Ɛfesofoɛ 4:5 - AHYERƐLƐ KRONGRON

⁵ Awurade komapɛ, gyidie komapɛ, asubɔlɛ komapɛ;

Ɛfesofoɛ 4:5 Iomraidhean Croise

Sakaria 14:9

AWURADE koli hene wɔ aseɛ amukoraa so; na sɔ kyẽa ne, AWURADE kɔyɛ sonongo, yeɛ ye dumaa kɔyɛ sonongo.

Mateo 28:19

Yiti ɛmɔhɔ bɛɛyɛ maen maen mukoraa m’asuafoɛ, ná ɛ́mɔbɔ bɛ asu wɔ Baba ne, Baa ne ne Sunzum Krongron ne dumaa nu,

Asomafoɛ 10:36

Ɛmɔse edwirɛ bɔ ɔfa brɛle Yisrael ɔ, mmerɛ bɔ ɔnate Yesu Kristo so ɔbɔle asomdwee nzɛmba ne nwo dawure ne; ye yeɛ ɔte ebiala Awurade ɔ.

Asomafoɛ 2:36

“Yiti ma Yisrael awuro ama mukoraa benwu ye tofee kyɛ, Yesu he bɔ ɛmɔbɔle ye mmeamudua nu ne ala yeɛ Nyameɛ ayɛ ye Awurade ɔne Kristo ne ɔ.”

Romanfoɛ 3:30

Ofikyɛ Nyameɛ te komapɛ twe, na okogyina bienzuapɛlɛfoɛ bɛ gyidie so kobua bɛ be; yeɛ okogyina bɛmbɛ-bɛ-bienzuafoɛ koso bɛ gyidie so kobua bɛ be.

1 Korintofoɛ 1:13

Aso bahyehyɛ Kristo nu hɔ ɔ? Pɔɔlo yeɛ bɛbɔle ye mmeamudua nu bɛmane ɛmɔ ɔ, anaakyɛ Pɔɔlo dumaa nu yeɛ bɛbɔle ɛmɔ asu bewurale ɔ?

1 Korintofoɛ 1:2

Yɛfa yɛbrɛ Nyameɛ asɔre bɔ ɔwɔ Korinto, bɛ bɔ ɔnate Yesu Kristo ti bafrɛ bɛ maa baayɛ krongron; mekyire ɛmɔ bɔ bafrɛ ɛmɔ ne bɛ bɔ bɛwɔ nekaa biala maa ɛmɔayɛ anwoteefoɛ, na ɛmɔ ne yɛ bɔ nu bɔ Yesu Kristo dumaa kyɛ y’Awurade ɔ.

1 Korintofoɛ 12:13

Ofikyɛ yɛ mukoraa: Yudafoɛ oo, Helafoɛ oo, ngoaa oo, nnehyeɛ oo, Sunzum komapɛ ne ala yeɛ bɛfa bɛbɔle yɛ asu maa yɛɛyɛle nipadua ko ɔ, na Sunzum komapɛ ne ala yeɛ wahwie wagua yɛ mukoraa yɛ so ɔ.

1 Korintofoɛ 12:5

Ɛsolɛ nnwumaa gua ahoroɔ, nakoso ofi Awurade komapɛ ne ala berɛ.

1 Korintofoɛ 8:6

yɛ de, yɛse kyɛ Nyameɛ komapɛ twe yeɛ ɔwɔ berɛ ɔ. Ye ole Baba ne bɔ ɔbɔle nningyein mukoraa ná yɛ koso yɛte ase yɛma ye ne; yeɛ Awurade komapɛ twe yeɛ ɔwɔ berɛ ɔ, ye ole Yesu Kristo, bɔ ɔnate ye so bɛbɔle nningyein mukoraa ne, na yɛ koso ɔnate ye so yeɛ yɛte ase ɔ.

2 Korintofoɛ 11:4

Ofikyɛ sɛ ebie ba ɛmɔ berɛ bakã Yesu foforɛ bie nwo dwirɛ bɔ yɛhhane, anaakyɛ sɛ ɛmɔnya sunzum foforɛ bɔ ɔne bɔ ɛmɔlili moa benyane ye ne bɛtte ko, anaakyɛ nzɛmba foforɛ bɔ ɔne bɔ ɛmɔale bato nu ne bɛtte ko a, naa ɛmɔfa anika bɛsɔ nu!

