Ɛfesofoɛ 5:20 - AHYERƐLƐ KRONGRON

²⁰ na mmerɛ biala ne nikyee biala nu, ɛ́mɔfa asennaa bɛ́ma Baba Nyameɛ wɔ y’Awurade Yesu Kristo dumaa nu.

Ɛfesofoɛ 5:20 Iomraidhean Croise

YOB NWOMAA NE 1:21

Na ɔhane kyɛ, “Mvi me ni akunu méba ne, né me nwo la so, na ye sɔ ala yeɛ ngosa ngɔfa ngɔhɔ ɔ. AWURADE yeɛ ɔfa mane me ɔ, yeɛ AWURADE asa ale ɔ. Animnyam hã AWURADE dumaa.”

Edwein 34:1

Ngɔye AWURADE ayɛ mmerɛ biala; ye ayɛyelɛ kɔla me noa daa.

Yesaya 63:7

Ngɔhã AWURADE ye dɔ pindinn ne, ɔne AWURADE ayɛyelɛ ne nwo dwirɛ, bɔ ɔfa bɔ AWURADE ayɔ ama yɛ amukoraa nwo, ɔne paa kandinga bɔ wafa wayɛ Yisrael awuro ama ɔ, kyɛbɔ ɔnate ye anwumvoinnwunɛ so, ɔne kyɛbɔ ye dɔ pindinn ne piri ɔte ɔ.

Yohane 15:16

Nna ɛmɔ yeɛ ɛmɔaneanea nu baye me ɔ, na mmom me yeɛ maneanea nu maye ɛmɔ ɔ. Na matu ɛmɔ masie berɛ kyɛ ɛmɔhɔ beesu mmaa, ná ɛmɔ mmaa ne bɛhɔ so bɛtena berɛ; na nikyee biala bɔ ɛmɔkobisa Baba ne wɔ me dumaa nu nen, ɔkɔfa kɔma ɛmɔ.

Asomafoɛ 5:41

Na bele anigye befili badwa nu berɛ bɛhɔle, kyɛ babu bɛ kyɛ bɛfata kyɛ Yesu dumaa ti animguaseɛ ɔto bɛ ɔ.

Romanfoɛ 1:8

Bɔ oli moa ɔ, ɔnate ɛmɔ amukoraa ti mefa Yesu Kristo so meda me Nyameɛ ase, ofikyɛ ɛmɔ gyidie ne nwo dwirɛ adwu wiase nekaa biala.

1 Korintofoɛ 1:4

Ɔnate ɛmɔ ti daa meda me Nyameɛ ase, ofikyɛ Nyameɛ nate Yesu Kristo so walo ɛmɔ.

1 Korintofoɛ 15:24

Afei yeɛ né ayieleɛ ne awa ɔ, bɔ okoli ahennie ne anwoserɛ ne tumi mukoraa so, ná wafa Ahennie ne wawura Baba Nyameɛ sa.

Ɛfesofoɛ 5:4

Nnɛmɔma nyanzoen dwirɛ, ngwaseasɛm anaa aseresɛm bɔ ɔmvata ɔ nwo dwirɛ fite ɛmɔ nu, na mmom asennaa.

Filipifoɛ 1:3

Ngayeɛ bɔ mekaye ɛmɔ amukoraa nu ne, meda me Nyameɛ ase.

Filipifoɛ 4:6

Nnɛmɔma nikye fee ha ɛmɔ; na mmom nikyee biala nu, ɛ́mɔfa mbaeɛbɔlɛ ne ngotosrɛ ne asennaa bɛ́fa bɔ ohia ɛmɔ ɔ bɛ́to Nyameɛ nyunu.

Kolosefoɛ 3:17

Na nikyee biala bɔ ɛmɔyɔ wɔ edwudwolɛ anaa yɔleɛ nu ne, ɛmɔyɔ ye mukoraa wɔ Awurade Yesu dumaa nu, na ɛmɔfa asennaa bɛfa ye so bɛma Baba Nyameɛ.

1 Tɛsalonikafoɛ 3:9

Anigye wora bɔ ɔnate ɛmɔ ti yanya ye wɔ yɛ Nyameɛ nyunu ye, nzikyɛ asennaa bieku yeɛ yɛkɔhora yɛkɔfa yɛkɔma Nyameɛ wɔ ɛmɔ nwo ɔ?

1 Tɛsalonikafoɛ 5:18

Ɛ́mɔfa asennaa bɛ́ma Nyameɛ wɔ nikyee biala nu, ofikyɛ ɛhe yeɛ ɔte Nyameɛ apɛdeɛ wɔ Kristo Yesu nu ma ɛmɔ ɔ.

2 Tɛsalonika 1:3

Aliɛmaa mɔ, ɔsɛ kyɛ ɛmɔ ti daa yɛda Nyameɛ ase kyɛbɔ ɔfata ɔ, ofikyɛ ɛmɔ gyidie kɔ so nyi mmorosoɛ, na ɔdɔ bɔ ɛmɔle ma bɛ nwo bɛ nwo ne ɔte piri.

2 Tɛsalonika 2:13

Aliɛmaa mɔ bɔ Awurade kuro ɛmɔ dwirɛ ɔ, ɔte yɛ asɛdeɛ kyɛ ɔnate ɛmɔ ti daa yɛda Nyameɛ ase ɔ. Ofikyɛ Nyameɛ fi ahyɛaseɛ ne yeɛ waneanea nu waye ɛmɔ kyɛ ɛ́mɔnya daa ngoa, bɔ ɔnate Sunzum nu anwotelɛ ne nahorɛ gyidie nu ɔ.

Hebrifoɛ 13:15

Yiti mmerɛ biala ɛ́mɔma yɛ́fa ayɛyelɛ yɛyɛ afɔleɛ yɛfa Yesu so yɛma Nyameɛ, na ɛhe te yɛ noa afɔleɛ bɔ yɛfa yɛhyɛ ye dumaa animnyam ɔ.

1 Petro 2:5

na ɛmɔ koso, ɛmɔte kyɛ ngoa nyɔboɛ mɔ, na ɛ́mɔma bɛ́fa ɛmɔ bési sunzum nu sua ma ɛmɔyɛ asɔfokure krongron, amaa ɛmɔafa Yesu Kristo so babɔ sunzum nu afɔleɛ bɔ ɔsɔ Nyameɛ nye ɔ.

1 Petro 4:11

Sɛ ebie dwudwo a, maa ɔhã ye kyɛ Nyameɛ noa dwirɛ ɔ; sɛ ebie ɔyɔ ɛsolɛ adwuma a, maa ɔfa anwoserɛ bɔ Nyameɛ afa ama ye ne ɔso; amaa ɔnate so bafa Yesu Kristo so bahyɛ Nyameɛ animnyam wɔ nningyein amukoraa nu. Ye yeɛ animnyam ne tumi te ye deɛ daa daa ɔ. Amen.