Ɛfesofoɛ 5:11 - AHYERƐLƐ KRONGRON

¹¹ Nnɛma ɛmɔyɔ awosii nnwumaa bɔ onzu mmaa ne bie, na mmom ɛ́mɔpa bɛ nwo tena!

Ɛfesofoɛ 5:11 Iomraidhean Croise

Gyenesise 20:16

Na osele Sara koso kyɛ, “Nea, mama eliɛma ɛdwetɛ apee ko, na ɛhe yeɛ ɔkɔma mmenia bɔ bɛboka wɔ so ne amukoraa bekonwu wɔ ti anu, na ebiala anwu kyɛ edi be ɔ.”

Edwein 141:5

Ma teneneeniɛ ɔbo me, ná ohwi me nyunu wɔ ɔdɔ nu. Nnɛmaa bɔnefoɛ bɛfa bɛ ngoo bɛpopa me ti so, ofikyɛ mebɔ mbaeɛ daa metia b’amumuyɛɛ ne.

Anyandera 1:10

Mma, sɛ bɔnefoɛ mɔ diedie wɔ kɔ bɔne nu a, nnɛpene so.

Anyandera 1:31

Yiti, bɛ yɔleɛ nwo akatuaa yeɛ bɛ sa kɔhã ye ɔ, na bɛ porɛ bɔ bɛbɔ ne, ɔkɔbɔ bɛ bɔbɔ bɛ ti so.

Anyandera 13:18

Betu wɔ foɛ ná endie a, ehiaa ne animguaseɛ kã wɔ, nakoso sɛ ede wɔ nyunu hwilɛ to nu a, enya animnyam.

Anyandera 15:12

Ngorohoɛniɛ nguro kyɛ bɛkɔhã ye nyunu ɔ, yiti ɔngɔ nworɛfoɛ berɛ.

Anyandera 19:25

Bo ngorohoɛniɛ, na sona bɔ ye adwene te kãa ne kosua nworɛ, kã sona badwemma nyunu, na okonya nimdeɛ.

Anyandera 25:12

Sɛ nworɛniɛ tu wɔ foɛ ná ɛfa a, ɔte kyɛ sikaa kɔkorɛ asomade ne agudeɛ.

Anyandera 28:4

Bɛ bɔ bɛmva mmeraa bɛnyɛ huu ne, bɛbɔ bɔnefoɛ aba so, nakoso bɛ bɔ bedi mmeraa so ne de, bɛko betia bɔnefoɛ.

Anyandera 29:1

Sona bɔ bɛtaa betwi ye nyunu a ogua ye so asi ne, musue bɔ ɔkɔto ye mvum nu ne, ongonya ye sɔbea.

Yesaya 29:21

bɛ yeɛ bɛ noa dwirɛ ma sona di fɔ, besua bɛ bɔ bedi dwirɛ ɔ ngaen, na bɛfa ngondombo atee so bebua ndɛengyea.

Yeremia 15:17

Mandena ngorohoɛfoɛ bɛ dwaa bɔ bɛbɔ nu, yeɛ manni ahurusi, na ɔnate kyɛ wɔ sa la me so ne ati, ndele me nwo ndenane nekaa bie, ofikyɛ afa ɛyaafɛlɛ ayi me nu to.

Lewitikɔso 19:17

Nnɛdwene ebiɛngo nwo adwene tɛɛ, na mmom fa edwirɛ tɛɛ bɔ wayɔ ne to ye nyunu, ná anza ye nwo anyɔ bɔne.

Mateo 18:15

“Sɛ eliɛma yɛ wɔ tɛɛ a, kɔhã ye mvomsoɛ kyire ye wɔ mmerɛ bɔ ɛne ye bɛ munyɔ pɛ yeɛ bɛwɔ berɛ ɔ. Sɛ otie wɔ a, anya eliɛma.

Luka 3:19

Né Yohane ahwi manzini hene Herode nyunu, ofikyɛ né Herode agya Herodiase bɔ ɔte oliɛma aye ɔ, afei koso né Herode ali edwirɛ tɛɛ pee;

Asomafoɛ 26:18

Memaa ekobukye bɛ nye, ná ɛye bɛ fi awosii nu ba kanea nu, na ɛye bɛ fi Abɔnzam tumi bo ɛfa bɛ ba Nyameɛ berɛ; amaa banya bɔnefakyɛ, ne tenaberɛ wɔ bɛ bɔ bafa bɛ gyidie bɔ ɔwɔ me nu bate bɛ nwo nemɔ anu.’

Romanfoɛ 13:12

Aleɛ sane ɔ ahyɛ, na alehyeleɛ apingye. Yiti ɛ́mɔma yɛgyi awosii nu yɔleɛ nemɔ yɛgua, ná yɛfa kanea nu akodeɛ yɛwura.

