Ɛfesofoɛ 5:3 - AHYERƐLƐ KRONGRON

³ Na adwamanbɔlɛ, bra fiɛ amukoraa anaa anyeboroborolɛ nwo dwirɛ po, ɔnzɛ kyɛ ofite ɛmɔ nu ɔ, kyɛbɔ ɔfata anwoteefoɛ ɔ.

Ɛfesofoɛ 5:3 Iomraidhean Croise

Edwein 10:3

Ofikyɛ bɔnefoɛ bɛfa bɔ ɔla b’ahone nwo bɛhoahoa bɛ nwo, yeɛ adifuuniɛ ɔnoma AWURADE odwudwo otia ye.

Edwein 119:36

Ma m’ahone ooli wɔ noa dwirɛ si, na nnɛmaa okodi anyeboroborolɛ si.

Ɛksadɔso 18:21

Afei koso, neanea mmenia ne amukoraa nu, ná ye mmenia bɔ bɛfata, bɔ besuro Nyameɛ, bɔ bedi nahorɛ, bɔ bekyi fea-ase-ma, ná maa bɛlela mmenia apee apee, ɛyaa ɛyaa, aburannu aburannu ne buru buru noa.

Ɛksadɔso 20:17

“Nnɛma wɔ nye yɛ eliɛngo awuro nwo koakoa. Nnɛma wɔ nye yɛ eliɛngo aye nwo koakoa, anaa ye akoaa, ye afaneɛ, ye nandwie, ye afunum, anaa nikyee biala bɔ eliɛngo deɛ ahɔ ɔ.”

Ɛksadɔso 23:13

Bɔ mahã mahyire ɛmɔ ne amukoraa, ɛ́mɔli so. Nnɛma ɛmɔbɔ nyameɛ foforɛ biala dumaa; yeɛ nnɛmɔma ofite ɛmɔ noa.

Anyandera 28:16

Maen panyi bɔ ɔnze nworɛ ne, ɔhyɛ ye mmenia so paa, nakoso bɔ okyi anwonya fiɛ ne de, okonyi kɔhyɛ.

Yeremia 22:17

Nakoso w’apoobɔlɛ anwonyadeɛ angome yeɛ wɔ nye ne w’ahone li ye si ɔ; ɔne kyɛ ɛkɔhã mogya bɔ odi be ɔ kogua, ɛkɔhyɛ mmenia so ná ekosisi bɛ ɔ.”

Yeremia 6:13

Ofikyɛ ofi bɛ nu kwahweabaa mɔ so bɔ ɔkwaadwu bɛ nu titire paa mɔ so ɔ, apoobɔlɛ ali ebiala ti; ofi ngɔmhyɛlɛniɛ so bɔ ɔkwaadwu ɔsɔfo so po, ebiala nga nahorɛ.

Yeremia 8:10

Yiti ngɔfa bɛ ye mɔ ngɔma mmenia foforɛ, ná mafa bɛ boo mɔ mama bɛ pɔfoɛ mɔ, ofikyɛ ofi kwahweabaa so bɔ ɔkwaadwu atitire paa so, bɛ mukoraa bedi aminɛ; ofi ngɔmhyɛlɛniɛ so bɔ ɔkwaadwu ɔsɔfo so, ebiala nate ngondombo atee so.

Hesekiel 33:31

Bɛba wɔ berɛ kyɛbɔ maen bɛkwaayia ne ala, bɛtenatena wɔ nyunu kyɛ me maen, betie wɔ noa dwirɛ, nakoso benni so; ofikyɛ bɛma bɛ noa dwirɛ yɛ fɛfɛɛfɛ kyɛ bale bato nu, nakoso b’ahone nu de, b’anwonya fiɛ yeɛ bɛpena ɔ.

Lewitikɔso 15:18

Sɛ bienzua bie ne brasua bɛda, ná ye nwo nzue ba a, ɔsɛ kyɛ bɛ munyɔ bɛfa nzue bebia, na bɛ nwo kogua fiɛ maa okoodwu nɔsoa.

Mika 2:2

Bɛ nye boro eboo mɔ, na bɛfa bɛ tumi bedide, yeɛ bɛ nye boro awuro mɔ, na bede bɛfa, yiti bɛhyɛ ebie ne ye awuro ama so, yeɛ ebie ne ye agyapadeɛ koso so.

