Ɛfesofoɛ 4:31 - AHYERƐLƐ KRONGRON

³¹ Ɛ́mɔgyi amvamviri, ahonetɛɛ, ɛyaafɛlɛ, basabasayɔlɛ, ɛsoentolɛ ne bra fiɛ biala bégua.

Ɛfesofoɛ 4:31 Iomraidhean Croise

Gyenesise 27:41

Na ɔnate saleɛ bɔ ye baba fa yirale Yakob ne ati, Yisɔ pɔle Yakob. Na Yisɔ susuli ye nwo kyɛ, “Me baba ye wue ne ye sɛen ngyẽa apingye; na ɛhe asi ne, ngohũ nniɛma Yakob.”

Gyenesise 37:21

Nakoso Ruben tele ne, ɔpepɛ lele ye, na ɔhane kyɛ, “Nnɛmɔmaa yɛku ye.”

Gyenesise 37:4

Na oliɛma mmienzua nemɔ nwuni kyɛ bɛ baba kuro Yosef dwirɛ tra bɛ mu nen, bɛpɔle ye, yiti né bɛ ne ye dwudwo ɛyaa so.

Gyenesise 4:8

Na Kein sele oliɛma Abel kyɛ, “Maa yɛhɔ fieso.” Na bɛwɔ fie ne aso nen, Kein hɔle oliɛma Abel so, na ohuni ye.

2 Samuel 13:22

Nakoso Absalom anga edwirɛ biala wangyire Amnɔn, kyɛ edwirɛ paa oo, anaa tɛɛ oo. Absalom pɔle Amnɔn, ofikyɛ né wato oliɛma Tamar mmɔnaa.

2 Samuel 19:27

Nana, me mene, waatoatoa me wahyire wɔ. Nakoso Nana, me mene, wɔ de ɛte kyɛ Nyameɛ abɔfo, yiti bɔ ekuro kyɛ ɛyɔ biala, yɔ.

2 Samuel 19:43

Nakoso Yisrael koɛhonɛfoɛ nemɔ buale Yuda koɛhonɛfoɛ kyɛ, “Yɛ bue deɛ bɔ ɔwɔ ɛhene ne anu ne, ɔtra ɛmɔ bue deɛ sɔ alaa buru. Yɛ bue deɛ bɔ ɔwɔ Dawide nu ne, ɔtra ɛmɔ bue deɛ. Nzu ati yeɛ ɛmɔmmu yɛ sɔa ye? Aso nna yɛ yeɛ yɛlili moa yɛhane kyɛ yɛkwaafa yɛ hene yɛsa yɛba ɔ?” Nakoso Yudafoɛ mane bɛ noa yɛle se trale Yisraelfoɛ.

Edwein 101:5

Ebiala bɔ ɔfea toatoa obiɛngo ne, ngɔmaa ɔkɔhã ye noa kɔto nu. Sona bɔ ɔte nduhoɛ ne anwomasoɛ ne de, mengɔpene ye.

Edwein 140:11

Sona bɔ ɔkekã mmenia nwo dwirɛ ne, nnɛma oyie ye yé wɔ aseɛ ne aso, ma musue oli patapaaniɛ si yerɛlɛlɛlɛ!

Edwein 15:3

bɔ ɔmva ye noa ngeka mmenia nwo dwirɛ tɛɛ, bɔ ɔnyɔ obiɛngo bɔne, ná ommu obiɛngo animtia ɔ.

Edwein 37:8

Twe wɔ nwo fi ɛyaafɛlɛ nwo, yeɛ nnɛma w’ahone hu. Nnɛma adwenedwene tɔ wɔ so; ɔne bɔne ngome yeɛ bɛnate ɔ.

Edwein 50:20

Ɛtena ase ɛkekã eliɛma nwo dwirɛ; na eni awa po, ɛpepɛ ye gya ndii nu.

Edwein 64:3

Bɛ yeɛ besi bɛ noa kyɛ ngrandɛ, besina bɛ noa dwirɛ yeayea kyɛ agyaen;

Anyandera 10:12

Ɛpɔen twetwe ngondii ba, nakoso ɔdɔ de, ɔkata mvomsoɛ amukoraa so.

Anyandera 10:18

Bɔ ɔpɔ sona, nakoso ɔkatakata so ne, ɔnga nahorɛ, yeɛ bɔ ɔkekã obiɛngo nwo dwirɛ sɛkye ye ne, ɔte kwaseaa.

Anyandera 14:17

Sona bɔ ye ahone pingye ye ne, ɔyɔ ye nningyein ngwaseaa nu, yeɛ kanda sona koso, mmenia kyi ye.

Anyandera 18:8

Nzekurebɔlɛniɛ ye noa dwirɛ te menemene, na edwirɛ ne woroworo wɔ.

Anyandera 19:12

Sɛ ɛhene fɛ yaa a, ɔte kyɛ gyata bɔ opo ɔ, nakoso ye anwumvoinnwunɛ te kyɛ ndire so ebosue.