Galatiafoɛ 5:6

Ofikyɛ sɛ yɛne Kristo Yesu yɛ ko de a, bienzuapɛlɛ oo, nna bienzuapɛlɛ oo, ye nwo nhia, na mmom gyidie bɔ ɔnate ɔdɔ so yɔ adwuma yeɛ ohia ɔ.

Ɛfesofoɛ 4:13

kodwu kyɛ yɛ mukoraa yɛkonya Nyameɛ Awa ne nwo gyidie ɔne ye nwo nimdeɛ wɔ koyɛyɛlɛ nu, ná yayɛ mmenia bɔ yanyi yayie, bɔ yanya Kristo ye sue tebea ne tɛkyɛ ɔ,

Filipifoɛ 2:11

na noa biala ɔsɛ kyɛ ɔkã ye pefee kyɛ Yesu Kristo te Awurade ná ɔfa hyɛ Baba Nyameɛ animnyam.

Filipifoɛ 3:8

Amba, ɔnate m’Awurade Kristo Yesu nwo nimdeɛ mmorosoɛ ne ati, mebu nningyein amukoraa kyɛ bafi me sa. Ɔnate ye ti nningyein amukoraa afi me sa, nakoso mebu bɛ kyɛ fofoɛ so wura mbaen, amaa ɔnate so manya Kristo;

Tito 1:1

Pɔɔlo, bɔ nde Nyameɛ akoaa ne Yesu Kristo somafoɛ mema bɛ bɔ Nyameɛ aneanea nu waye bɛ ɔ bɛ gyidie ɔne nahorɛ ne nwo nimdeɛ bɔ ɔma nyamesom paa ɔ,

Tito 1:4

na mékyerɛ mebrɛ Tito, bɔ ɛte me bɔbɔ mma wɔ gyidie komapɛ ne ala nu ɔ. Adom, anwumvoinnwunɛ ne asomdwee bɔ ofi Baba Nyameɛ ne yɛ Ngoadefoɛ Awurade Yesu Kristo berɛ ɔyɛ wɔ deɛ.

Hebrifoɛ 13:7

Ɛ́mɔkaye ɛmɔ mbanyi mɔ bɔ bɛhane Nyameɛ dwirɛ ne behyirele ɛmɔ ne. Ɛ́mɔnea bɛ brabɔlɛ ayieleɛ ná ɛmɔsua bɛ gyidie.

Hebrifoɛ 6:6

sɛ bedi gyidie ne anwo makyebu a, bekosa bɛkɔsakyera b’adwene ko ɔ; ofikyɛ besa bɛbɔ Nyameɛ Awa ne mmeamudua nu bɛma bɛ nwo, na begua ye nyunu ase wɔ mmenia nu.

Yakobo 2:18

Amba, ebie kɔhã kyɛ, “Ele gyidie, yeɛ me wora nne nnwumaa.” “Kyire me wɔ gyidie bɔ nnwumaa nne nu ɔ, na me koso ngɔfa me nnwumaa ngohyire wɔ me gyidie.”

1 Petro 3:21

Na sɔ nzue ne sɛso, ye ole asubɔlɛ bɔ ode ɛmɔ koso ɛmɔ ngoa ɛnɛ ne. Ɔtte anwoɔnaen nu fiɛ nwunzinɛ, na mmom ɔte tiboa paa nwo abisadeɛ bɔ yɛfa Yesu Kristo wutingyelɛ ne aso yɛfa yɛto Nyameɛ nyunu ɔ.

2 Petro 1:1

Simɔn Petro bɔ nde Yesu Kristo akoaa ne somafoɛ ne, mefa mebrɛ bɛ bɔ ɔnate yɛ Nyameɛ ne Ngoadefoɛ Yesu Kristo tenenee so banya gyidie bɔ odi mu kyɛ yɛ deɛ ne ala ɔ.

Yuda 1:20

Nakoso ɛmɔ de, aliɛmaa mɔ, ɛmɔhɔ so benyi wɔ ɛmɔ gyidie krongron paa ne anu, ná ɛ́mɔbɔ mbaeɛ wɔ Sunzum Krongron nu;

Yuda 1:3

Aliɛmaa mɔ, mabɔ mmɔden amukoraa kyɛ mekyerɛ ngoalelɛ bɔ yɛ mukoraa yanya ye ne nwo dwirɛ mebrɛ ɛmɔ, na ye nwo ahia kyɛ mekyerɛ mebrɛ ɛmɔ, ná metu ɛmɔ foɛ, kyɛ ɛ́mɔpere bégyina pindinn bɛ́ma gyidie bɔ bafa bama anwoteefoɛ pɛnko ne.