Numeri 25:1

Mmerɛ bɔ Yisraelfoɛ bɛɛkyekyele asikyeleɛ bɛtenane Sitim ne, Yisraelfoɛ hyɛle ye bo bɛ ne Moabo mmrasua nemɔ bɛlelale.

Mateo 15:19

Ofikyɛ ahone nu yeɛ adwenemmɔne, awuelilɛ, agyaasɛkyelɛ, adwamanbɔlɛ, awue, adanzewia ne musue dwirɛ fi ba ɔ.

Luka 12:15

Na osele bɛ kyɛ, “Ɛ́mɔnea ɛmɔ nwo yé wɔ anyeboroborolɛ nwo; ofikyɛ nna agyapadeɛ somaa bɔ sona wanya ye ɔ yeɛ otira ye ngoa nyamaa nu ɔ.”

Luka 16:14

Na Farasiifoɛ bɔ bɛ nye boro sikaa ne, bɛtele edwirɛ hemɔ amukoraa nen, bɛserele ye.

Asomafoɛ 15:20

Na mmom odi kyɛ yɛkyerɛ krataa yɛkɔma bɛ, kyɛ, onni kyɛ bedi aleɛ biala bɔ bafa babɔ afɔleɛ bama bosoen, bɛhwe bɛ nwo befi adwamanbɔlɛ nwo; yeɛ afei onni kyɛ bedi kaka biala bɔ wawu ye mogya nu, anaakyɛ mogya.

Asomafoɛ 20:33

Me nye ammoro ebiala dwetɛ anaa sikaa kɔkorɛ anaa ataadeɛ.

Romanfoɛ 1:29

Sɔ bɔne hemɔ ayi bɛ ti anu tɛkyɛ, amumuyɛɛ, aborɛ, anyeboroborolɛ, ɛpɔen, anyeborolɛ, awuelilɛ, patapaa, nnakannaka, kanda, nzekure;

Romanfoɛ 16:2

kyɛ ɛ́mɔle ye bɛto nu wɔ Awurade nu, kyɛbɔ ɔsɛ kyɛ anwoteefoɛ bɛyɔ ɔ. Afei ɛ́mɔfa mmokalɛ biala bɔ ohia fi ɛmɔ berɛ bɛboka ye; ofikyɛ ɔte sona bɔ waboka mmeni pee ne me bɔbɔ koso.

Romanfoɛ 6:13

Afei, nnɛma ɛmɔfa ɛmɔ nipadua akwaa biala bɛma bɔne ná wamva wanyɔ amumuyɛɛ, na mmom ɛ́mɔfa ɛmɔ nwo bɛ́ma Nyameɛ kyɛ bɛ bɔ befi ewue nu bahɔ ngoa nu ɔ. Ɛ́mɔfa ɛmɔ nwo amukoraa bɛ́ma ye, ná ɔfa yɔ tenenee nnwumaa.

1 Korintofoɛ 10:8

Nnɛmɔma yɛbɔ adwaman kyɛbɔ bɛ nu biemɔ yɔle na mmenia apee aburanyɔ ne nza totɔle ɛlɛhomapɛ ne.

1 Korintofoɛ 5:1

Baahã ye susu amba kyɛ ɛmɔ nu biemɔ bɔ adwaman, bɔ ye sɛso nne ewiasefoɛ po nu ɔ, ofikyɛ ebie fa ye baba aye.

1 Korintofoɛ 6:13

“Bɛbɔle aleɛ bɛmane koɛ, yeɛ koɛ wora bɛbɔle ye bɛmane aleɛ.” Nakoso Nyameɛ kɔsɛkye bɛ munyɔ. Nipadua nne berɛ ma adwamanbɔlɛ, na mmom ɔwɔ berɛ ma Awurade, yeɛ Awurade koso wɔ berɛ ma nipadua.

1 Korintofoɛ 6:18

Ɛmɔyakyi adwamanbɔlɛ! Bɔne biala bɔ sona yɔ ne nga ye nipadua, nakoso sona bɔ ɔbɔ adwaman ne yɔ bɔne tia ye bɔbɔ ye nipadua.

2 Korintofoɛ 12:21

Ebiaa meba bieku a, me Nyameɛ kɔbrɛ me ase wɔ ɛmɔ nyunu maa ngoli ɛmɔ nu pee nwo aworabɔlɛ wɔ mmenia somaa bɔ daa bayɔ bɔne, ná kekesaala ye bɛtɛyɔ ná banzakyera b’adwene wɔ brabɔlɛ fiɛ, adwamanbɔlɛ ne ahuhubra nwo ti.

