Ɛfesofoɛ 4:28 - AHYERƐLƐ KRONGRON

²⁸ Nnɛma awueniɛ wua ko, na mmom ɔsɛ kyɛ ɔbɔ mmɔden ɔfa ye sa yɔ adwuma bɔ ɔfata ɔ; amaa wanya bie wafa waboka sona bɔ wahia ye ɔ.

Ɛfesofoɛ 4:28 Iomraidhean Croise

YOB NWOMAA NE 34:32

bɔ mannwu ye bɔ mayɔ ne, kyirekyire me, sɛ mayɔ amumuyɛɛ a, mengɔyɔ sɔ ko’ a,

Ɛksadɔso 20:15

“Nnɛwua.

Ɛksadɔso 20:17

“Nnɛma wɔ nye yɛ eliɛngo awuro nwo koakoa. Nnɛma wɔ nye yɛ eliɛngo aye nwo koakoa, anaa ye akoaa, ye afaneɛ, ye nandwie, ye afunum, anaa nikyee biala bɔ eliɛngo deɛ ahɔ ɔ.”

Ɛksadɔso 21:16

Ebiala bɔ okowua sona nen, sɛ ɔtɔne ye oo, anaakyɛ benwu ye wɔ ye berɛ oo, ɔsɛ kyɛ beku ye.

Anyandera 13:11

Ambe atee paa so ambena anwonyadeɛ a, ofi wɔ sa, nakoso bɔ ɔfɛ onya ye ne de, onya pee.

Anyandera 14:23

Adwumayɔlɛ serɛ ma mvasoɛ, nakoso bɛ noa dwirɛ mbaen de, ɔne ehiaa yeɛ bɛnate ɔ.

Anyandera 21:26

Ebie nye boro nikyee kɔkɔkɔkɔ daa biala, nakoso teneneeniɛ de, ofia ye kunu ɔkyɛ nikye.

Anyandera 28:13

Ebiala bɔ ɔkata ye mmeraatolɛ so ne, ongoyie ye yé, nakoso bɔ ɔkã, ná ɔyakyi ye yɔlɛ ne, bekonwu ye anwumvoin.

Anyandera 30:9

amaa ɔnate so mannya me nwo tam, ná mambo wɔ manga kyɛ, “Nwa ole AWURADE?” Afei koso, ná wanhia me ma manwua, ná mamva fiɛ manga me Nyameɛ dumaa.

Anyandera 31:20

Ɔma ye sa sõ ehiafoɛ so, na ɔboka bɛ bɔ bɛyɛ anwumvo ɔ.

Yeremia 7:9

Aso ɛmɔkowua, ɛmɔkoli awue, ɛmɔkɔsɛkye agyaa, ɛmɔkɔta ngondombo ndaen, ɛmɔkɔyera ɛyɛɛ bɛkɔma Baal, ɛmɔkoli nyameɛ foforɛ mɔ bɔ ɛmɔnze bɛ ɔ bɛ si,

Hosea 4:2

Ndaentalɛ, anoanupɛlɛ, awuelilɛ, awue ne adwamanbɔlɛ yeɛ ɔwɔ so ɔ’. Bebu mmeraa so, na mogya alaa yeɛ bɛkã begua ɔ.

Sakaria 5:3

Na osele me kyɛ, “Ɛhe te ɛnomalɛ bɔ okyinikyini fa aseɛ so amukoraa ɔ. Ebiala bɔ okowua ne, bɔ ɔwɔ ye bue faen ne yeɛ bekogyina so bɛkɔpɛ ye asue bekofi wa ɔ; yeɛ ebiala bɔ ɔkɔta ndaen mbaen ne, bɔ ɔwɔ ye bue faen ne yeɛ bekogyina so bɛkɔpɛ ye asue bekofi wa ɔ.

