Ɛfesofoɛ 5:15 - AHYERƐLƐ KRONGRON

¹⁵ Yiti ɛ́mɔnea ɛmɔ nwo yé wɔ atee bɔ ɛmɔnate so ɔ nwo; nnɛma ɛmɔyɛ kyɛ mmenia bɔ bɛnze nworɛ ɔ, na mmom kyɛ nworɛfoɛ.

Ɛfesofoɛ 5:15 Iomraidhean Croise

2 Samuel 24:10

Dawide maa bɛhale mmenia ne beyiele nen, nziɛ ye, ye tiboa buale ye fɔ. Na Dawide fa tole AWURADE nyunu kyɛ, “Bɔ mayɔ ye, mayɔ bɔne paa. Nakoso AWURADE, mesrɛ wɔ ala, fa w’akoaa amumuyɛɛ kyɛ ye, ofikyɛ mali ngwaseasɛm paa.”

YOB NWOMAA NE 2:10

Nakoso obuale ye kyɛ, “Edwudwo kyɛbɔ brasua kwaseaa biala odwudwo ɔ. Nzu ɔ? Nyameɛ ma yɛ nikye paa a, yɛde; nzu ati yeɛ sɛ ɔma yɛ bɔ ɔtte mayee a, ɔnzɛ kyɛ yɛde ɔ?” Na ɛhemɔ amukoraa nu ne, Yob amma ye noa andia Nyameɛ.

Edwein 73:22

né nde kyɛ sona kwaseaa bɔ ɔnze hwee ɔ, nyɛle kyɛ kaka bie wɔ wɔ nye so.

Ɛksadɔso 23:13

Bɔ mahã mahyire ɛmɔ ne amukoraa, ɛ́mɔli so. Nnɛma ɛmɔbɔ nyameɛ foforɛ biala dumaa; yeɛ nnɛmɔma ofite ɛmɔ noa.

Anyandera 14:8

Badwemma ye nworɛ ne, ɔmaa ɔdwene bɔ ɔyɔ ɔ nwo, nakoso ngwaseafoɛ bɛ gyiminɛ te nnakannaka.

Anyandera 15:21

Sona bɔ nworɛ nne ye ti anu ne, ngwaseasɛm yɛ ye fɛ, nakoso badwemma de, ɔyɔ bɔ ɔtengyɛ ɔ.

Mateo 10:16

“Ɛ́mɔtie! mésoma ɛmɔ kyɛ mmoaen maa ɛmɔkɔ mbataku nu. Yiti ɛ́mɔma ɛmɔ nye la berɛ kyɛ ewoo, ná ɛ́mɔbrɛ ɛmɔ nwo ase kyɛ mmubure.

Mateo 25:2

Bɛ nu nnu te nworɛfoɛ, yeɛ nnu wora bɛte ngwaseafoɛ.

Mateo 27:24

Na Pilato nwuni kyɛ ɔngɔhora ngɔyɔ ye nwo hwee, ná mmom basabasayɔlɛ yeɛ ɔpena ba ne, ɔfale nzue nwunzini ye sa wɔ ɛlɔen ne anyunu berɛ, na ɔhane kyɛ, “Sona teneneeniɛ he, medi be wɔ ye mogya nwo. Ɛmɔ bɔbɔ ɛ́mɔyɔ bɔ ɛmɔkɔyɔ ɔ!”

Mateo 27:4

na ɔhane kyɛ, “Mayɔ bɔne kyɛ maye mogya bɔ odi be ɔ mama ɔ.” Na bebuale kyɛ, “Yɛ de, ɔfa yɛ nwo nzu? Wɔ yeɛ ɔte wɔ dwirɛ ɔ!”

Mateo 8:4

Yeɛ Yesu sele ye kyɛ, “Tie, nnɛbɔ so kyire ebiala, na mmom kɔ, ná fa wɔ nwo kohyire ɔsɔfo, ná fa ayɛyɛdeɛ bɔ Mose hyɛle ne kɔ, ná ɔyɛ adanzeɛ ma bɛ.”

Luka 24:25

Afei osele bɛ kyɛ, “O ɛmɔ ndeaseɛ wɔ dede, ɛmɔ adwene te nganga kyɛ ɛmɔkole bɔ ngɔmhyɛlɛfoɛ nemɔ bahã ne amukoraa bekoli ɔ!

1 Korintofoɛ 14:20

Aliɛmaa mɔ, nnɛma ɛmɔdwene kyɛ ngwadaa, bɔne nu de, ɛ́mɔyɛ kyɛ nnɔma na mmom adwene nu ɛ́mɔyɛ mbanyi.

Galatiafoɛ 3:1

O Galatiafoɛ bɔ ɛmɔndwene ɔ! Nwa yeɛ odwumvale ɛmɔ sɔa ye; (bɔ ɔmaa ɛmɔnne nahorɛ ne nni ɔ?) Aso nna ɛmɔ nyunu yeɛ behyirehyirele nu pefee kyɛ bɛbɔle Yesu Kristo mmeamudua nu ɔ?

