2

Meyɔ ɛhe kyɛbɔ bɛ wora kɔkyekye ná bayɛ ko wɔ ɔdɔ nu, ná banya ndeaseɛ bɔ osi pi, ɔne kyɛ bekonwu Nyameɛ mvealeɛ nu dwirɛ ne, bɔ ye ole Kristo ɔ.

1 Timoteo 3:16

Aporowaa biala nne ye nwo kyɛ nyamesom nu mvealeɛ nu dwirɛ ne ɔte piri: Nyameɛ lale ye nwo ali anwoɔnaen nu, olili be wɔ Sunzum nu; abɔfo mɔ nwuni ye, bɛbɔle ye nwo dawure wɔ maen maen nu; belele ye belili wɔ wiase, na bɛfale ye bɛhɔle nyameɛso animnyam nu.

1 Timoteo 3:8

Sɔ ala yeɛ ɔsɛ kyɛ asɔre nu asomvoɛ mɔ bɛyɛ mmenia bɔ bɛ nyunu le animnyam ɔ, bɔ bɛkã nahorɛ, na mmom bɛtte akɔnomnzafoɛ ne adifuufoɛ ɔ;

Nyekyire 21:2

Na nwuni kuro krongron ne, Yerusalem foforɛ ne, kyɛ ofi Nyameɛ berɛ wɔ nyameɛso odwu ba ɔ, bɔ basiesie ye kyɛ atɔmvorɛ braa bɔ basiesie ye nwo bama ohu ɔ.