Ɛfesofoɛ 4:25 - AHYERƐLƐ KRONGRON

²⁵ Yiti ɛ́mɔyakyi ngondombopɛlɛ, ná ebiala li nahorɛ ohyire obiɛngo; ofikyɛ yɛte yɛ nwo yɛ nwo akwaa.

Ɛfesofoɛ 4:25 Iomraidhean Croise

1 Ahemvo 13:18

Yeɛ ngɔmhyɛlɛniɛ aworowaa ne sele ye kyɛ, “Me koso nde ngɔmhyɛlɛniɛ kyɛ wɔ ala. Na abɔfo nate AWURADE dwirɛ so wahã wahyire me kyɛ, ‘Kɔhã kyire ye maa osa ye si ɔbra w’awuro wa oodidi na ɔno nzue.’ ” Nakoso né ngɔmhyɛlɛniɛ aworowaa ne ɔlakalaka ye.

Edwein 119:29

Ye ngondombo bra fi me so kɔ, ná fa wɔ mmeraa ne do me.

Edwein 15:2

Sana bɔ ye bra te sannwuu, bɔ ɔyɔ bɔ ɔtengyɛ, bɔ ofi ye ahone nu ɔkã nahorɛ,

Edwein 52:3

Wɔ nye gye bɔne nwo tra paa, yeɛ ekuro anoanupɛlɛ tra nahorɛhanɛ. Sela

Ɛksadɔso 23:7

Nnɛto ebiɛngo soen, yeɛ nnɛku sona bɔ odi be ná ɔtengyɛ ɔ, ofikyɛ mengobua amumuyɛɛniɛ be.

Anyandera 12:17

Sona bɔ ɔkã nahorɛ ne, ɔda pɛpɛɛpɛyɛlɛ ali, nakoso bɔ odi adanzewia de, ɔpɛ ngondombo.

Anyandera 12:19

Edwirɛ nahorɛ timu berɛ daa, nakoso ngondombo dwirɛ de, ɔngyɛ koraa.

Anyandera 12:22

Noa bɔ ɔnga nahorɛ ne, ɔte AWURADE akyiwadeɛ, nakoso bɛ bɔ bedi nahorɛ de, bɛsɔ ye nye.

Anyandera 21:6

Anwonya bɔ bɛfa nnakannaka so benya ye ne, ɔte mbaen, na ɔte bɛ so ewue ngaen.

Anyandera 24:28

Nnɛdi adanzewia tia ebiɛngo, yeɛ nnɛfa wɔ noa kekã nnakannaka dwirɛ.

Anyandera 6:17

anyeɛ bɔ ɔtra ye ndo nwiaa, noa bɔ ɔnga nahorɛ ɔ, asaa bɔ ɔkã mogya bɔ odi be gua ɔ,

Anyandera 8:7

Nahorɛ yeɛ mekã ɔ, me noa kyi amumuyɛɛ dwirɛ kekanɛ.

Yesaya 63:8

Ofikyɛ ɔnwa: ‘Nahorɛ nu, bɛte me maen, mmaa bɔ bɛngɔpɛ ngondombo ɔ,’ na ɔyɛle bɛ Ngoadefoɛ.

Yesaya 9:15

Panyi titireniɛ ne, ye ole tire ne, yeɛ ngɔmhyɛlɛniɛ bɔ ye ngyerɛkyerɛ te nnakannaka ne, ye ole dua ne.

Hosea 4:2

Ndaentalɛ, anoanupɛlɛ, awuelilɛ, awue ne adwamanbɔlɛ yeɛ ɔwɔ so ɔ’. Bebu mmeraa so, na mogya alaa yeɛ bɛkã begua ɔ.

Lewitikɔso 19:11

“Nnɛma ɛmɔwua, yeɛ nnɛma ɛmɔlakalaka bɛ biɛngo; nnɛma ɛmɔpepɛ anoanu bekyirekyire bɛ nwo.

Sakaria 8:16

Ɛhemɔ yeɛ odi kyɛ ɛmɔyɔ ɔ: Odi kyɛ ebiala kã nahorɛ kyire obiɛngo; nekaa bɔ ɛmɔdi dwirɛ ne, odi kyɛ ɛmɔbua ndɛen turoloo bɔ ɔfa asomdwee ba ɔ;

Sakaria 8:19

“Asafo AWURADE nwa: Bosome bɔ ɔtɔ so nna ne anu akɔngyere ne, nnu ne anu akɔngyere ne, nzoo ne anu akɔngyere ne, ɔne buru ne anu akɔngyere ne, bɛkɔyɛ ahurusililɛ, anwosɛpɛlɛ ne anigye aluolue kɔma Yuda awuro ama. Yiti ɛmɔhuro nahorɛ ne asomdwee.

Yohane 8:44

Ɛmɔ de, ɛmɔ baba bɔ ɛmɔfi ye nu ole abɔnzam, na ɛmɔ baba n’apɛdeɛ yeɛ ɛmɔkuro kyɛ ɛmɔyɔ ɔ. Ɔte wudiniɛ fi ahyɛaseɛ ne; na ollili nahorɛ le, ɔnate kyɛ nahorɛ biala nne ye nu. Sɛ ɔkã ngondombo dwirɛ a, kyɛbɔ ye sue te ne ala yeɛ ɔkã ɔ, ofikyɛ ɔte ngondomboniɛ ne ngondombo baba.

Romanfoɛ 12:5

sɔ ala yeɛ yɛ koso bɔ yɛsone ne, yɛte nipadua komapɛ wɔ Kristo nu ɔ. Ebiala te sonongo de, nakoso yɛ mukoraa yatoatoa nu yayɛ nipadua ko.

