Ɛfesofoɛ 5:23 - AHYERƐLƐ KRONGRON

²³ Ofikyɛ huɛ ne ɔte yeɛ ne ti, kyɛbɔ Kristo koso ɔte asɔre ne ti ne, na ye yeɛ ɔte Ngoadefoɛ ma nipadua ne ɔ.

Ɛfesofoɛ 5:23 Iomraidhean Croise

Asomafoɛ 20:28

Yiti ɛ́mɔnea ɛmɔ nwo ne mmoaen amukoraa bɔ Sunzum Krongron afa bɛ awura ɛmɔ sa ne aso yé. Ɛ́mɔyɛ Nyameɛ asɔre ne bɔ ɔnate ye bɔbɔ Ɔwa ne mogya so nyane ye ne neafoɛ.

1 Korintofoɛ 6:13

“Bɛbɔle aleɛ bɛmane koɛ, yeɛ koɛ wora bɛbɔle ye bɛmane aleɛ.” Nakoso Nyameɛ kɔsɛkye bɛ munyɔ. Nipadua nne berɛ ma adwamanbɔlɛ, na mmom ɔwɔ berɛ ma Awurade, yeɛ Awurade koso wɔ berɛ ma nipadua.

Ɛfesofoɛ 4:15

Na mmom, ɛ́mɔma yɛli nahorɛ yɛfa ɔdɔ nu yɛnyi wɔ nningyein amukoraa nu, wɔ Kristo bɔ ye yeɛ ɔte tire ne anu,

Ɛfesofoɛ 5:24

Na kyɛbɔ asɔre ne brɛ ye nwo ase ma Kristo nen, sɔ ala yeɛ ɔsɛ kyɛ yeɛ mɔ koso bɛbrɛ bɛ nwo ase atee biala so bɛma bɛ hu mɔ ɔ.

Kolosefoɛ 1:18

Ɔte nipadua ne bɔ ye ole asɔre ne ti; ɔte nikyee biala ahyɛaseɛ, awufoɛ tingyelɛ nu farebae, na ɛhe maa ɔyɛ nningyein amukoraa nu bɔ oli moa ɔ.

1 Tɛsalonikafoɛ 1:10

ná ɛmɔnwondɛ Ɔwa ne bɔ otingyele ye fili awufoɛ nu ne kyɛ okofi nyameɛso kɔwa ɔ; Yesu bɔ ɔpepɛ de yɛ fi ahonehulɛ bɔ ɔ́ba ne anu ne.

Nyekyire 19:7

Ɛ́mɔma yɛ nye gye ná yɛli ahurusi, ná yɛhyɛ ye animnyam, ofikyɛ Boaen Ba n’atɔmvorɛfalɛ ne wadwu, na ɔye ne asiesie ye nwo wayie.

Nyekyire 5:9

Na bɛtole dwein foforɛ bie kyɛ, “Ɛfata kyɛ ede nwomaa bɔ babobɔ ne ná ebukye ye nzɔanoɛ nemɔ ɔ; ofikyɛ behuni wɔ, na afa wɔ mogya atɔ adasa mmaa ama Nyameɛ afi mmusua kure ne edwudwolɛ ne mmenia ne maen biala nu,