Ɛfesofoɛ 5:12

Ofikyɛ bra bɔ bɛbɔ ye mvealeɛ nu ne, ɔyɛ nya kyɛ ɛmɔkɔfa ɛmɔ noa bɛkɔbɔ so ɔ.

Ɛfesofoɛ 5:5

Ofikyɛ ɛmɔse ye dada kyɛ, adwamanbɔlɛniɛ anaa bra fiɛ bɔlɛniɛ anaa anyeboroborolɛniɛ (bɔ ɔte bosoensolɛniɛ) biala nne berɛ bɔ ole agyapadeɛ wɔ Kristo ne Nyameɛ ahennie ne anu ɔ.

Filipifoɛ 1:27

Nzaade ohia kyɛ ɛmɔma ɛmɔ brabɔlɛ fata Kristo nzɛmba ne, amaa sɛ mebapasa ɛmɔ nwo oo, sɛ mamma oo, mate ɛmɔ nga kyɛ ɛmɔagyina pindinn wɔ sunzum ko nu, bɔ ɛmɔayɛ adwene ko bɛpere bɛma nzɛmba ne nwo gyidie,

Kolosefoɛ 3:5

Yiti ɛ́mɔhu aseɛ so suban bɔ ɔwɔ ɛmɔ nu ne: adwamanbɔlɛ, brabɔlɛ fiɛ, ahohwibra, akɔnnɔ bɔne bɔ ɔhyɛ sona so, ɔne anyeboroborolɛ; ofikyɛ anyeboroborolɛ te bosoensolɛ.

1 Tɛsalonikafoɛ 4:3

Nyameɛ apɛdeɛ ɛhe: kyɛ ɛmɔ nwo kɔte, ná ɛmɔkɔhwe ɛmɔ nwo bekofi adwamanbɔlɛ nwo,

1 Tɛsalonikafoɛ 4:7

Ɔnate kyɛ, Nyameɛ amvrɛ yɛ wamma efiɛ nu, na mmom anwotelɛ nu.

1 Timoteo 2:10

na mmom nnwumaa paa bɔ ɔfata mmrasua bɔ bɛda nyamesom ali ɔ.

1 Timoteo 3:3

ɔnzɛ kyɛ ɔyɛ akɔnomnzaniɛ, ahupoo, na mmom ɔsɛ kyɛ odwo; ɔnzɛ kyɛ okuro ngondii, anaa ɔma ye nye boro sikaa.

1 Timoteo 6:10

Ofikyɛ bɔne amukoraa ndii ole sikanyeboro, bɔ ebiemɔ ali ye si bali makyebu bafi gyidie ne anwo, bɔ yiti bahwehwe aworabɔlɛ pee babrɛ bɛ nwo ɔ.

2 Timoteo 3:2

Ofikyɛ mmenia kɔyɛ pɛsɛmangomenya, sikanyeboro, anwohoahoa, anwomasoɛ, musue dwirɛ kekanɛfoɛ, bɛkɔyɛ awofoɛ so asoserɛ, boniayɛfoɛ, mmenia bɔ bɛmva krongronyɛlɛ bɛnyɛ huu,

Tito 1:11

bɔ ɔsɛ kyɛ bɛmaa bemua bɛ noa ɔ. Bɛ yeɛ mvasoɛ fiɛ ti bekyirekyire bɔ ɔnzɛ kyɛ bekyire ɔ, na bɛfa bɛsɛkye abusuafoɛ mukoraa b’adwene.

Tito 1:7

Na bɔ ɔfata neafoɛ ɛhe: ɔnzɛ kyɛ benwu ngekalewa wɔ ye bra nu, ofikyɛ ɔte Nyameɛ awuro so neafoɛ; ɔnzɛ kyɛ ɔmoma ye nwo so, onya ahone, ɔyɛ akɔnomnzaniɛ, patapaa, anaa adifuu sona;

Tito 2:3

Sɔ ala yeɛ kyirekyire nworowaa nemɔ ma bɛbɔ bra bɔ ɔte krongron ɔ. Ɔnzɛ kyɛ bedi nzekure anaa bɛyɛ akɔnomnzafoɛ; na mmom ɔsɛ kyɛ bekyirekyire bɔ ɔte paa ɔ,

Hebrifoɛ 12:16

na ebiala anyɛ adwamanbɔlɛniɛ anaakyɛ bɔ nyamesuro nne ye nu kyɛ Yisɔ, bɔ ɔtɔnene ye bamuɛbaa dibea fa lele aleɛ talie komapɛ twe ne.