Anyandera 25:23

Kyɛbɔ sorɔ dɔ mvrama fa esue ba ne, sɔ ala yeɛ sɛ ɛkã ebie si dwirɛ a ɔfa ɛyaafɛlɛ ba ɔ.

Anyandera 26:20

Sɛ eyein nne see nu a, onua, yeɛ sɛ nzekurebɔlɛniɛ nne berɛ a, ngondii bo pɛ.

Anyandera 29:22

Sona bɔ okuro ɛyaafɛlɛ ne, ɔtwetwe ngondii ba, yeɛ bɔ ɔma ye ahone hu ne, ɔto mmeraa pee.

Anyandera 29:9

Sɛ nworɛniɛ ne kwaseaa bɛbɔ nguro a, kwaseaa ne teatea nu, anaa ɔsere bɔ ɔmbɛ so ɔ.

Anyandera 6:19

sona bɔ odi adanzewia ɔ, yeɛ sona bɔ ɔkekã aliɛmaa mɔ bɛ ti bobɔ nu ɔ.

Nworɛ Dwirɛhanɛniɛ 7:9

Nnɛma w’ahone hu ndɛndɛ, ofikyɛ ngwaseafoɛ yeɛ ahonehulɛ wɔ bɛ so ɔ.

Yeremia 6:28

Bɛ mukoraa bɛte asoserɛfoɛ bɔ bayɛ lɔen ɔ, bɛnate bedi nzekure; bɛte kɔɔbere ne buralɛ, bɛ mukoraa bɛte ngondombofoɛ.

Yeremia 9:4

Odi kyɛ ebiala ɔnea ye nwo yé wɔ obiɛngo anwo, na nnɛfa wɔ wora wura eliɛma nu, ofikyɛ aliɛmaa biala ɔpepɛ sona gya ndii nu, na abiɛngoɛ biala ɔnate di nzekure.

Asomafoɛ 21:30

Afei kuro ne anu amukoraa yɛle basabasa, na mmenia ne amukoraa betuli bi bele amirika bɛɛhyele Pɔɔlo bɛhwene ye befili asɔneyɛɛ sua ne anu; na berɛ ne ala bɛtotole anoa nemɔ nu.

Romanfoɛ 3:14

Amoenwaa ne edwirɛ yealɛ ayi bɛ noa nu tɛkyɛ.

1 Korintofoɛ 14:20

Aliɛmaa mɔ, nnɛma ɛmɔdwene kyɛ ngwadaa, bɔne nu de, ɛ́mɔyɛ kyɛ nnɔma na mmom adwene nu ɛ́mɔyɛ mbanyi.

1 Korintofoɛ 5:8

Yiti nnɛmɔma yɛfa mɔle harewaa daa ne, bɔ ɔte bɔne ne amumuyɛɛ yɛdi aluolue ne, na mmom ɛ́mɔma yɛfa mɔle kabrɛdi bɔ ɔte adwene bɔ nu te ɔne nahorɛlilɛ ne yeɛ yɛli ɔ.

2 Korintofoɛ 12:20

Na mesuro ye si kyɛ sɛ meba a, ngoonwu ɛmɔ wɔ atee bɔ menguro so, ná ɛmɔ koso ɛmɔanwu me wɔ atee bɔ ɛmɔnguro so. Ebiaa ngɔɔto ɛmɔ ne ngondii, ahoɔyea, ɛyaafɛlɛ, pɛsɛmangomenya, bɛ gya ndii nu pepɛlɛ, nzekure, anwomasoɛ ne basabasayɔlɛ nu.

Galatiafoɛ 5:20

bosoensolɛ, bayie, ɛpɔen, ngondii, ahoɔyea, ɛyaafɛlɛ, pɛsɛmangomenya, ɛyakalɛ, ndoto,

Ɛfesofoɛ 4:22

Brabɔlɛ daa bɔ ɛmɔbɔle ne, ɔte ɛmɔ sona sue daa, na ɔte porɔlowaa wɔ nnakannaka akɔnnɔ nu, yiti ɛ́mɔgyi bégua,

Ɛfesofoɛ 4:25

Yiti ɛ́mɔyakyi ngondombopɛlɛ, ná ebiala li nahorɛ ohyire obiɛngo; ofikyɛ yɛte yɛ nwo yɛ nwo akwaa.

Ɛfesofoɛ 4:26

Ɛ́mɔfɛ yaa, nakoso nnɛma ɛmɔyɔ bɔne! Nnɛmɔma eyia kɔtɔ ɛmɔ yaafɛlɛ so,

Kolosefoɛ 3:19

Huɛ mɔ, ɛmɔhuro ɛmɔ aye mɔ, na nnɛma ɛmɔteetee bɛ.

Kolosefoɛ 3:8

Nakoso kekesaala ye de, ɛ́mɔgyi ɛhemɔ amukoraa bégua: ɛyaafɛlɛ, ahone tɛɛ, ɛpɔen, musue dwirɛ ne edwudwolɛ fiɛ.

