Ɛfesofoɛ 4:24 - AHYERƐLƐ KRONGRON

²⁴ ná ɛ́mɔfa sona sue foforɛ bɔ Nyameɛ bɔle ye kyɛ ye sɛso wɔ nahorɛ tenenee ne anwotelɛ nu ne bewura.

Ɛfesofoɛ 4:24 Iomraidhean Croise

Gyenesise 5:1

Adam boso ama mɔ ɛhe: Mmerɛ bɔ Nyameɛ bɔle sona nen, ɔyɔle ye kyɛ Nyameɛ sɛso.

YOB NWOMAA NE 29:14

Mvale nahorɛlilɛ ngerale, na ɔyɛle me tena, na me ndɛenbualɛ turoloo yɛle kyɛ m’ataadeɛ aguasoɛ ne m’abotire.

Yesaya 52:1

O Sion, kanyane wɔ nwo, kanyane wɔ nwo! kyire w’anwoserɛ e! O Yerusalem, kuro krongron, fa w’animnyam tena ne kera, ofikyɛ, ofi ɛnɛ bɔ ɔkɔ ɔ, bɛmbɛ-bɛ-bienzuafoɛ ne bɛ bɔ bɛ nwo nde ne, bengowura wɔ nu ko.

Yesaya 59:17

Ofikyɛ ɔfale tenenee wurale kyɛ buralɛ bɔ ɔkata bɛ hue so ɔ, yeɛ ɔfale ngoalelɛ buralɛ kyerɛ wurale ye ti; ɔfale wereɛtɔlɛ ataadeɛ wurale, na ɔfale nungunɛhwenɛ herale kyɛ ɛtena.

Luka 1:75

wɔ anwotelɛ ne tenenee nu, wɔ ye nyunu yɛ ngoa ngyẽa mukoraa ne.

Yohane 17:17

Yɛ bɛ krongron wɔ wɔ nahorɛ ne anu; wɔ dwirɛ ne te nahorɛ.

Romanfoɛ 12:2

Nnɛma ɛmɔyɛ ɛmɔ nwo kyɛ wiase he, na mmom ɛ́mɔma ɛmɔ adwene nu foforɛyɛlɛ ne ɔsakyera ɛmɔ, amaa ɔnate so ɛmɔanwu bɔ ɔte Nyameɛ apɛdeɛ ɔ, bɔ ɔte paa, ɔsɔ anyeɛ ná odi mu ɔ.

Romanfoɛ 13:12

Aleɛ sane ɔ ahyɛ, na alehyeleɛ apingye. Yiti ɛ́mɔma yɛgyi awosii nu yɔleɛ nemɔ yɛgua, ná yɛfa kanea nu akodeɛ yɛwura.

Romanfoɛ 13:14

Na mmom ɛ́mɔfa Awurade Yesu Kristo akodeɛ ne bewura, yeɛ nnɛma ɛmɔdi anwoɔnaen akɔnnɔ si bɛyɔ ye apɛdeɛ bɛma ye.

Romanfoɛ 6:4

Yiti basie yɛ ne ye wɔ asubɔlɛ nu bahɔ ye wue nu. Ofikyