Ɛfesofoɛ 5:27 - AHYERƐLƐ KRONGRON

²⁷ kyɛbɔ okosiesie asɔre ne animnyam nu kɔma ye nwo, bɔ ngekalewa anaa ɛpombonɛ, anaa nikyee fiɛ biala nne ye nwo, na mmom wayɛ krongron bɔ mvomsoɛ nne ye nwo ɔ.

Ɛfesofoɛ 5:27 Iomraidhean Croise

Edwein 45:13

Ɛhene awa brasua ne, ɔwɔ ye animnyam nu, na owura ataadeɛ bɔ bafa esikaa kɔkorɛ batuatua nu ɔ.

Edwein 87:3

Ao, Nyameɛ kuro, animnyam dwirɛ yeɛ bɛkã bɛfa wɔ nwo ɔ. Sela

Edwein Nu Dwein 4:7

Me kurofoɛ, anwonyemene abia wɔ, na ɛndɔ sii wɔ wɔ neka fee.

Yesaya 62:3

Ɛkɔyɛ animnyam abotire wɔ AWURADE sa nu, ɔne ahemvo abotire wɔ wɔ Nyameɛ sa nu.

Yeremia 33:9

Na kuro he dumaa kɔyɛ anika, ayɛyelɛ ne animnyam kɔma me wɔ aseɛ ye aso maen amukoraa bɛ nyunu, na bɛkɔte nningyein paa amukoraa bɔ meyɔ mema bɛ ne; bekosuro, ná bɛ nwo kodwiri bɛ, ɔnate nningyein paa amukoraa ne asomdwee amukoraa bɔ ngɔfa ngɔma bɛ ne ati.

2 Korintofoɛ 11:2

Nyameɛ nungunɛ ne bie yeɛ metwe wɔ ɛmɔ nwo ɔ. Ofikyɛ mafa ɛmɔ mabɔ asiwa mama biaa komapɛ, ye ole Kristo, na ngɔfa ɛmɔ ngɔma ye kyɛ ababunu bɔ ye nwo te ná onnwuni biaa le ɔ.

2 Korintofoɛ 4:14

Ofikyɛ yɛse kyɛ, bɔ otingyele Awurade Yesu fili ewue nu ne kotingye yɛ kɔboka Yesu so, ná wafa ɛmɔ ne yɛ wahɔ ye nyunu.

Ɛfesofoɛ 1:4

kyɛbɔ ɔneaneane nu yele yɛ wɔ ɔdɔ nu, Kristo nu koraka yeɛ bɛbaahyɛ wiase bo, kyɛ yɛyɛ krongron bɔ ngekalewa biala nne yɛ nwo wɔ ye nyunu ne.

Kolosefoɛ 1:22

Nakoso kekesaala ye de, ɔnate Kristo wue ne aso wahwe ɛmɔ wabata ye nwonaen nipadua, amaa ɔnate so wafa ɛmɔ wawa ye nyunu kyɛ mmenia bɔ bɛte krongron, bɔ ngekalewa nne bɛ nwo ná benni fɔ ɔ.

Kolosefoɛ 1:28

Ye yeɛ yɛbɔ ye nwo dawure ɔ, na yɛbɔ kuro sona biala kɔkɔ, yɛfa nworɛ mukoraa yɛkyirekyire sona biala, amaa ɔnate so yafa sona biala yawa Kristo nyunu wɔ pɛpɛɛpɛyɛlɛ nu.

1 Tɛsalonikafoɛ 5:23

Na asomdwee Nyameɛ ne, yɛsrɛ kyɛ ye bɔbɔ ɔte ɛmɔ nwo bɔkɔɔ, ná ɔnea ɛmɔ sunzum ne ɛmɔ kra ne ɛmɔ nipadua so, bɔ ngekalewa biala ngɔwa ye nwo kɔpem kyɛ y’Awurade Yesu Kristo kɔwa ɔ.

Hebrifoɛ 9:14

nzaade Kristo bɔ ɔnate Sunzum bɔ ɔwɔ berɛ afebɔɔ ne aso fale ye nwo bɔle afɔleɛ bɔ ngekalewa biala nne ye nwo mane Nyameɛ nen, ɔkɔyɛ sɛɛ bɔ ye mogya ngɔte yɛ tiboa nwo ngofi yɔleɛ mbaen mbaen nwo ma yɛngɔso Nyameɛ teasefoɛ ne ɔ?

1 Petro 1:19

na mmom Kristo bɔ ɔte kyɛ boaen ba bɔ ollili nnɛen bɔ ngekalewa biala nne ye nwo ne, ye mogya bɔ odi mu ne yeɛ bɛfa bɛpɔle ɛmɔ ɔ.

2 Petro 3:14

Yiti aliɛmaa mɔ, ɔnate kyɛ ɛmɔnwondɛ sɔ nningyein hemɔ ne ati, ɛ́mɔbɔ mmɔden kyɛ okonwu ɛmɔ wɔ asomdwee nu, bɔ ngekalewa anaa nnɛen biala nne ɛmɔ nwo ɔ.

Yuda 1:21

Ɛmɔhɔ so bɛtena Nyameɛ ɔdɔ nu, ná ɛ́mɔnwondɛ y’Awurade Yesu Kristo anwumvoinnwunɛ ne bɛhɔ daa ngoa nu.

Yuda 1:24

Na ye bɔ ɔkora sɔ ɛmɔ nu ma ɛmɔmvi ase, ná ɔfa ɛmɔ gyina ye animnyam ne nyunu bɔ ngekalewa biala nne ɛmɔ nwo, wɔ anigye nu ne,

Nyekyire 14:4

Ɛhemɔ ole bɛ bɔ bamva mmrasua bangua bɛ nwo fiɛ, ofikyɛ basie bɛ nwo krongron. Bɛ yeɛ bedi Boaen Ba ne si bɛkɔ nekaa biala bɔ ɔkɔ ɔ. Bɛ yeɛ bale bɛ ngoa bafi adasa mmaa nu, ná bayɛ bɛ fieso aleɛ bɔ oli moa bama Nyameɛ ne Boaen Ba ne ɔ.