Ɛfesofoɛ 4:9 - AHYERƐLƐ KRONGRON

⁹ (Na sɛ ɔkã kyɛ: Ɔfo hɔle anwuro anwuro a, aso né ongyire kyɛ olili moa odwu hɔle aseɛ bo dɔ koraka?

Ɛfesofoɛ 4:9 Iomraidhean Croise

Gyenesise 11:5

AWURADE dwu wale ase ɔɔneane kuro ne abandenden bɔ né mmenia mmaa bési ne.

Edwein 139:15

Mmerɛ bɔ ɛbɔle me wɔ mvealeɛ nu ne, bɔ ɛtole wɔ bo ase ɛhyehyɛle me wɔ aseɛ bo dɔ ne, me mmowue mɔ bamvea wɔ.

Edwein 63:9

Nakoso bɛ bɔ bɛpena me kra beku ye ne, bɛkɔhɔ aseɛ bo dɔ kumaa nu’.

Edwein 8:5

Nakoso amaa wahɔ ase kãa bie watra abɔfo mɔ, na afa animnyam ne anidie abɔ ye abotire.

Ɛksadɔso 19:20

Na AWURADE dwu wale Sinai bokaa ne aso, wɔ bokaa ne ti afia. AWURADE frɛle Mose kyɛ ɔbra bokaa ne ti afia, na Mose fo hɔle.

Anyandera 30:4

Nwa yeɛ wafo wahɔ nyameɛso ná wadwu wawa ɔ? Nwa yeɛ waboaboa mvrama noa wɔ ye sa nu ɔ? Nwa yeɛ ɔfa ɛtena ɔbɔ nzue mɔ nonongu ɔ? Nwa yeɛ wafa aseɛ ye ti ne ye ti amukoraa wasiesie berɛ ɔ? Ye dumaa li sɛɛ, yeɛ ɔwa wora ye dumaa li sɛɛ? Sɛ ɛse a, kã kyire me e!

Yesaya 44:23

O anwuro anwuro, ɛ́mɔto anigye dwein, ofikyɛ AWURADE yeɛ wayɔ sɔ ɔ; O aseɛ bo dɔ, ɛ́mɔbɔ ese; O mmokaa mɔ, ɛ́mɔto anigye dwein serɛserɛ; O ɛhɔayeɛ mɔ ne nu mmakaa koso, ɛ́mɔyɔ sɔ! Ofikyɛ AWURADE apɔ Yakob wale ye, na wama ye animnyam wala ali wɔ Yisrael.

Hesekiel 31:14

Mayɔ sɔ, amaa ɔnate so asue noa mmakaa nu biala wamva ye tendenn wanhoahoa ye nwo, anaakyɛ wamma ye ti anwuro wangɔanga munungum ne anu dɔ. Na bakaa biala bɔ onya nzue ne, ongonyi ngɔhɔ anwuro sɔ; ofikyɛ ewue la berɛ ɔnwondɛ bɛ mukoraa, bɛkɔhɔ aseɛ bo dɔ bɛkɔɔboka adasa mmaa so, bɛ ne bɛ bɔ bɛkɔ ɛborɔ kumaa nu ne.

Mateo 12:40

Na kyɛbɔ Yona lili bonzu kunu ɛlɛsa eyia ne kɔngɔen ne, sɔ ala yeɛ Sona Awa ne koli aseɛ bo ɛlɛsa eyia ne kɔngɔen ɔ.

Yohane 20:17

Na Yesu sele ye kyɛ, “Nnɛsɔ me nu, ofikyɛ nnya nngɔle me Baba berɛ wɔ nyameɛso. Nakoso kɔ nniɛma nemɔ berɛ kɔhã kyire bɛ kyɛ, mékɔ nyameɛso, me Baba ne ɛmɔ Baba berɛ, me Nyameɛ ne ɛmɔ Nyameɛ ne berɛ.”

Yohane 3:13

Ebiala nne berɛ bɔ wafo wahɔ nyameɛso ɔ, sana bɔ ofi nyameɛso odwu wale ne, Sona Awa ne [bɔ ɔwɔ nyameɛso ne.]

Yohane 6:33

Nyameɛ paanoo ne ole bɔ ofi nyameɛso ba ase, ná ɔma wiase ngoa ne.”

Yohane 6:38

Ɔnate kyɛ mvi nyameɛso mawa ase, nna kyɛ mebaayɔ me bɔbɔ m’apɛdeɛ, na mmom bɔ ɔsomane me n’apɛdeɛ.

Yohane 6:41

Yeɛ Yudafoɛ nemɔ bɛpenepenene bɛ komvi beguale ye so, ofikyɛ ɔhane kyɛ, “Me ole paanoo bɔ ofili nyameɛso wale ase ne.”

Yohane 6:51

Me ole ngoa paanoo bɔ ofi nyameɛso wale ase ne; na sɛ ebie di paanoo he bie a, ɔkɔtena ase daa; na paanoo bɔ ngɔfa ngɔma wiase ngoa ne, ye ole me nwonaen.”

Yohane 6:58

Ɛhe ole paanoo bɔ ofi nyameɛso wale ase ne. Bɔ ɛmɔ nana mɔ belili ná bewuwuli ne, nna sɔ yeɛ ɔte ɔ; na paanoo he de, ebiala bɔ odi ne, ɔkɔtena ngoa nu daa.”

Yohane 6:62

Né nzaade sɛ ɛmɔnwu Sona Awa ne kyɛ ɔ́kɔ anwuro, nekaa bɔ né ɔwɔ daa ne koso ɛ?

Yohane 8:14

Na Yesu buale bɛ kyɛ, “Sɛ medi me bɔbɔ me nwo adanzeɛ po a, m’adanzeɛ ne te nahorɛ; ofikyɛ mese nekaa bɔ mvi mmale ɔ, ɔne nekaa bɔ mékɔ ɔ. Nakoso ɛmɔ de, ɛmɔnze nekaa bɔ mvi mmale ɔ anaa nekaa bɔ mékɔ ɔ.

Hebrifoɛ 2:7

Ɛmaa ɔhɔle ase bie trale abɔfo mɔ, ɛfale animnyam ne anidie bɔle ye abotire, [ɛfale wɔ sa noa adwuma wurale ye sa,]

Hebrifoɛ 2:9

Nakoso yɛnwu Yesu kyɛ, (mmerɛ kãa bie anu) Nyameɛ maa ɔhɔle ase kãa trale abɔfo mɔ, amaa ɔnate Nyameɛ adom ti wawu wama adasa mukoraa. Na ɔnate ye wue bɔ owuli ne ati, Nyameɛ afa animnyam ne anidie wabɔ ye abotire.