Galatiafoɛ 3:3

Sɔ yeɛ ɛmɔndwene ɔ? Ɛmɔfale Sunzum ne yeɛ bɛhyɛle ye bo ɔ, na nzu ati yeɛ ɛmɔfa anwoɔnaen beyie ɔ?

Ɛfesofoɛ 5:2

Ɛ́mɔfa ɔdɔ bɛbɔ ɛmɔ bra, kyɛbɔ Kristo koso hurole yɛ dwirɛ ná ɔfale ye ngoa tole berɛ mane yɛ kyɛ ayɛyɛdeɛ ne afɔleɛ fonafona mane Nyameɛ ne.

Ɛfesofoɛ 5:33

Nakoso ɔsɛ kyɛ ɛmɔ nu biala kuro ɔye dwirɛ kyɛ ye bɔbɔ ye nwo, na yeɛ ne koso, ɔsɛ kyɛ ɔfa anidie ma ohu.

Filipifoɛ 1:27

Nzaade ohia kyɛ ɛmɔma ɛmɔ brabɔlɛ fata Kristo nzɛmba ne, amaa sɛ mebapasa ɛmɔ nwo oo, sɛ mamma oo, mate ɛmɔ nga kyɛ ɛmɔagyina pindinn wɔ sunzum ko nu, bɔ ɛmɔayɛ adwene ko bɛpere bɛma nzɛmba ne nwo gyidie,

Kolosefoɛ 1:9

Ɔnate ɛhe ati, ofi kyẽa bɔ yɛtele sɔ dwirɛ ne ɔ, yɛyyakyili ɛmɔ nwo mbaeɛbɔlɛ le. Na yɛsrɛ kyɛ ɔma ɛmɔnya ye apɛdeɛ nwo nimdeɛ mmorosoɛ wɔ sunzum nu nworɛ ne ndeaseɛ amukoraa nu.

Kolosefoɛ 4:5

Bɛ bɔ bɛnne yɛ fekue ne anu ne, ɛ́mɔnate nworɛ nu wɔ bɛ nu, na nnɛma ɛmɔsɛkye ɛmɔ mmerɛ mbaen.

1 Tɛsalonikafoɛ 5:15

Ɛ́mɔnea yé ná ebiala amva bɔne andua bɔne kerɛ, na mmom ɛ́mɔnea kyɛ daa biala ɛmɔkɔyɔ paa bɛkɔmoma ɛmɔ nwo ne mmenia amukoraa.

1 Timoteo 6:9

Nakoso bɛ bɔ bɛpena kyɛ benya bɛ nwo ne, bɛtɔ nzɔhwɛ ne ngaen ne ngwaseaa akɔnnɔ bɔ ɔtte mayee mma sona, bɔ ɔfa bɛ kɔ ɛsɛkyelɛ ne eminilɛ nu ne anu ɔ.

Hebrifoɛ 12:25

Ɛ́mɔnea yé na ɛmɔambo bɔ odwudwo ne dwirɛ. Na sɛ bɛ bɔ bɛpole kyɛ bekotie bɔ odwudwole wɔ aseɛ ye aso ne, benyane ye nwo asohwenɛ de a, nzaade ɔkɔyɛ sɛɛ bɔ sɛ yɛpo bɔ odwudwo kyire yɛ fi nyameɛso ne dwirɛ a, yɛngonya ye nwo asohwenɛ ɔ?

Yakobo 3:13

Ɛmɔ nu nwa yeɛ ɔte nworɛniɛ ne nimdeɛniɛ ɔ? Maa ɔfa bra paa ohyire ye nnwumaa wɔ anwobrɛaseɛ bɔ nworɛ wɔ nu ɔ nu.

1 Petro 1:22

Asoɛmmerɛlɛ bɔ ɛmɔayɛ bama nahorɛ ne ne ati, wamaa ɛmɔate ɛmɔ kra nwo, na ɛhe amaa ɛmɔahurohuro ɛmɔ nwo dwirɛ wɔ nahorɛ nu, yiti ɔsɛ kyɛ ɛmɔfi ɛmɔ ahone nu bekurokuro ɛmɔ nwo dwirɛ.

Nyekyire 19:10

Yeɛ mvale me nyunu mmutuli ase wɔ ye gya bo kyɛ mesɔne ye, nakoso osele me kyɛ, “Nea, nnɛyɔ sɔ! Ofikyɛ me koso nde ebiɛngo akoaa, wɔ ne eliɛma mɔ bɔ betira Yesu adanzeɛ ne anu ne. Sɔne Nyameɛ! Ofikyɛ Yesu adanzeɛ ne, ye ole ngɔmhyɛlɛ sunzum ne.”