Ɛfesofoɛ 5:26 - AHYERƐLƐ KRONGRON

²⁶ kyɛbɔ ɔkɔfa nzue ebialɛ nu kɔte ye nwo wɔ edwirɛ ne anu kɔyɛ ye krongron ɔ,

Ɛfesofoɛ 5:26 Iomraidhean Croise

Hesekiel 16:9

Afei mvale nzue mmiale wɔ, nwunzini wɔ nwo mogya ne, na mvale sakyeɛ mbopale wɔ.

Hesekiel 36:25

Ngɔfa nzue gyengɔgyengɔ ngɔpete ɛmɔ nwo, na ɛmɔ nwo kɔte kofi ɛmɔ nwo bɔ ɔnde ne amukoraa nwo, na ngɔte ɛmɔ nwo ngofi ɛmɔ mmosoen amukoraa nwo.

Lewitikɔso 14:11

Na ɔsɔfo bɔ ɔte sɔ sona ne anwo ne, ɔkɔfa sɔ sona ne ɔne sɔ nningyein nemɔ kɔhɔ AWURADE nyunu wɔ ɛtena sua atenaleɛ ne anoa nu berɛ.

Lewitikɔso 16:30

Ofikyɛ sɔ kyẽa ne yeɛ bɛpata bɛma ɛmɔ, ná bɛfa bɛte ɛmɔ nwo befi ɛmɔ bɔne amukoraa nwo, ma ɛmɔ nwo te wɔ AWURADE nyunu ɔ.

Lewitikɔso 8:6

Afei Mose fale Aarɔn ne ye mma mmienzua nemɔ wale anyunu, ná ɔfale nzue nwunzinwunzini bɛ nwo.

Sakaria 13:1

“Sɔ kyẽa ne, bekobukye mbombonzue bɛkɔma Dawide awuro ama ne Yerusalemfoɛ bɛkɔfa bɛkɔte bɛ nwo bekofi bɔne ne efiɛ nwo.

Yohane 13:10

Yesu sele ye kyɛ, “Sona bɔ wabia ne, onhia ebialɛ, sana ye gya bo nwunzinɛ, na ye nwo amukoraa afi; na ɛmɔ nwo afi, nakoso nna ɛmɔ amukoraa ɔ.”

Yohane 15:3

Ɔnate edwirɛ bɔ mahã mahyire ɛmɔ ne ati, ɛmɔ nwo afi dada.

Yohane 15:8

Na ɛhe anu yeɛ ɛmɔhyɛ me Baba animnyam ɔ, sɛ ɛmɔsu mmaa pee a, na ɛhe yeɛ ɔmaa ɛmɔyɛ m’asuafoɛ ɔ.

Yohane 17:7

Afei de, bɛse kyɛ nningyein amukoraa bɔ afa ama me ne, befi wɔ berɛ;

Yohane 3:5

Yesu buale kyɛ, “Nahorɛ nu paa, mekã mekyire wɔ kyɛ: Ebiala ngɔhora ngɔhɔ Nyameɛ ahennie ne anu, sana bafi nzue nu ne Sunzum nu bawo ye.

Asomafoɛ 22:16

Na afei, nzu ati yeɛ ɛyɛ ngyɛkyerɛ ɔ? Dwɔso nya Awurade nu gyidie, na ma bɛbɔ wɔ asu benwunzi wɔ bɔne begua.’

Asomafoɛ 26:18

Memaa ekobukye bɛ nye, ná ɛye bɛ fi awosii nu ba kanea nu, na ɛye bɛ fi Abɔnzam tumi bo ɛfa bɛ ba Nyameɛ berɛ; amaa banya bɔnefakyɛ, ne tenaberɛ wɔ bɛ bɔ bafa bɛ gyidie bɔ ɔwɔ me nu bate bɛ nwo nemɔ anu.’

Romanfoɛ 10:8

Nzikyɛ yeɛ Ahyerɛlɛ ne ɔkã ɔ? “Edwirɛ ne apingye wɔ, ɔwɔ wɔ noa ne w’ahone nu,” (ye ole gyidie dwirɛ bɔ yɛbɔ ye dawure ne).

1 Korintofoɛ 6:11

Na sɔ yeɛ né ɛmɔ nu biemɔ bɛte ɔ, nakoso ɔnate Awurade Yesu Kristo dumaa ne yɛ Nyameɛ Sunzum ne ati, Nyameɛ abia ɛmɔ, wate ɛmɔ nwo, na wabua ɛmɔ be.

2 Korintofoɛ 11:2

Nyameɛ nungunɛ ne bie yeɛ metwe wɔ ɛmɔ nwo ɔ. Ofikyɛ mafa ɛmɔ mabɔ asiwa mama biaa komapɛ, ye ole Kristo, na ngɔfa ɛmɔ ngɔma ye kyɛ ababunu bɔ ye nwo te ná onnwuni biaa le ɔ.

Ɛfesofoɛ 6:17

Ɛ́mɔfa ngoalelɛ buralɛ kyerɛ, ɔne Sunzum ngrandɛ ne, bɔ ye ole Nyameɛ dwirɛ ne.

