Ɛfesofoɛ 4:29 - AHYERƐLƐ KRONGRON

²⁹ Nnɛmɔma edwirɛ fiɛ biala fi ɛmɔ noa, na mmom edwirɛ paa bɔ ɔfata ná ɔma ngɔsoɛ ɔ, ná walo bɛ bɔ betie ne.

Ɛfesofoɛ 4:29 Iomraidhean Croise

Edwein 45:2

Wɔ nwo yɛ nyemene tra sona biala; wɔ noa dwirɛ yɛ fɛ, yiti Nyameɛ ayira wɔ afebɔɔ.

Edwein 5:9

Ofikyɛ bɛnga nahorɛ kaala, aborɛ yeɛ ɔwɔ bɛ ti anu ɔ; bɛ komvi te asieleɛ kumaa bɔ ɔla berɛ too ɔ, na bɛfa bɛ noa bɛdɛfɛdɛfɛ mmenia.

Edwein 52:2

Wɔ noa kekã musue dwirɛ, wɔ temverema te kyɛ dɛmaa nnaennaen.

Edwein 71:24

Mmerɛ biala, me noa koso kɔhã wɔ tenenee nwo dwirɛ, ofikyɛ bɛ bɔ bɛpena me bepura me ne, bafɛre, na bɛ nyunu agua ase.

Anyandera 12:13

Bɔnefoɛ noa dwirɛ tɛɛ osua ye bɔbɔ ye ngaen kye ye, nakoso teneneeniɛ de, onya ye ti didi nu fi amaneɛ nu.

Anyandera 15:23

Sona ma edwirɛ nwo mmuayɛɛ nyemene so a, ɔma ye nye gye, yeɛ sɛ ɔkã edwirɛ paa wɔ mmerɛ bɔ odi kyɛ ɔkã ɔ nu a, ɔte paa paa!

Anyandera 15:7

Nworɛfoɛ noa dwirɛ ma nimdeɛ trɛ, nakoso ngwaseafoɛ b’adwene de, ɔtte sɔ.

Anyandera 16:21

Sona bɔ ɔyɔ ye nningyein nworɛ nu ne, bɛfrɛ ye badwemma, yeɛ sɛ sona noa dwirɛ yɛ fɛ a, ɔma mmenia nya nikyeesualɛ nu ngɔsoɛ.

Nworɛ Dwirɛhanɛniɛ 10:12

Nworɛniɛ noa dwirɛ maa onya animnyam, nakoso kwaseaa de, ye noa dwirɛ maa onya dwirɛ.

Yesaya 50:4

AWURADE Nyameɛ ama me suaniɛ ye noa bɔ bɛfa bedwudwo ɔ, kyɛ nwu edwirɛ bɔ ɔfata ɔ, bɔ ngɔhã ngɔkyekye sona bɔ wafɛ ɔ ye wora ɔ. Ngyerɛmɔ biala, otingye me maa me so te dwirɛ, kyɛ mva ndie, kyɛ bɛ bɔ banya nimdeɛ ne ala.

Mateo 5:16

Yiti ɛ́mɔma ɛmɔ kanea ɔta ma mmenia nwu ye, amaa ɔnate so banwu ɛmɔ yɔleɛ paa ne, ná bakamvo ɛmɔ Baba bɔ ɔwɔ nyameɛso ne.

Luka 4:22

Na bɛ mukoraa bɛhane edwirɛ paa bɛfale Yesu nwo, na ye noa dwirɛ bɔ ɔte adom dwirɛ ne ɔyɛle bɛ nwanwa; nakoso bebisale kyɛ, “Aso nna Yosef awa ne ɛhe anaa?”

Yohane 1:37

Asuafoɛ nyɔ ne tele bɔ ɔhane ne, na beelili Yesu si.

Romanfoɛ 14:19

Yiti ɛmɔma yɛli nningyein bɔ bɛma asomdwee ɔne bɔ ɔfa ngɔsoɛ brɛ yɛ si.

Romanfoɛ 15:2

Na mmom ɛ́mɔma yɛ nu biala ɔyɔ bɔ ɔkɔma obiɛngo nwo kɔtɔ ye ɔ, bɔ ɔte paa ma ye, bɔ ɔkɔmaa okonyi gyidie nu ɔ.

1 Korintofoɛ 14:19

Nakoso asɔre sua nu de, mekuro kyɛ ngɔfa m’adwene ngɔhã edwirɛ nnu bɔ ɔkɔyɛ ngyerɛkyerɛ kɔma ebiemɔ tra kyɛ ngɔhã edwirɛ apee buru edwudwolɛ bɔ ebie nde ye bo nu.

Ɛfesofoɛ 4:12

kyɛ bɛfa bɛtete anwoteefoɛ bɛma ɛsolɛ adwuma ne, amaa Kristo nipadua ne anya ngɔsoɛ,

Ɛfesofoɛ 4:16

ye bɔ ye nu yeɛ nipadua ne amukoraa ayɛ mumua, ɔnate akwaa ahoroɔ bɔ wahã watoatoa nu wasiesie so pɛpɛɛpɛ, bɔ ebiala ɔyɔ ye adwuma kyɛbɔ ɔfata ne ati, na ɔma nipadua ne nyi, na ɔpagya ye nwo wɔ ɔdɔ nu.

Kolosefoɛ 4:6

Ɛ́mɔma ɛmɔ noa dwudwolɛ yɛ fɛ kyɛ ngyee, amaa ɛmɔanwu mmuayɛɛ paa bɔ ɔsɛ kyɛ ɛmɔfa bebua ebiala ɔ.

1 Tɛsalonikafoɛ 5:11

Yiti ɛ́mɔtutu ɛmɔ nwo foɛ, ná ɛ́mɔbokaboka ɛmɔ nwo, kyɛbɔ ɛmɔyɔ ne ala.

1 Petro 2:12

Ɔwɔ nu kyɛ Amaenmaensofoɛ nemɔ bɛkekã ɛmɔ nwo dwirɛ kyɛ ɛmɔte bɔnefoɛ de, nakoso ɛ́mɔma ɛmɔ bra yɛ sannwuu wɔ bɛ nu, amaa banwu ɛmɔ bra paa ne, ná bahyɛ Nyameɛ animnyam wɔ kyẽa bɔ ɔkɔwa ne.

1 Petro 3:1

Yeɛ mɔ, sɔ ala yeɛ ɛ́mɔbrɛ ɛmɔ nwo ase bɛ́ma ɛmɔ bɔbɔ bɛ hu mɔ ɔ; na sɛ ɔba kyɛ bɛ nu biemɔ benne edwirɛ ne benni a, bafa bɛ ye mɔ suban so, bɔ nna bɛ noa dwirɛ ahɔ ɔ basakyera;

2 Petro 2:18

Ofikyɛ bɛbobɔ bɛ noa nu bɛkekã anwomasoɛ dwirɛ mbaen mbaen, na bɛnate anwoɔnaen akɔnnɔ nu bɛfa ahohwisɛm bɛlakalaka bɛ bɔ begu so bɛnwati befi mmenia bɔ bɛbɔ azanzabra nemɔ bɛ mvomsoɛ nu ɔ.