Ɛfesofoɛ 4:30 - AHYERƐLƐ KRONGRON

³⁰ Nyameɛ Sunzum Krongron bɔ bafa bahyɛ ɛmɔ nzorɛ bama ngoalelɛ kyẽa ne, nnɛma ɛmɔbɔ ye wora.

Ɛfesofoɛ 4:30 Iomraidhean Croise

Gyenesise 6:3

Na AWURADE hane kyɛ, “Me sunzum ngɔtena kuro sona nu afebɔɔ, ofikyɛ ɔte anwoɔnaen, ye afoɛ mukoraa bɔ okoli ɔ kɔyɛ ɛyaa ko ne aburanyɔ.”

Gyenesise 6:6

Na AWURADE nuni ye nwo kyɛ wayɔ sona wato aseɛ ye aso ɔ, na ɔyɛle ye yea soma.

Edwein 78:40

Amba, bɛyɛle ye nwo lɔen wɔ ɛserɛ so mmerɛ pee, na bɛmane ye wora bɔle wɔ ɛserɛ so!

Edwein 95:10

Afoɛ aburanna yeɛ sɔ aworɛ ndoatoasoɛ ne bɛ nwo yɛle me ahi ɔ, na ngane kyɛ, “Bɛte maen bɔ b’adwene ali makyebu, bɔ bɛnze m’atee ɔ.”

Yesaya 43:24

Amva sikaa andɔ ayirefona amma me, yeɛ w’afɔleɛ ɛloe nemɔ, amva amma me amma me ko anyi. Na mmom, ama wɔ bɔne ne ayɛ me so adesoa, yeɛ afa w’amumuyɛɛ ne agyegye me.

Yesaya 63:10

Nakoso bɛ de, bɛyɛle lɔen bɛmane ye Sunzum krongron ne wora bɔle; yiti ɔpɛle ye nwo yɛle bɛ pɔfoɛ, na ye bɔbɔ ɔho tiale bɛ.

Yesaya 7:13

Yeɛ Yesaya sele kyɛ, “O Dawide awuro ama, ɛ́mɔtie! Ɛmɔnwa nzɛ ɔte edwirɛ baa kyɛ ɛmɔma ɛmɔ nwo yɛ mmenia ahi, bɔ yeɛ ɛmɔama ɛmɔ nwo ayɛ me Nyameɛ koso ahi ye?

Hesekiel 16:43

Na ɔnate kyɛ angaye mmerɛ bɔ né ɛte abaayaa, na mmom afa ɛhemɔ amukoraa ahu m’ahone ne ati, tie, ngɔma wɔ yɔleɛ kɔbɔ wɔ ti so, AWURADE Nyameɛ noa dwirɛ ɛne. Aso amva nyanzoen bra ammoka w’akyiwadeɛ yɔleɛ amukoraa so?

Hosea 13:14

Aso mbɔ bɛ mvi ɛborɔ tumi nu anaa? Aso mbepɛ nne bɛ mvi ewue nu anaa? Wɔ, ewue, wɔ yealɛ ne wɔ ni? Wɔ, ɛborɔ, wɔ sɛkyelɛ ne wɔ ni? Anwumvoinnwunɛ atu afi me nye so.

Marko 3:5

Na Yesu le ɛyaa neane bɛ bra yiale, na ɔnate b’asoserɛ ti ɔyɛle ye yea, na osele biaa ne kyɛ, “Tengyɛ wɔ sa ne anu.” Ɔtengyɛle nu, na ye sa ne yɛle paa kyɛ ye daa ne ala.

Luka 21:28

Na sɛ sɔ nningyein nemɔ bɛhyɛ ye bo kyɛ besisi a, ɛ́mɔma ɛmɔ ti so bɛ́nea anwuro, ofikyɛ ɛmɔ lelɛ ne, né wapingye.”

Yohane 3:33

Ebiala bɔ ode ye adanzeɛ ne to nu ne, osi ye pi kyɛ Nyameɛ te nahorɛniɛ.

Asomafoɛ 7:51

Na Setefano toale so hane kyɛ, “Yisraelfoɛ asoserɛfoɛ, ɛmɔapini b’ahone, yeɛ afei ɛmɔaprapra bɛ so asi wɔ Nyameɛ dwirɛ ne anwo. Ɛmɔte kyɛ ɛmɔ nana mɔ ala, bɔ dáa ɛmɔsi Sunzum Krongron ne ate ɔ!

Romanfoɛ 8:11

Na sɛ ye bɔ otingyele Yesu fili awufoɛ nu ne ye Sunzum te ɛmɔ nu a, ye bɔ otingyele Kristo Yesu fili awufoɛ nu ne, ɔkɔma ɛmɔ nipadua bɔ owu ne ngoa, na ɔkɔfa ye Sunzum bɔ ɔte ɛmɔ nu ne aso yeɛ ɔkɔyɔ sɔ ɔ.

Romanfoɛ 8:23

Nakoso nna abɔdeɛ ngome, na mmom yɛ bɔbɔ koso bɔ yanya Sunzum nu mmaa bɔ oli moa ne, yɛpene wɔ yɛ nu, mmerɛ bɔ yɛnwondɛ kyɛ bɛkɔfa yɛ bɛkɔyɛ mmaa ɔ, bɔ ɔte ɛpepɛlɛ bɔ bɛkɔpepɛ bekole yɛ nipadua ne ɔ.

1 Korintofoɛ 1:30

Ngoa bɔ ɛmɔle ye wɔ Yesu nu ne fi Nyameɛ berɛ, na Nyameɛ afa Kristo ayɛ yɛ nworɛ, yɛ tenenee, yɛ fawɔnwodi ne krongronyɛlɛ.

1 Korintofoɛ 15:54

Yiti sɛ nipadua he bɔ ɔporɔ ne fa nipadua bɔ ɔmborɔ ne wura, na nipadua he bɔ owu ne fa nipadua bɔ onwu ne wura a, afei yeɛ né bɔ bahyerɛ ne awa nu kyɛ, “Basɛkye ewue bali ye so ngonim bɔkɔɔ!

1 Tɛsalonikafoɛ 5:19

Nnɛma ɛmɔnua Sunzum Krongron see ne;

Hebrifoɛ 10:29

Sɛ ɔte sɔ de a, nzaade sona bɔ okobu Nyameɛ Awa ne animtia, ná wabu apam mogya bɔ bafa bate ye nwo ne kyɛ ye nwo nde, ná wafa adom Sunzum ne nyunu watwitwi ase ne, nzikyɛ asohwenɛ yeɛ ɛmɔsusu kyɛ ɔfata ye ɔ?

Hebrifoɛ 3:10

Yiti mvɛle sɔ aworɛ ndoatoasoɛ ne so yaa, na ngane kyɛ, ‘Daa biala bedi bɛ bɔbɔ bɛ ti piri, na bɛnze atee bɔ mefa so meyɔ me nningyein ɔ.’

Hebrifoɛ 3:17

Nwa mɔ yeɛ Nyameɛ fɛle bɛ so yaa afoɛ aburanna ne? Aso nna bɛ bɔ bɛyɔle bɔne na bɛtotɔle amono nu wɔ ɛserɛ ne aso ne ɔ?

Maenbulɛfoɛ 10:16

Yiti begyili Amaenmaensofoɛ nyameɛ mɔ bɔ bɛwɔ bɛ berɛ ne beguale, na bɛsole AWURADE. Na Yisrael amaneɛnwunɛ ne yɛle AWURADE ahomete.