Ɛfesofoɛ 5:21 - AHYERƐLƐ KRONGRON

²¹ Na ɔsɛ kyɛ ɛmɔfa Kristo nu esurolɛ nu bɛbrɛ ɛmɔ nwo ase bɛmoma bɛ nwo.

Ɛfesofoɛ 5:21 Iomraidhean Croise

Gyenesise 16:9

Na AWURADE abɔfo ne sele ye kyɛ, “Sá kɔ wɔ mene aye ne berɛ, na kɔbrɛ wɔ nwo ase ma ye.”

1 Aberɛso Dwirɛ 29:24

Maen ne anu mbanyi amukoraa, koɛhonɛfoɛ ahoneserɛfoɛ amukoraa, yeɛ Nana Dawide mma mmienzua amukoraa besuale kyɛ bɛkɔso Nana Solomon.

2 Aberɛso Dwirɛ 19:7

Afei, ɛ́mɔsuro AWURADE na ɛ́mɔbua ndɛen turoloo, ofikyɛ AWURADE yɛ Nyameɛ onguro ndɛengyea, mmenia nu nyeyemuɛ anaa fea-ase-ma lelɛ.”

Nehemia 5:15

Amrado mɔ bɔ belili me nyunu moa ne de, bɛfale anwokyere kandinga paa yeɛ bɛtole maen ne aso ɔ. Bedidele aleɛ ne nzaa befili mmenia ne berɛ, asora ɛdwetɛ sekel aburanna ne koso. Bɛ somvoɛ nemɔ po, bɛyɛle maen ne aso abakomasɛm. Nakoso me de, manyɔ sɔ, ofikyɛ mesuro Nyameɛ.

Nehemia 5:9

Yiti ngane kyɛ, “Nikyee bɔ ɛmɔyɔ ne, ɔtte mayee. Aso onni kyɛ ɛmɔsuro yɛ Nyameɛ, amaa ɔnate so maen maen mɔ bɔ bɛte yɛ pɔfoɛ ne, bangoro yɛ nwo ɔ?

Anyandera 24:21

Mma, suro AWURADE ne ɛhene ne, na nnɛfa wɔ nwo bɔ mmenia bɔ bɛyɛ lɔen ne,

1 Korintofoɛ 16:16

Yiti ɛ́mɔbrɛ ɛmɔ nwo ase bɛma sɔ mmenia ne, ɔne ebiala bɔ ɔne yɛ di sɔ dwumadie ne ɔ.

2 Korintofoɛ 5:11

Ɔnate kyɛ yɛse kyɛbɔ Awurade nwo suronyi si te ɔ ne ati, yɛbɔ mmɔden kyɛ yɛkɔma mmenia kosuro ye ɔ. Nyameɛ se kyɛbɔ yɛsi yɛte ɔ, na mede medi kyɛ ɛmɔ tiboa koso ma ɛmɔse kyɛbɔ yɛsi yɛte ɔ.

2 Korintofoɛ 7:1

Aliɛmaa mɔ, ɔnate kyɛ yanya bɔhyɛ hemɔ ne ati, ɛ́mɔma yɛte yɛ nwo yɛfi nikyee biala bɔ ogua anwoɔnaen ne sunzum nwo fiɛ nwo, ná yɛfa Nyameɛ surolɛ nu yɛma yɛ bra yɛ krongron.

Galatiafoɛ 5:13

Aliɛmaa mɔ, bafrɛ ɛmɔ bawa fawɔnwodi nu; yiti nnɛmɔma fawɔnwodi ne diedie ɛmɔ kɔ anwoɔnaen akɔnnɔ nu, na mmom ɛ́mɔfa ɔdɔ so bɛso bɛ nwo ngoko ngoko.

Ɛfesofoɛ 5:22

Yeɛ mɔ, ɛ́mɔbrɛ ɛmɔ nwo ase bɛ́ma ɛmɔ bɔbɔ bɛ hu mɔ, kyɛ ɛmɔyɔ bɛma Awurade ne.

Ɛfesofoɛ 5:24

Na kyɛbɔ asɔre ne brɛ ye nwo ase ma Kristo nen, sɔ ala yeɛ ɔsɛ kyɛ yeɛ mɔ koso bɛbrɛ bɛ nwo ase atee biala so bɛma bɛ hu mɔ ɔ.

Filipifoɛ 2:3

Nnɛma ɛmɔfa pɛsɛmangomenya anaa nduhoɛ bɛyɔ nikyee biala, na mmom ɔsɛ kyɛ ɛmɔfa anwobrɛaseɛ adwene bebu ɛmɔ mmango mɔ bɛtra ɛmɔ bɔbɔ ɛmɔ nwo.

1 Timoteo 2:11

Ma brasua ɔyɛ konn osua edwirɛ ne wɔ anwobrɛaseɛ mukoraati nu.

1 Timoteo 3:4

Ɔsɛ kyɛ ɔyɛ sona bɔ ɔkora bu ye bɔbɔ ye awuro yé, ná ɔtete ye mma maa bebu ye wɔ atee biala so ɔ.

Hebrifoɛ 13:17

Ɛ́mɔyɛ sotie bɛ́ma ɛmɔ mbanyi mɔ ná ɛ́mɔbrɛ ɛmɔ nwo ase bɛma bɛ; ofikyɛ bɛnea ɛmɔ kra so, na bekobu bɛ nwo ngondaa ɔ, Ɛ́mɔyɛ sotie bɛ́ma bɛ amaa bayɔ b’adwuma wɔ anika so; na banyɔ ye aworabɔlɛ nu, ofikyɛ ɛhe nwo ngɔwa mvasoɛ biala ngɔma ɛmɔ.

1 Petro 2:13

Ɔnate Awurade ti, ɛ́mɔbrɛ ɛmɔ nwo ase bɛ́ma tumililɛ amukoraa: kyɛ ɛhene berembɔn ne ahɔ oo,

1 Petro 2:17

Ɛ́mɔfa anidie bɛ́ma mmenia amukoraa! Ɛ́mɔhurohuro aliɛmaa mɔ agyidifoɛ dwirɛ! Ɛ́mɔsuro Nyameɛ! Ɛ́mɔfa anidie bɛ́ma ɛhene ne!

1 Petro 5:5

Sɔ ala yeɛ ɛmɔ bɔ ɛmɔte mmabunu ne koso, ɔsɛ kyɛ ɛmɔbrɛ ɛmɔ nwo ase bewura mbanyi mɔ bo ɔ. Ɛmɔ amukoraa, ɛ́mɔfa anwobrɛaseɛ bɛ́hera, ná ɛ́mɔfa bɛ́so ɛmɔ nwo ngoko ngoko, ofikyɛ Nyameɛ nye sa anwomasoɛfoɛ, na ɔdo anwobrɛaseɛfoɛ.