Ɛfesofoɛ 4:3 - AHYERƐLƐ KRONGRON

³ ɛ́mɔbɔ mmɔden bɛ́ma Sunzum koyɛlɛ ne ɔ́tena berɛ wɔ asomdwee ngabonu nu.

Ɛfesofoɛ 4:3 Iomraidhean Croise

1 Ahemvo 16:21

Yisrael maen ne anu hyɛle nyɔ: bɛ bue lili Gyinate awa Tibini si, na besili ye hene, yeɛ bɛ bue koso belili Omri si.

Ɛksadɔso 28:32

Pakye atee bɔ bɛkɔfa bɛ ti bekowura nu ɔ to ye afia. Nwo ɛtena fa samo ye kɔme anu maa ɔyɛ kyɛ ataadeɛ kɔme, ná wande wamva nu.

Nworɛ Dwirɛhanɛniɛ 4:12

Sɛ ebie fa ngondii toa sona horɛ, ná odi ye so ngonim a, mmenia nyɔ de, ɔngora nni bɛ so ngonim. Nyamaa bɔ banwo ye mmɛsa ne, nu telɛ nyɛ mmerɛ.

Marko 3:24

Na sɛ ahennie bie ne ye nwo ko a, sɔ ahennie ne ngora gyina.

Yohane 13:34

Ahyɛdeɛ foforɛ yeɛ mefa mema ɛmɔ ɔ, kyɛ ɛmɔhurohuro ɛmɔ nwo dwirɛ; na kyɛbɔ mahuro ɛmɔ dwirɛ nen, sɔ ala yeɛ ɛmɔ koso ɛmɔhurohuro ɛmɔ nwo dwirɛ ɔ!

1 Korintofoɛ 1:10

Nniɛma mɔ, mefa y’Awurade Yesu Kristo dumaa mesrɛ ɛmɔ kyɛ ɛmɔ amukoraa ɛ́mɔyɛ ko ná mbakyembakyemuɛ amma ɛmɔ nu; na ɛ́mɔyɛ ko wɔ adwene ko ne porɛ bɔlɛ ko nu.

2 Korintofoɛ 13:11

Afei aliɛmaa mɔ, mekra ɛmɔ oo! Ɛ́mɔma ɛmɔ nwo te, ɛ́mɔma ɛmɔ wora kyekye, ɛmɔnya adwene ko, ɛmɔtena asomdwee nu, na ɔdɔ ne asomdwee Nyameɛ ɔne ɛmɔ kɔtena.

Ɛfesofoɛ 4:13

kodwu kyɛ yɛ mukoraa yɛkonya Nyameɛ Awa ne nwo gyidie ɔne ye nwo nimdeɛ wɔ koyɛyɛlɛ nu, ná yayɛ mmenia bɔ yanyi yayie, bɔ yanya Kristo ye sue tebea ne tɛkyɛ ɔ,

Ɛfesofoɛ 4:4

Ofikyɛ nipadua komapɛ ne Sunzum komapɛ yeɛ ɔwɔ berɛ ɔ, kyɛbɔ bafrɛ ɛmɔ koso wɔ anyelasoɛ komapɛ nu wɔ ɛmɔ frɛlɛ ne anu ne;

1 Tɛsalonikafoɛ 5:13

na ɔnate b’adwuma ti ɛ́mɔfa anidie paa ne ɔdɔ bɛ́ma bɛ. Ɛ́mɔtena asomdwee nu.

Hebrifoɛ 12:14

Ɛ́mɔbɔ mmɔden bɛ ne mmenia mukoraa bɛtena asomdwee nu, ná ɛmɔbɔ bra bɔ ye nwo te ɔ, ofikyɛ sɛ ɛmɔ bra anyɛ krongron a, ɛmɔngonwu Awurade.