Yosua 7:21

Nwuni aguasoɛ nyemenenyemene bie bɔ bɛyɔle ye wɔ Sinari, ɛdwetɛ kilo nyɔ, ɔne sikaa kɔkorɛ bɔ nu nonɛ te kilo bue wɔ koɛ nu nzesadeɛ ne anu. Me nye yɛle bɛ nwo koakoa, na nzesale. Mafu mawura ase wɔ me tena sua ne anu, na ɛdwetɛ ne yeɛ ɔwɔ ye bo paa ɔ.”

1 Petro 5:2

ɛ́mɔnea Nyameɛ mmoaen kure bɔ owura ɛmɔ sa ne aso, bɔ nna nhyɛsoɛ so ɔ, na mmom kyɛ ɛmɔkofia ɛmɔ kunu bɛkɔnea bɛ so kyɛbɔ Nyameɛ pena ɔ; bɔ nna adifuu ti ɔ, na mmom kyɛ ofi ɛmɔ ahone nu ti ɔ;

2 Petro 2:10

nganga bɛ bɔ bedi anwoɔnaen akɔnnɔ fiɛ si, ná bebu tumililɛ animtia ɔ. Besi b’ahone, bedi bɛ ti piri, na benzuro kyɛ bɛkɔkekã dwirɛ bekotia animnyamfoɛ nemɔ ɔ.

2 Petro 2:14

Bele agyaasɛkyelɛ anyeɛ, bɔ ɔyɔ bɔne a ɔnde ye ɔ, bɛlakalaka akra bɔ bennya bettirale ndii ɔ, balɔ asukɔ wɔ adifuu nu. Bɛte mmenia bɔ banoma bɛ ɔ!

2 Petro 2:3

Na bɛ nye bɔ ɔboro nikyee ne ati, bɛkɔfa nnakannaka dwirɛ bekodidi ɛmɔ nwo. Na ofi tetetete, ndɛen bɔ babua bɛ ne ɔndwetwe ye ase, yeɛ b’asohwenɛ koso ɔndɔ ngosie.

Nyekyire 2:14

Nakoso mebɔ wɔ kwaadu kãa, ofikyɛ ele mmenia biemɔ wɔ wɔ berɛ bɔ basɔ Balaam ngyerɛkyerɛ nu ɔ, ye bɔ ohyirele Balake kyɛ ɔto Yisraelfoɛ sundidua ma beli bosoen so aleɛ, ná bɛbɔ adwaman ɔ.

Nyekyire 2:21

Mama ye mmerɛ kyɛ ɔfa sakyera fi ye adwamanbɔlɛ nu, nakoso wanzakyera.

Nyekyire 21:8

Na bɛ bɔ bɛte serɛ, bɛ bɔ benne benni, akyiwadeɛyɔlɛfoɛ, awudifoɛ, adwamanbɔlɛfoɛ, ngonyaayelɛfoɛ, bosoensolɛfoɛ ne ngondombofoɛ amukoraa de, abura bɔ see ne sɔfe begye wɔ nu ne anu yeɛ ɔkɔyɛ bɛ bue deɛ ɔ, na ewue bɔ ɔtɔ so nyɔ ne ɛhe.”

Nyekyire 22:15

Na kuro ne asi dɔ yeɛ ngyea, ngonyaayelɛfoɛ, adwamanbɔlɛfoɛ, awudifoɛ, bosoensolɛfoɛ ne bɛ bɔ bekuro ngondombopɛlɛ ná bɛpɛ ɔ bɛ mukoraa bɛwɔ ɔ.

Nyekyire 9:21

yeɛ banzakyera b’adwene bamvi b’awuelilɛ ne bɛ ngonyaayelɛ ne b’adwamanbɔlɛ ne b’awue nwo.

1 Samuel 8:3

Nakoso ye mma nemɔ de, bamva ye suban, na mmom bɛmane bɛ nye borole nikye, belele fea-ase-ma, na bebuale ndɛengyea.