Kolosefoɛ 3:16

Ɛ́mɔma Kristo dwirɛ ne oyi ɛmɔ nu tɛkyɛ, ɛmɔhyirehyire ná ɛ́mɔfa nworɛ mukoraa betutu ɛmɔ nwo foɛ. Ɛ́mɔto sangoo dwein, ayɛyelɛ dwein, ɔne sunzum nu dwein bɔ ɔte ahone nu asennaa bɛ́ma Nyameɛ.

Tito 2:14

Ye yeɛ ɔfale ye ngoa tole berɛ mane yɛ ɔ, kyɛbɔ okole yɛ kofi amumuyɛɛ amukoraa nu, ná wate yɛ nwo wafa yɛ wayɛ ye bɔbɔ ye mmenia sonongo bɔ bɛbɔ nnwumaa paa nwo mmɔden ɔ.

Hebrifoɛ 10:10

Na ɔnate apɛdeɛ he aso bafa Yesu Kristo nipadua afɔleɛ ne aso bate yɛ nwo pɛnko.

Hebrifoɛ 10:14

Ofikyɛ ɔnate afɔleɛ komapɛ bɔ ɔbɔle ne aso wama bɛ bɔ Nyameɛ te bɛ nwo ne ali mu afebɔɔ.

Hebrifoɛ 10:22

yiti ɛ́mɔma yɛfa nahorɛ ahone ne gyidie bɔ osi pi, ɔne ahone bɔ bate ye nwo bafi bɔne tiboa nu, ɔne nipadua bɔ bafa nzue gyengɔgyengɔ babia ye ɔ yɛhwe yɛpingye Nyameɛ.

Hebrifoɛ 10:29

Sɛ ɔte sɔ de a, nzaade sona bɔ okobu Nyameɛ Awa ne animtia, ná wabu apam mogya bɔ bafa bate ye nwo ne kyɛ ye nwo nde, ná wafa adom Sunzum ne nyunu watwitwi ase ne, nzikyɛ asohwenɛ yeɛ ɛmɔsusu kyɛ ɔfata ye ɔ?

Hebrifoɛ 13:12

Ye sɔ ne ati, Yesu koso nwuni amaneɛ wɔ kuro piri n’anoa ne asi, amaa ɔnate ye bɔbɔ ye mogya so wate adasa mmaa nwo wafi bɛ bɔne nwo.

Hebrifoɛ 4:12

Ɔnate kyɛ Nyameɛ dwirɛ ne te ase na anwoserɛ wɔ nu, na ɔyɛ nna tra sɛpɔ biala. Ɔpɛ tonn kɔworo ɛkra ne sunzum b’afia, sona aporɛ so ne ye bowue nu fonyi b’afia, na ɔpɛnzɛpɛnze ahone ne adwene nu nzusuleɛ mukoraa nu.

Hebrifoɛ 9:14

nzaade Kristo bɔ ɔnate Sunzum bɔ ɔwɔ berɛ afebɔɔ ne aso fale ye nwo bɔle afɔleɛ bɔ ngekalewa biala nne ye nwo mane Nyameɛ nen, ɔkɔyɛ sɛɛ bɔ ye mogya ngɔte yɛ tiboa nwo ngofi yɔleɛ mbaen mbaen nwo ma yɛngɔso Nyameɛ teasefoɛ ne ɔ?

Yakobo 1:18

Ɔnate ye bɔbɔ ye pɛ so yeɛ ɔfale nahorɛ dwirɛ ne wole yɛ ɔ, kyɛ yɛyɛ ye abɔdeɛ ne anu nikyee bɔ oli moa ɔ.

1 Petro 1:2

bɛ bɔ Baba Nyameɛ waneanea nu waye bɛ fi tetetete, bɔ ɔnate Sunzum Krongron so wate bɛ nwo wama Yesu Kristo nwo sotie ɔne ye mogya nu anwopetenɛ ne: Adom ne asomdwee mmorosoɛ ɔyɛ ɛmɔ deɛ.

1 Petro 3:21

Na sɔ nzue ne sɛso, ye ole asubɔlɛ bɔ ode ɛmɔ koso ɛmɔ ngoa ɛnɛ ne. Ɔtte anwoɔnaen nu fiɛ nwunzinɛ, na mmom ɔte tiboa paa nwo abisadeɛ bɔ yɛfa Yesu Kristo wutingyelɛ ne aso yɛfa yɛto Nyameɛ nyunu ɔ.

2 Petro 1:9

Ofikyɛ sona biala bɔ sɔ suban nemɔ wabɔ ye ne, ɔte anyesiniwaaniɛ, ye nye so yɛ ye wusiwusi, na ye wora afi kyɛ bate ye nwo bafi ye bɔne bɔ wayɔ ye daa ne nwo ɔ.

1 Yohane 5:6

Yesu Kristo yeɛ ole bɔ bafa nzue ne mogya bali ye walɛ ne nwo adanzeɛ ne. Nna nzue ngome, na mmom nzue ne mogya. Na Sunzum ne yeɛ odi adanzeɛ ɔ, ofikyɛ Sunzum ne ole nahorɛ ne.

Yuda 1:1

Yuda bɔ nde Yesu Kristo akoaa ne Yakobo aliɛma, mefa mebrɛ bɛ bɔ bafrɛ bɛ, bɔ bɛla Baba Nyameɛ ahone nwo, bɔ wafa bɛ wasie wɔ Yesu Kristo nu ɔ.