Ɛfesofoɛ 5:18 - AHYERƐLƐ KRONGRON

¹⁸ Nnɛma ɛmɔbo nzaa, ofikyɛ ɔne basabasayɔlɛ yeɛ bɛnate ɔ; na mmom ɛ́mɔma Sunzum ne oyi ɛmɔ tɛkyɛ.

Ɛfesofoɛ 5:18 Iomraidhean Croise

Gyenesise 9:21

Ɔnone bobe nzaa ne bie, ɔbole, na ɔlale ye ɛtena sua nu bɔ né ye nwo la so ɔ.

Edwein 69:12

Bɛ bɔ bɛwɔ kuro berɛ pambim ne anu ne, me nwo dwirɛ ala yeɛ bɛkã ɔ, na me yeɛ akɔnomnzafoɛ bɛfa me bɛto dwein ɔ.

Anyandera 20:1

Nzaa te ngorohoɛniɛ, nzaa serɛ maa ekuro ngondii, na ebiala bɔ ɔkɔfa ye ti kowura nu ne, ɔnze nworɛ.

Edwein Nu Dwein 1:4

Twetwe me bra wɔ nwo, ma yɛ nwo ɔyɛ nyera. Ao, ɛhene ne afa me awa ye pumbu nu. Yɛ nye kɔhã, ná yali wɔ nwo ahurusi, wɔ hurolɛ ne, yɛkɔkamvo ye yɛkɔtra bobe nzaa. Ɔnyɛ nwanwa kyɛ bekuro wɔ ɔ.

Edwein Nu Dwein 7:9

na wɔ noa nwo felɛ te kyɛ bobe nzaa paa bɔ ɔfa bɛ komvi yɔɔ, bɔ ɔnate bɛ noa ne bɛ gye so yɔɔ ɔ.

Yesaya 25:6

Bokaa he aso yeɛ Asafo AWURADE kɔto poen kɔma maen amukoraa ɔ: Ɔkɔma bɛ aleɛ paa, nzaa paa, naen bɔ bowue nu fonyi wɔ nu, yeɛ nzaa bɔ basongyi so ɔ.

Yesaya 5:22

Bɛ yaakɔ! Bɛ bɔ bale dumaa wɔ nzaanonɛ nu ɔ, ɔne bɛ bɔ bɛbɔ mmɔden wɔ nzaa serɛ frafralɛ nu ɔ.

Yesaya 55:1

“Huuu, ɛmɔ bɔ nzuhɔen ku ɛmɔ ee, ɛmɔbra nzue ne anwo oo; ɛmɔ bɔ ɛmɔlle sikaa po ne, ɛmɔbra bɛɛtɔ ná beli oo! Ɛmɔbra bɛɛtɔ nzaa ne nyɔfonesue bɔ ɛmɔngɔfa sikaa yeɛ bɛkɔtɔ ɔ, bɔ nyɔboɛ biala ɔlla so ɔ.

Lewitikɔso 10:9

“Ɛne wɔ mma mmienzua mɔ, sɛ ɛmɔkɔ ɛtena sua ne anu a, nnɛma ɛmɔno bobe nzaa anaa nzaa serɛ biala amaa ɛmɔanwu; ɔsɛ kyɛ ɔyɛ ahyɛdeɛ afebɔɔ wɔ ɛmɔ aworɛ ndoatoasoɛ amukoraa nu.

Mateo 23:25

“Ahyerɛlɛfoɛ ne Farasiifoɛ, ɛmɔ yaakɔ! Nyaatwomfoɛ! Ofikyɛ, ɛmɔnwunzi kwangoa ne prɛte nwo, nakoso bɛ kunu de, apoo ne adifuu ayi bɛ tɛkyɛ.

Mateo 24:49

ná ɔhyɛ ye bo ɔbo ye mmango ngoaa nemɔ, ná ɔne akɔnomnzafoɛ bedidi bɛno a,

Luka 1:15

ofikyɛ ɔkɔyɛ sona titire wɔ Awurade nyunu, na ɔngɔno bobe nzaa anaa nzaa biala, na Sunzum Krongron koyi ye tɛkyɛ kofi oni akunu.