Luka 19:8

Yeɛ Sakeo dwɔso gyinane, na osele Awurade kyɛ, “Ao, Awurade, mefa m’anwonyadeɛ bue mekyɛ ehiafoɛ; na sɛ mafa aminɛlilɛ so male ebie nikyee a, ngɔbɔ ye nwo pɛen nna ngotua ye kerɛ.”

Luka 3:8

Ɛ́mɔbɔ bra bɔ ɔfata adwenesakyera ɔ, na nnɛma ɛmɔhyɛ ye bo bɛkekã bekyirekyire ɛmɔ nwo kyɛ, ‘Abraham te yɛ nana’; na mekã mekyire ɛmɔ kyɛ, Nyameɛ kɔhora kotingye nnomaa kofi nyɔboɛ hemɔ anu kɔma Abraham.

Yohane 12:6

Nna kyɛ ɔdwene ehiafoɛ nwo ti yeɛ ɔmaa ɔhane sɔ ɔ; na mmom ɔte awueniɛ ti ɔ. Ye yeɛ né otira sikaabɔtɔ ne ɔ, na né owua bɔ bɛfa begua nu ne ati ɔ.

Yohane 13:29

Ebiemɔ susuli kyɛ, Yudase yeɛ osie sikaabɔtɔ ne ati, yiti yeɛ ɔmaa Yesu sele ye kyɛ: Nningyein bɔ yɛkohia ye aluolue ne, kɔtɔ fa sie; anaakyɛ ɔɔyɛ ehiafoɛ adɔeɛ ɔ.

Romanfoɛ 12:13

Ɛ́mɔboka anwoteefoɛ wɔ bɔ ohia bɛ ɔ nwo, ná ɛ́mɔbɔ mmɔden wɔ ɛwɔfoɛsolɛ nwo.

1 Korintofoɛ 4:12

na yɛyere yɛ nwo yɛfa yɛ bɔbɔ yɛ sa yɛyɔ adwuma. Bɛbɔ yɛ alapaa a, yɛyirayira bɛ. Bɛtane yɛ nye a, yɛgyina pindinn.

2 Korintofoɛ 8:12

Na sɛ ɛmɔaye bɛ kunu kyɛ ɛmɔkɔboka a, nikyee bɔ sona le ye fa ma ne yeɛ ɔsɔ anyeɛ ɔ, na nna nikyee bɔ olle bie ne ɔ.

2 Korintofoɛ 8:2

B’anwokyere ne nzɔhwɛ kandinga ne asi, benyane anika mmorosoɛ wɔ bɛ hiaa ne anu maa bɛyele bɛ kunu bɛyɔle adɔeɛ kandinga paa.

Galatiafoɛ 6:10

Yiti mmerɛ bɔ atee wɔ berɛ ma yɛ ye de, ɛ́mɔma yɛyɔ mmenia amukoraa paa, nganga bɛ bɔ bɛwɔ agyidifoɛ abusua fekue ne anu ne.

1 Timoteo 6:18

Bɔ bɛ kɔkɔ kyɛ bɛ́yɔ bɔ ɔte paa ɔ, kyɛ bɛyɛ sikafoɛ wɔ nnwumaa paa nu, ná bɛye bɛ kunu bɛyɛ adɔeɛ,

Tito 3:14

Ma yɛ mmenia besua nnwumaa paa nwo mmɔdenbɔlɛ, ná bɛ́fa bɛ́boka bɛ bɔ behia mmokalɛ paa ɔ; na mmom ɔnzɛ kyɛ bɛyɛ foen bɔ mvasoɛ nne bɛ so ɔ.

Tito 3:8

Ɛhe te edwirɛ nahorɛ, na mekuro kyɛ esi edwirɛ hemɔ so paa, amaa ɔnate so bɛ bɔ bale Nyameɛ bali ne badwene kyɛbɔ bɛkɔbɔ nnwumaa paa nwo mmɔden ɔ. Sɔ nningyein nemɔ yeɛ ɔte paa ɔ, na mvasoɛ wɔ so ma sona.