Ɛfesofoɛ 5:19 - AHYERƐLƐ KRONGRON

¹⁹ Ɛ́mɔfa sangoo dwein, ayɛyelɛ dwein ne sunzum nu dwein bedwudwo behyirehyire ɛmɔ nwo; ná ɛ́mɔfa ɛmɔ ahone amukoraa bɛto Awurade nwo dwein;

Ɛfesofoɛ 5:19 Iomraidhean Croise

Edwein 147:7

Ɛ́mɔto AWURADE nwo asennaa dwein; ɛ́mɔbɔ sangoo beli yɛ Nyameɛ nwo ahurusi!

Edwein 62:8

Ao kuro mmenia, odi kyɛ ɛmɔfa bɛ nwo bɛto ye so mmerɛ biala, ná ɛ́mɔfa ɛmɔ ahiasɛm bɛto ye nyunu, ofikyɛ Nyameɛ te y’afealeɛ. Sela

Edwein 86:12

Ao AWURADE me Nyameɛ, ngɔfa m’ahone amukoraa ngɔye wɔ ayɛ, na ngɔhyɛ wɔ dumaa animnyam afebɔɔ.

Edwein 95:2

Ɛ́mɔma yɛ́fa asennaa yɛbra ye nyunu! Ɛ́mɔma yɛ́fa ayɛyelɛ dwein yɛli ahurusi yɛbɔ ye nwo ese.

Yesaya 65:14

Ɛ́mɔtie, me somvoɛ mɔ bɛkɔto anigye dwein wɔ b’ahone nu, nakoso ɛmɔ de, ɛmɔkosu bekoli yealɛ wɔ ɛmɔ ahone nu, na ɛmɔkɔbɔ awuye bekoli aworabɔlɛ.

Mateo 15:8

‘Maen he bele bɛ noa mbaen yeɛ bedi me ni ɔ, nakoso b’ahone de, ombingye me.

Mateo 26:30

Afei bɛtole ayɛyelɛ dwein, na befili berɛ bɛhɔle Olive Bokaa ne aso.

Asomafoɛ 16:25

Kɔngɔen ne, kɔyɛ abunnamu, né Pɔɔlo ne Silase bɛbɔ mbaeɛ ná bɛto Nyameɛ ayɛyelɛ dwein, na kukunufoɛ ngaa ne tiele bɛ.

1 Korintofoɛ 14:15

Yiti ngɔyɛ ye sɛ? Ngɔfa sunzum ne ngɔbɔ mbaeɛ, ná mafa m’adwene koso mabɔ mbaeɛ. Ngɔfa sunzum ne ngɔto dwein ná mafa m’adwene koso mato dwein.

1 Korintofoɛ 14:26

Aliɛmaa mɔ, mekyire sɛɛ koraa? Sɛ ɛmɔyia nu a, ebie le edwein to, ebie le ngyerɛkyerɛ kyire, ebie le edwudwolɛ ahoroɔ kã, ebie le nyekyire, ebie le edwudwolɛ ahoroɔ nwo ngyerɛaseɛ. Ɛmɔma ebiala yɔ ye deɛ bɔ ɔma ngɔsoɛ ɔ.

Kolosefoɛ 3:16

Ɛ́mɔma Kristo dwirɛ ne oyi ɛmɔ nu tɛkyɛ, ɛmɔhyirehyire ná ɛ́mɔfa nworɛ mukoraa betutu ɛmɔ nwo foɛ. Ɛ́mɔto sangoo dwein, ayɛyelɛ dwein, ɔne sunzum nu dwein bɔ ɔte ahone nu asennaa bɛ́ma Nyameɛ.

Yakobo 5:13

Ɛmɔ nu bie onwu amaneɛ anaa? Maa ɔbɔ mbaeɛ. Ebie nye agye anaa? Maa ɔto ayɛyelɛ dwein.

Nyekyire 5:9

Na bɛtole dwein foforɛ bie kyɛ, “Ɛfata kyɛ ede nwomaa bɔ babobɔ ne ná ebukye ye nzɔanoɛ nemɔ ɔ; ofikyɛ behuni wɔ, na afa wɔ mogya atɔ adasa mmaa ama Nyameɛ afi mmusua kure ne edwudwolɛ ne mmenia ne maen biala nu,