Luka 11:13

Na sɛ ɛmɔ po bɔ ɛmɔte bɔnefoɛ ɔ ɛmɔse kyɛbɔ ɛmɔma ɛmɔ mma mɔ nningyein paa a, ɔkɔyɛ sɛɛ bɔ ɛmɔ Baba bɔ ɔwɔ nyameɛso ne ɔngɔfa Sunzum Krongron ngɔma bɛ bɔ bebisa ye ɔ?”

Luka 12:45

Nakoso sɛ sɔ akoaa ne kã ye wɔ ye ti anu kyɛ, ‘Me mene onnya ɔwwale,’ ná ɔhyɛ ye bo ɔbo ngoaa mmienzua ne ngoaa mmrasua nemɔ, ná odidi ná ɔno nzaa bo a,

Luka 21:34

“Ɛ́mɔnea ɛmɔ nwo yé, ná poentolɛ ndrasoɛ ne nzaabolɛ ne asetena nu dadwene wanni ɛmɔ ti, ná sɔ kyẽa ne ammamvu ɛmɔ nu kyɛ ngaen;

Yohane 2:10

na osele ye kyɛ, “Sona biala, nzaa paa yeɛ odi moa fa basie berɛ maa besu ɔ; na sɛ bɛno maa ɔbo bɛ a, koraka yeɛ né afei wafa nzaa mbaen biala wawa ɔ; nakoso wɔ de, nzaa paa ne yeɛ afa asie maa wadwu bekye ɔ.”

Asomafoɛ 11:24

Né Banaba te sona paa bɔ Sunzum Krongron ne gyidie ayi ye tɛkyɛ ɔ, na ɔhwene mmenia pee maa beelili Awurade si.

Romanfoɛ 13:13

Ɛ́mɔma yɛbɔ bra paa bɔ ɔfata alehyeleɛ ɔ, na nna kyɛ anigye mmorosoɛ ne nzaabolɛ nu, nna adwamanbɔlɛ ne ahohwie nu, ngondii ne anyeboroborolɛ nu.

1 Korintofoɛ 11:21

ɔnate kyɛ sɛ ɛmɔdidi a, ebiala di ye aleɛ deɛ koraka; na ɛhɔen ku ebie ne, né ebie koso nzaa abo ye.

1 Korintofoɛ 5:11

Na afei bɔ mekyerɛ mebrɛ ɛmɔ ole kyɛ, nnɛma ɛmɔ ne ebiala bɔ ɔfrɛ ye nwo aliɛmaa bɔ ɔbɔ adwaman, anaa ɔte anyeboroborolɛ, anaa ɔte bosoensolɛniɛ, anaa ɔte tuture, anaa akɔnomnzaniɛ anaa awueniɛ besã, nnɛma ɛmɔ ne ye to asaa bedidi po.

1 Korintofoɛ 6:10

awuefoɛ, anyeboroborolɛfoɛ, akɔnomnzafoɛ, nzekurebɔlɛfoɛ ne apoobɔlɛfoɛ ngɔhɔ Nyameɛ ahennie ne anu.

Deuteronomi 21:20

ná bɛka bekyire ye kuro berɛ mbanyi kyɛ, ‘Yɛ wa he te asoserɛniɛ bɔ ommu hwee; yɛkã dwirɛ a ɔmva, ɔte sɛkyefoɛ ne akɔnomnzaniɛ.’

1 Tɛsalonikafoɛ 5:7

Ɔnate kyɛ, bɛ bɔ bɛda ne, kɔngɔen yeɛ bɛda ɔ; yeɛ bɛ bɔ bɛno nzaa bɛbo ne, kɔngɔen yeɛ bɛbo ɔ.

Tito 1:6

Bɔ ngekalewa biala nne ye bra nu; bɔ ɔye te komapɛ, bɔ ye mma mɔ bɛte agyidifoɛ bɔ bɛnyɛ basabasa anaa asoserɛ ɔ.