Ɛfesofoɛ 4:4 - AHYERƐLƐ KRONGRON

⁴ Ofikyɛ nipadua komapɛ ne Sunzum komapɛ yeɛ ɔwɔ berɛ ɔ, kyɛbɔ bafrɛ ɛmɔ koso wɔ anyelasoɛ komapɛ nu wɔ ɛmɔ frɛlɛ ne anu ne;

Ɛfesofoɛ 4:4 Iomraidhean Croise

Edwein 122:8

Nniɛma mɔ ne me mmango mɔ ati, ngɔhã kyɛ, “Asomdwee ɔ́tena wɔ nu.”

Yeremia 14:8

Ao Yisrael anyelasoɛ, ye Defoɛ wɔ amaneɛnwunɛ mmerɛ nu, nzu ati yeɛ ɛyɛ wɔ nwo kyɛ ɛwɔfoɛ wɔ aseɛ ye aso ɔ, kyɛ akwanduniɛ bɔ aleɛ asa bɔ ɔpena nekaa osikye ɔ?

Yeremia 17:7

Sona bɔ ye wora wura AWURADE nu, bɔ AWURADE te ye anyelasoɛ ne de, onya saleɛ.

Mateo 28:19

Yiti ɛmɔhɔ bɛɛyɛ maen maen mukoraa m’asuafoɛ, ná ɛ́mɔbɔ bɛ asu wɔ Baba ne, Baa ne ne Sunzum Krongron ne dumaa nu,

Asomafoɛ 15:11

Na kyɛbɔ yɛde yɛdi kyɛ ɔnate Awurade Yesu adom so yɛkonya daa ngoa nen, sɔ ala koso yeɛ bɛ deɛ te ɔ.”

Romanfoɛ 11:29

ofikyɛ Nyameɛ adom akyɛdeɛ ne ye frɛlɛ ne, ɔnzesã ye adwene wɔ ye nwo.

1 Korintofoɛ 10:17

Paanoo ne te komapɛ, na ɔwɔ nu kyɛ yɛsone de, nakoso yɛte nipadua komapɛ, ofikyɛ paanoo komapɛ ne ala yeɛ yɛ mukoraa yɛdi ɔ.

1 Korintofoɛ 12:20

Ɔte nahorɛ kyɛ nipadua n’akwaa sone de, nakoso nipadua ne te komapɛ.

2 Korintofoɛ 11:4

Ofikyɛ sɛ ebie ba ɛmɔ berɛ bakã Yesu foforɛ bie nwo dwirɛ bɔ yɛhhane, anaakyɛ sɛ ɛmɔnya sunzum foforɛ bɔ ɔne bɔ ɛmɔlili moa benyane ye ne bɛtte ko, anaakyɛ nzɛmba foforɛ bɔ ɔne bɔ ɛmɔale bato nu ne bɛtte ko a, naa ɛmɔfa anika bɛsɔ nu!

Ɛfesofoɛ 1:18

ná óbukye ɛmɔ adwene nu ma ɛmɔnya ndeaseɛ, amaa ɛmɔanwu anyelasoɛ bɔ ɔwɔ ye frɛlɛ bɔ wafrɛ ɛmɔ ne anu, ɔne ye agyapadeɛ animnyam anwonya wɔ anwoteefoɛ nu.

Ɛfesofoɛ 2:16

na wafa mmeamudua ne aso wasiesie yɛ munyɔ ne ne Nyameɛ y’afia, wɔ nipadua ko nu, na ɔnate so watu ɛpɔen ne bo.

Ɛfesofoɛ 2:18

ofikyɛ ye so yeɛ yɛ munyɔ ne yɛnate Sunzum komapɛ nu yɛnya atee yɛkɔ Baba ne berɛ ɔ.

Ɛfesofoɛ 2:22

bɔ ye nu yeɛ bɛ́fa ɛmɔ koso besi maa ɔyɛ Nyameɛ atenaleɛ wɔ Sunzum nu ɔ.

Ɛfesofoɛ 4:1

Yiti afei me, Awurade kukununiɛ, mesrɛ ɛmɔ kyɛ ɛ́mɔbɔ bra bɔ ɔfata ɛfrɛlɛ bɔ bafa bafrɛ ɛmɔ ne,

Ɛfesofoɛ 5:30

Ofikyɛ yɛte ye nipadua n’akwaa.

Kolosefoɛ 1:5

ɔnate anyelasoɛ bɔ ɔwɔ berɛ ma ɛmɔ wɔ nyameɛso. Na ɛhe yeɛ ɛmɔate ye dada wɔ nahorɛ dwirɛ bɔ ye ole nzɛmba ne,

Kolosefoɛ 3:15

Afei ɛ́mɔma Kristo asomdwee ne oli ɛmɔ bra so, na ɛhe ati yeɛ bɛfrɛle ɛmɔ maa ɛmɔɔyɛle nipadua ko ɔ. Na nnɛma ɛmɔyɛ boniayɛ.

2 Tɛsalonika 2:16

Na afei, Y’Awurade Yesu Kristo bɔbɔ ne yɛ Baba Nyameɛ, bɔ okuro yɛ dwirɛ, ná walo yɛ wama yɛ daa asomdwee ne anyelasoɛ paa ne,

1 Timoteo 1:1

Pɔɔlo, Kristo Yesu somafoɛ, kyɛbɔ yɛ Ngoadefoɛ Nyameɛ ne Kristo Yesu bɔ ɔte yɛ anyelasoɛ ne hyɛle ne,

Tito 1:2

daa ngoa nwo anyelasoɛ nu, ngoa bɔ Ɛdangama Nyameɛ bɔ ɔmbɛ ngondombo ne ɔfa hyɛle bɔ koraka yeɛ ɔbɔ aleɛ ɔ;

Tito 2:13

wɔ mmerɛ bɔ yɛnwondɛ anyelasoɛ bɔ ɔte saleɛ, bɔ ɔte yɛ Nyameɛ piri ne yɛ Ngoadefoɛ Yesu Kristo animnyam walɛ ne ɔ.

Tito 3:7

amaa ɔnate ye adom so wabua yɛ be, bɔ ɔkɔma yɛ sa kɔhã daa ngoa nwo anyelasoɛ ne ɔ.

1 Petro 1:21

Na ɔnate ye so yeɛ ɛmɔde Nyameɛ bɔ otingyele ye fili awufoɛ nu ná ɔhyɛle ye animnyam ne bedi ɔ, amaa ɔnate so ɛmɔanya gyidie ne anyelasoɛ wɔ Nyameɛ nu.

1 Yohane 3:3

Na ebiala bɔ ole sɔ anyelasoɛ ne wɔ Kristo nu ne, ɔte ye nwo kyɛbɔ Kristo nwo te ne.