Ɛfesofoɛ 4:26 - AHYERƐLƐ KRONGRON

²⁶ Ɛ́mɔfɛ yaa, nakoso nnɛma ɛmɔyɔ bɔne! Nnɛmɔma eyia kɔtɔ ɛmɔ yaafɛlɛ so,

Ɛfesofoɛ 4:26 Iomraidhean Croise

Edwein 37:8

Twe wɔ nwo fi ɛyaafɛlɛ nwo, yeɛ nnɛma w’ahone hu. Nnɛma adwenedwene tɔ wɔ so; ɔne bɔne ngome yeɛ bɛnate ɔ.

Edwein 4:4

Ɛ́mɔma ye nwo yɛ ɛmɔ suro, na nnɛma ɛmɔyɔ bɔne; ɛ́mɔdwene edwirɛ ne anwo wɔ ɛmɔ bɛen so, ná ɛ́mɔyɛ konn. Sela

Ɛksadɔso 11:8

Na wɔ mbanyi hemɔ amukoraa bɛkɔwa me nyunu bekoobu ndwerɛ bɛkɔhã kyɛ, ‘Fi wa kɔ, ɛne wɔ mmenia bɔ beli wɔ si amukoraa!’ Na ɛhe asi ne, ngofi wa ngɔhɔ.” Afei Mose fɛle ɛyaa hahii fili Faro nyunu berɛ hɔle.

Anyandera 14:29

Sona bɔ ye ahone nhu ndɛ ne, ole ndeaseɛ paa, nakoso bɔ ye ahone pingye ye ne de, odi ngwaseasɛm.

Anyandera 19:11

Anwohyɛsoɛniɛ ye ahone nhu ndɛ, na ɔte animnyam ma ye kyɛ okobu ye nye kogua mvomsoɛ so ɔ.

Anyandera 25:23

Kyɛbɔ sorɔ dɔ mvrama fa esue ba ne, sɔ ala yeɛ sɛ ɛkã ebie si dwirɛ a ɔfa ɛyaafɛlɛ ba ɔ.

Nworɛ Dwirɛhanɛniɛ 7:9

Nnɛma w’ahone hu ndɛndɛ, ofikyɛ ngwaseafoɛ yeɛ ahonehulɛ wɔ bɛ so ɔ.

Numeri 20:24

“Aarɔn kowu kɔɔtoa ye mbanyi mɔ. Ye gya baa ngotia aseɛ bɔ mafa mama Yisraelfoɛ ne aso, ofikyɛ ɛmɔyɛle m’ahyɛdeɛ nwo asoserɛ wɔ Meriba asue nwo.

Mateo 5:22

Na mekã mekyire ɛmɔ kyɛ, ebiala bɔ ɔkɔfɛ oliɛma so yaa nen, okoli fɔ wɔ ndɛenbualɛ nu; ebiala bɔ okose oliɛma kyɛ ɔte sona mbaen nen, okoli fɔ badwa nyunu. Ebiala bɔ okose kyɛ, ‘Wɔ kwaseambane’ nen, okoli fɔ, na ɔkɔhɔ abɔnzam see nu.

Marko 10:14

Na Yesu nwuni ye sɔ nen, wanyɛ ye fɛ, na osele bɛ kyɛ, “Ɛ́mɔma ngwadaa nemɔ ate ma bɛbra me berɛ, na nnɛma ɛmɔsi bɛ ate; ofikyɛ ɛhemɔ sɔa ye yeɛ Nyameɛ ahennie ne ɔte bɛ deɛ ɔ.

Marko 3:5

Na Yesu le ɛyaa neane bɛ bra yiale, na ɔnate b’asoserɛ ti ɔyɛle ye yea, na osele biaa ne kyɛ, “Tengyɛ wɔ sa ne anu.” Ɔtengyɛle nu, na ye sa ne yɛle paa kyɛ ye daa ne ala.

Deuteronomi 24:15

Kyẽa biala bɔ ɔkɔyɔ adwuma ne, tua ye kerɛ koraka né eyia atɔ, ofikyɛ ɔte ehianiɛ, na ye nyunu ne ye si ɛne. Anyɔ a, okosũ kohyire AWURADE kogua wɔ so, na ɔkɔkakyi bɔne kɔma wɔ.

Yakobo 1:19

Aliɛmaa adɔfo mɔ, ɛ́mɔtie ɛhe yé. Ɔsɛ kyɛ sona biala yɛ ndɛ tie, nnɛmaa ɔpe ndɛen dwudwo, nnɛmaa ɔpe ndɛen fɛ yaa;

Yakobo 1:20

ofikyɛ sona yaafɛlɛ ɔnyɔ bɔ ɔtengyɛ wɔ Nyameɛ nye so ɔ.

1 Samuel 20:34

Yonatan fɛle yaa hahii dwɔso fili poentolɛ ne abo. Yiti ɛsraen fili ne, ye kyẽa bɔ ɔtɔ so nyɔ ne, wanni hwee; ofikyɛ olili Dawide nwo aworabɔlɛ, yeɛ afei koso né ye baba agua ye nyunu ase.