Ɛfesofoɛ 5:25 - AHYERƐLƐ KRONGRON

²⁵ Huɛ mɔ, ɛ́mɔhuro ɛmɔ aye mɔ, kyɛbɔ Kristo koso hurole asɔre ne dwirɛ, ná ɔfale ye ngoa tole berɛ mane ye,

Ɛfesofoɛ 5:25 Iomraidhean Croise

Gyenesise 2:24

Yiti bienzua kofi ɔse ne oni anwo, ná waafa ye nwo wabata ɔye, na bayɛ anwoɔnaen ko.

Gyenesise 24:67

Afei Yisake fale Rebɛka hɔle oni Sara ɛtena sua nu. Ogyale Rebɛka, na ɔyɛle ɔye, na ohurole ye. Yiti Yisake nyane aworakyekyerɛ wɔ oni wue ne asi.

2 Samuel 12:3

nakoso ehianiɛ ne de, né olle hwee, sana boaen beleɛ kaaba komapɛ bɔ ɔtɔle ɔ. Osiele boaen ne, na boaen ne ne biaa ne mma mɔ bɛbɔle nu benyini wɔ biaa n’awuro berɛ. Biaa ne noa aleɛ kãa bɔ odi ne, né kaka ne di bie, ɔno ye kwangoa noa, na né ɔfa kaka ne ɔbɔ ye hue so. Ɔyɛle kaka ne kyɛ ɔwa brasua.

Edwein Nu Dwein 1:11

Yɛkɔyɔ sikaa kɔkorɛ asomade bɔ ɛdwetɛ tuatua nu ɔ yɛkɔma wɔ.

Mateo 20:28

kyɛbɔ Sona Awa ne wamma kyɛ bɛso ye, na mmom kyɛ ɔbaaso, ná ɔfa ye ngoa ɔto berɛ ode mmenia pee ngoa ne.”

Yohane 6:51

Me ole ngoa paanoo bɔ ofi nyameɛso wale ase ne; na sɛ ebie di paanoo he bie a, ɔkɔtena ase daa; na paanoo bɔ ngɔfa ngɔma wiase ngoa ne, ye ole me nwonaen.”

Asomafoɛ 20:28

Yiti ɛ́mɔnea ɛmɔ nwo ne mmoaen amukoraa bɔ Sunzum Krongron afa bɛ awura ɛmɔ sa ne aso yé. Ɛ́mɔyɛ Nyameɛ asɔre ne bɔ ɔnate ye bɔbɔ Ɔwa ne mogya so nyane ye ne neafoɛ.

Galatiafoɛ 1:4

Ye yeɛ ɔfale ye ngoa tole berɛ mane yɛ bɔne ɔ, amaa ɔnate so waye yɛ wafi kekesaala ye bɔne wiase ye anu, kyɛbɔ yɛ Baba Nyameɛ apɛdeɛ te ne.

Galatiafoɛ 2:20

Babɔ me ne Kristo mmeamudua nu; yiti nna me yeɛ nde ase ko ɔ, na mmom Kristo yeɛ ɔte ase wɔ me nu ɔ. Na m’ase bɔ nde ye kekesaala ye wɔ anwoɔnaen nu ye de, ɔnate gyidie wɔ Nyameɛ Awa, bɔ okuro me dwirɛ na ɔfale ye ngoa tole berɛ mane me ne anu yeɛ nde ase ɔ.

Ɛfesofoɛ 5:2

Ɛ́mɔfa ɔdɔ bɛbɔ ɛmɔ bra, kyɛbɔ Kristo koso hurole yɛ dwirɛ ná ɔfale ye ngoa tole berɛ mane yɛ kyɛ ayɛyɛdeɛ ne afɔleɛ fonafona mane Nyameɛ ne.

Ɛfesofoɛ 5:24

Na kyɛbɔ asɔre ne brɛ ye nwo ase ma Kristo nen, sɔ ala yeɛ ɔsɛ kyɛ yeɛ mɔ koso bɛbrɛ bɛ nwo ase atee biala so bɛma bɛ hu mɔ ɔ.

Ɛfesofoɛ 5:28

Na sɔ ala yeɛ ɔsɛ kyɛ huɛ mɔ bekuro bɛ ye mɔ dwirɛ kyɛ bɛ bɔbɔ bɛ nipadua ɔ. Ofikyɛ sona bɔ okuro ɔye dwirɛ nen, okuro ye bɔbɔ ye nwo dwirɛ.

Ɛfesofoɛ 5:33

Nakoso ɔsɛ kyɛ ɛmɔ nu biala kuro ɔye dwirɛ kyɛ ye bɔbɔ ye nwo, na yeɛ ne koso, ɔsɛ kyɛ ɔfa anidie ma ohu.

Kolosefoɛ 3:19

Huɛ mɔ, ɛmɔhuro ɛmɔ aye mɔ, na nnɛma ɛmɔteetee bɛ.

1 Timoteo 2:6

bɔ ɔfa yɛle mbata mane mmenia amukoraati, adanzeɛ bɔ ɔwale nu wɔ mmerɛ bɔ bahyɛ bato berɛ ne anu ne.

1 Petro 3:7

Huɛ mɔ, ɛmɔ koso, ɛmɔ ne ɛmɔ aye mɔ bɛ́tena ndeaseɛ nu sɔ ala. Ɛ́mɔfa anidie bɛ́ma ɛmɔ aye mɔ, kyɛ bɛte mmenia bɔ bɛyɛ mmerɛ ɔ, kyɛ bɛboka ɛmɔ so yeɛ ɛmɔle kyɛfa wɔ ngoa adom ne anu ɔ; ná nikye fee wanzi ɛmɔ mbaeɛ ate.

Nyekyire 1:5

ɔne bɔ ofi Yesu Kristo bɔ ɔte danzeniɛ nahorɛniɛ ne, awufoɛ nu bamuɛbaa ne aseɛ so ahemvo mɔ bɛ hene ne berɛ ne, ɔbra ɛmɔ so. Ye bɔ okuro yɛ dwirɛ, ná wafa ye mogya wanwunzi yɛ nwo wafi yɛ bɔne nu,

Nyekyire 5:9

Na bɛtole dwein foforɛ bie kyɛ, “Ɛfata kyɛ ede nwomaa bɔ babobɔ ne ná ebukye ye nzɔanoɛ nemɔ ɔ; ofikyɛ behuni wɔ, na afa wɔ mogya atɔ adasa mmaa ama Nyameɛ afi mmusua kure ne edwudwolɛ ne mmenia ne maen biala nu,