Romanfoɛ 16:17

Aliɛmaa mɔ, metu ɛmɔ foɛ kyɛ, ɛ́mɔnea ɛmɔ nwo yé wɔ mmenia bɔ bɛfa mbakyembakyemuɛ ne sundidua bɛba, bɔ otia ngyerɛkyerɛ bɔ ɛmɔasua ne. Ɛmɔhwe ɛmɔ nwo befi bɛ nwo!

Romanfoɛ 6:21

Daa bra bɔ ɛmɔbɔle ne, bɔ ɛnɛ ɔyɛ ɛmɔ nya ye, nzikyɛ mvasoɛ yeɛ ɛmɔnya befili nu ɔ? Sɔ nningyein nemɔ, b’ayieleɛ te ewue.

Galatiafoɛ 6:8

Na bɔ sona biala dua ye wɔ anwoɔnaen akɔnnɔ nu ne, okonya ewue kofi anwoɔnaen nu; nakoso bɔ odua ye wɔ Sunzum nu ne, okonya daa ngoa kofi Sunzum nu.

Ɛfesofoɛ 4:22

Brabɔlɛ daa bɔ ɛmɔbɔle ne, ɔte ɛmɔ sona sue daa, na ɔte porɔlowaa wɔ nnakannaka akɔnnɔ nu, yiti ɛ́mɔgyi bégua,

Ɛfesofoɛ 5:12

Ofikyɛ bra bɔ bɛbɔ ye mvealeɛ nu ne, ɔyɛ nya kyɛ ɛmɔkɔfa ɛmɔ noa bɛkɔbɔ so ɔ.

Ɛfesofoɛ 5:7

Yiti nnɛma ɛmɔ ne bɛ bɛbɔ afɛ;

Kolosefoɛ 1:12

ná yafa asennaa yama Baba ne bɔ wamaa yafata kyɛ yɛnya kyɛfa wɔ anwoteefoɛ bɔ bɛwɔ kanea nu b’agyapadeɛ ne bie ɔ.

1 Tɛsalonikafoɛ 5:7

Ɔnate kyɛ, bɛ bɔ bɛda ne, kɔngɔen yeɛ bɛda ɔ; yeɛ bɛ bɔ bɛno nzaa bɛbo ne, kɔngɔen yeɛ bɛbo ɔ.

2 Tɛsalonika 3:14

Na sɛ ebie ngotie bɔ yahã ye wɔ krataa ye anu a, ɛmɔhyɛ sɔ sona ne nzorɛ, na nnɛma ɛmɔ ne ye bɛbɔ afɛ, ná ɛ́mɔma ɔfɛre.

2 Tɛsalonika 3:6

Aliɛmaa mɔ, yɛle y’Awurade Yesu Kristo dumaa yɛhyɛ ɛmɔ kyɛ, aliɛmaa biala bɔ ɔnatenate basabasa ná onni ngyerɛkyerɛ bɔ onya fili yɛ berɛ ne aso ne, ɛmɔhwe ɛmɔ nwo befi ye nwo.

1 Timoteo 5:20

Na bɛ bɔ bɔne ali bɛ ti ne, kã bɛ nyunu wɔ asɔre mma ne amukoraa nyunu, amaa ɔnate so bɛ ngaa ne basuro.

1 Timoteo 5:22

Nnɛpe ndɛen fa wɔ sa gua ebie so, yeɛ nnɛfa wɔ nwo dide ebiemɔ bɔne nu: Ma wɔ bra yɛ sannwuu!

1 Timoteo 6:5

manzoenhwenɛ wɔ mmenia bɔ b’adwene awu ɔ nu, bɔ bɛne nahorɛ abɔ nzahoɛ, bɔ besusu kyɛ nyamesom paa ma sona nya ye nwo ɔ.

2 Timoteo 3:5

bɛkɔyɛ bɛ nwo kyɛ basɔ nyamesom paa ne anu, nakoso bɛpo tumi bɔ ɔwɔ nu ne. Twe wɔ nwo fi sɔ mmenia nemɔ nwo.

2 Timoteo 4:2

bɔ edwirɛ ne dawure, ná kɔ so yɔ, kyɛ mmerɛ paa nu oo, anaa mmerɛ tɛɛ nu oo. Maa mmenia benwu bɛ mvomsoɛ, twi bɛ nyunu, tu foɛ, wɔ ndoboaseɛ ne aboterɛ amukoraa nu.

Tito 2:15

Fa tumi amukoraa kã ɛhemɔ, tu ye nwo foɛ, ná twi bɛ nyunu. Nnɛma ebiala fa wɔ nyunu twitwi ase.

Nyekyire 18:4

Na nza ndele komviɛ foforɛ mvili nyameɛso kyɛ, “Me mmenia, ɛ́mɔfi ye nu béfite, ná ɛmɔanyɔ ye bɔne yɔleɛ ne bie, ná ye hawo ne bie amma ɛmɔ so.