1 Korintofoɛ 10:17

Paanoo ne te komapɛ, na ɔwɔ nu kyɛ yɛsone de, nakoso yɛte nipadua komapɛ, ofikyɛ paanoo komapɛ ne ala yeɛ yɛ mukoraa yɛdi ɔ.

2 Korintofoɛ 7:14

Na sɛ mvale ɛmɔ nhoahoale me nwo ngyirele ye a, ɛmɔamma me nyunu angua ase. Na kyɛbɔ edwirɛ biala bɔ yɛhã yɛhyirele ɛmɔ te nahorɛ nen, sɔ ala yeɛ ɛmɔ nwo bɔ yɛhoahoale yɛhyirele Tito ne koso ayɛ nahorɛ ɔ.

Ɛfesofoɛ 4:15

Na mmom, ɛ́mɔma yɛli nahorɛ yɛfa ɔdɔ nu yɛnyi wɔ nningyein amukoraa nu, wɔ Kristo bɔ ye yeɛ ɔte tire ne anu,

Ɛfesofoɛ 4:22

Brabɔlɛ daa bɔ ɛmɔbɔle ne, ɔte ɛmɔ sona sue daa, na ɔte porɔlowaa wɔ nnakannaka akɔnnɔ nu, yiti ɛ́mɔgyi bégua,

Ɛfesofoɛ 4:31

Ɛ́mɔgyi amvamviri, ahonetɛɛ, ɛyaafɛlɛ, basabasayɔlɛ, ɛsoentolɛ ne bra fiɛ biala bégua.

Ɛfesofoɛ 5:30

Ofikyɛ yɛte ye nipadua n’akwaa.

Kolosefoɛ 3:8

Nakoso kekesaala ye de, ɛ́mɔgyi ɛhemɔ amukoraa bégua: ɛyaafɛlɛ, ahone tɛɛ, ɛpɔen, musue dwirɛ ne edwudwolɛ fiɛ.

Kolosefoɛ 3:9

Nnɛma ɛmɔpepɛ ngondombo bekyirekyire ɛmɔ nwo, ofikyɛ ɛmɔagyi ɛmɔ suban daa ne, ɔne ye yɔleɛ tɛɛ ne bagua,

1 Timoteo 1:10

adwamanbɔlɛfoɛ, mmienzua bɔ bɛne mmienzua bɛda ɔ, bɛ bɔ bɛtɔne mmenia, ngondombofoɛ, ndaentolɛfoɛ, yeɛ nikyee biala bɔ ɔboka so bɔ otia ngyerɛkyerɛ paa ɔ;

1 Timoteo 4:2

bɔ ɔnate ngondombo nnakannakafoɛ bɔ bɛ tiboa awu so ɔ.

Tito 1:12

Bɛ bɔbɔ bɛ nu sona ko, bɔ ɔte bɛ bɔbɔ bɛ ngɔmhyɛlɛniɛ ɔ, ɔhane kyɛ, “Kretefoɛ bɛte ngondombofoɛ daa biala, ngaka amumuyɛɛfoɛ, ɛfoen mmenia bɔ bɛte adifuu ɔ.”

Tito 1:2

daa ngoa nwo anyelasoɛ nu, ngoa bɔ Ɛdangama Nyameɛ bɔ ɔmbɛ ngondombo ne ɔfa hyɛle bɔ koraka yeɛ ɔbɔ aleɛ ɔ;

Hebrifoɛ 12:1

Yɛ de, yɛle adanzefoɛ pembepembe bɔ bapɛ yɛ nwo bayia ɔ, yiti ɛ́mɔma yɛgyi nikyee biala bɔ osi yɛ ngɔsoɛ nwo ate, ɔne bɔne bɔ ɔngyɛ na wakyekye yɛ ne yɛgua, ná yɛ́mia yɛ nye yɛtu amirika bɔ ɔla yɛ nyunu ne.

Yakobo 1:21

Yiti ɛ́mɔgyi bra fiɛ ne bɔne yɔleɛ amukoraa bégua, ná ɛ́mɔfa anwobrɛaseɛ betira edwirɛ bɔ balua ye wɔ ɛmɔ nu ne anu, na ye yeɛ ɔkora de ɛmɔ kra ngoa ɔ.

1 Petro 2:1

Yiti ɛ́mɔgyi bɔne yɔleɛ amukoraa, nnakannaka amukoraa, nyaatwomyɛlɛ, ɛpɔen ne nzekure amukoraa bégua.

Nyekyire 21:8

Na bɛ bɔ bɛte serɛ, bɛ bɔ benne benni, akyiwadeɛyɔlɛfoɛ, awudifoɛ, adwamanbɔlɛfoɛ, ngonyaayelɛfoɛ, bosoensolɛfoɛ ne ngondombofoɛ amukoraa de, abura bɔ see ne sɔfe begye wɔ nu ne anu yeɛ ɔkɔyɛ bɛ bue deɛ ɔ, na ewue bɔ ɔtɔ so nyɔ ne ɛhe.”

Nyekyire 22:15

Na kuro ne asi dɔ yeɛ ngyea, ngonyaayelɛfoɛ, adwamanbɔlɛfoɛ, awudifoɛ, bosoensolɛfoɛ ne bɛ bɔ bekuro ngondombopɛlɛ ná bɛpɛ ɔ bɛ mukoraa bɛwɔ ɔ.

Maenbulɛfoɛ 16:11

Samson buale ye kyɛ, “Sɛ bɛfa findima monɛ bɔ bɛffa bɛyyɔle hwee le bɛkyekye me a, ye de ngɔyɛ mmerɛ, ná mayɛ kyɛ kuro sona biala.”