1 Timoteo 3:11

Sɔ ala yeɛ ɔsɛ kyɛ bɛ ye mɔ koso bɛyɛ mmenia bɔ bɛ nyunu le animnyam ɔ, bɔ bɛmmɔ nzekure, na mmom bɛ nwo dwo, ná bedi nahorɛ wɔ nikyee biala nu ɔ.

1 Timoteo 3:3

ɔnzɛ kyɛ ɔyɛ akɔnomnzaniɛ, ahupoo, na mmom ɔsɛ kyɛ odwo; ɔnzɛ kyɛ okuro ngondii, anaa ɔma ye nye boro sikaa.

1 Timoteo 5:13

Afei koso, besua akwadworɔ, na bekyinikyini awuro mɔ nu; nna kyɛ bɛyɛ foen ngome, na mmom bɛyɛ asɛmbɛ ne nzekure, na bɛkekã edwirɛ bɔ ɔmvata ɔ.

2 Timoteo 2:23

Nakoso ngwaseaa aporowaasulɛ ne edwirɛ mbaen mbaen de, twe wɔ nwo fi ye nwo, ofikyɛ ɛse kyɛ bɛne ngondii yeɛ bɛnate ɔ.

2 Timoteo 3:3

bengonya sona nwo dɔ, amvamvirifoɛ, ɛsoentolɛfoɛ, bɛ bɔ bɛnhyɛ b’akɔnnɔ so ɔ, bɛ bɔ bɛ ti anu te awosii, bɛ bɔ bɛpo nikye paa biala,

Tito 1:7

Na bɔ ɔfata neafoɛ ɛhe: ɔnzɛ kyɛ benwu ngekalewa wɔ ye bra nu, ofikyɛ ɔte Nyameɛ awuro so neafoɛ; ɔnzɛ kyɛ ɔmoma ye nwo so, onya ahone, ɔyɛ akɔnomnzaniɛ, patapaa, anaa adifuu sona;

Tito 2:3

Sɔ ala yeɛ kyirekyire nworowaa nemɔ ma bɛbɔ bra bɔ ɔte krongron ɔ. Ɔnzɛ kyɛ bedi nzekure anaa bɛyɛ akɔnomnzafoɛ; na mmom ɔsɛ kyɛ bekyirekyire bɔ ɔte paa ɔ,

Yakobo 1:19

Aliɛmaa adɔfo mɔ, ɛ́mɔtie ɛhe yé. Ɔsɛ kyɛ sona biala yɛ ndɛ tie, nnɛmaa ɔpe ndɛen dwudwo, nnɛmaa ɔpe ndɛen fɛ yaa;

Yakobo 3:14

Nakoso sɛ anyeboroborolɛ tɛɛ ne pɛsɛmangomenya wɔ ɛmɔ ahone nu a, ye de nnɛma ɛmɔhoahoa ɛmɔ nwo, yeɛ nnɛma ɛmɔpɛ ngondombo betia nahorɛ ne.

Yakobo 4:11

Aliɛmaa mɔ, nnɛma ɛmɔkekã ɛmɔ nwo dwirɛ tɛɛ. Na ebiala bɔ ɔkã oliɛngo nwo dwirɛ tɛɛ anaa obua ye ndɛen ne, ɔkã mmeraa ne nwo dwirɛ tɛɛ, na obua mmeraa ne ndɛen. Na sɛ ebua mmeraa ne ndɛen a, né ɛnyɔ bɔ mmeraa ne kã ne, na mmom ɛte ye so ndɛenbualɛniɛ.

1 Petro 2:1

Yiti ɛ́mɔgyi bɔne yɔleɛ amukoraa, nnakannaka amukoraa, nyaatwomyɛlɛ, ɛpɔen ne nzekure amukoraa bégua.

1 Yohane 3:12

Nnɛmɔyɛ kyɛ Kein bɔ ɔte abɔnzam sona, bɔ ohuni oliɛma ne. Na nzu ati yeɛ ohuni oliɛma ne ɔ? Ofikyɛ né ye yɔleɛ ndengyɛ, nakoso oliɛma ne deɛ de, né ɔtengyɛ.

1 Yohane 3:15

Ebiala bɔ ɔpɔ oliɛma ne te wudiniɛ, na kyɛbɔ ɛmɔse ne, daa ngoa ndena wudiniɛ biala nu.

Nyekyire 12:10

Na ndele komviɛ pirikua bie wɔ nyameɛso kyɛ, “Afei yeɛ ngoalelɛ ne tumi ne ahennie ayɛ yɛ Nyameɛ deɛ, ná tumi ayɛ ye Kristo ne deɛ ɔ, ofikyɛ bafindi y’eliɛma mɔ bɛ kwaadubɔlɛniɛ ne bato ase, ye bɔ ɔbɔ bɛ kwaadu alehyeleɛ ne alesaleɛ wɔ Nyameɛ nyunu ne.