Ɛfesofoɛ 5:1 - AHYERƐLƐ KRONGRON

¹ Yiti ɛ́mɔsua Nyameɛ, kyɛ ye mma bɔ ɛmɔla ye ahone nwo ɔ.

Ɛfesofoɛ 5:1 Iomraidhean Croise

Yeremia 31:20

Aso Efraim, ɔte mma bɔ ɔla m’ahone nwo ɔ? Aso ɔte baa bɔ me nye gye ye nwo ɔ? Mmerɛ pee bɔ metwi ye nyunu ne, yeɛ mekɔ so mekaye ye ɔ. Yiti me kunu tete me ma ye, amba, ngonwu ye anwumvoin, AWURADE noa dwirɛ ɛne.

Hosea 1:10

Nakoso Yisraelfoɛ bɛ somaa kɔyɛ kyɛ mboanoa anweaa, bɔ bɛngora ye susu anaa bɛngora ye ka ɔ. Na nekaa bɔ bɛhã behyirele bɛ kyɛ, “Nna me maen ole ɛmɔ” nen, berɛ yeɛ bɛkɔhã bekohyire bɛ kyɛ, “Nyameɛ teasefoɛ mma ole ɛmɔ” ɔ.

Lewitikɔso 11:45

Ofikyɛ me ole AWURADE bɔ nyele ɛmɔ mvili Misraim aseɛ so mmale ne, bɔ me yeɛ nde ɛmɔ Nyameɛ ɔ; yiti ɛ́mɔyɛ krongron, ofikyɛ nde krongron.”

Mateo 5:45

amaa ɔnate so ɛmɔayɛ ɛmɔ Baba bɔ ɔwɔ nyameɛso ne mma. Ɔnate kyɛ ɔma ye yia bɔ bɔnefoɛ mmenia ne mmeni paa so, na ɔtɔ esue gua teneneefoɛ ne bɛ bɔ bɛndengyɛ ɔ so.

Mateo 5:48

Yiti ɛ́mɔma ɛmɔ nwo te, kyɛbɔ ɛmɔ Baba bɔ ɔwɔ nyameɛso ne ye nwo te ne.

Yohane 1:12

Nakoso mmeni soma bɔ belele ye bɛtole nu, bɛ bɔ belele ye dumaa belili ne, ɔmane bɛ tumi maa bɛɛyɛle Nyameɛ mma;

Ɛfesofoɛ 4:32

Ɛmɔhurohuro ɛmɔ nwo dwirɛ, ɛ́mɔnwu ɛmɔ nwo anwumvoin, ná ɛ́mɔfa bɛhyehyɛ ɛmɔ nwo, kyɛbɔ Nyameɛ nate Kristo so wafa wahyɛ ɛmɔ ne.

Filipifoɛ 2:15

amaa ɛmɔayɛ mmenia bɔ edwirɛ nne bɛ nwo bɔ bɛ nwo sonn, Nyameɛ mma bɔ ngekalewa biala nne ɛmɔ nwo wɔ bɔnefoɛ maen bɔ bali makyebu, bɔ ɛmɔta wɔ bɛ nu kyɛ kanea bɔ ɔwɔ wiase,

Kolosefoɛ 3:12

Ɛmɔte mmenia bɔ Nyameɛ aneanea nu waye ɛmɔ ɔ, anwoteefoɛ ne adɔfo, yiti ɛ́mɔfa anwumvoinnwunɛ, paayɛlɛ, awiɛmvoɛ yɔbea ɔne anwobrɛaseɛ ne aboterɛ bɛbɔ ɛmɔ bra.

1 Yohane 4:11

Aliɛmaa mɔ, sɛ sɔ yeɛ Nyameɛ kuro yɛ dwirɛ a, ye de odi kyɛ yɛ koso yɛkurokuro yɛ nwo dwirɛ.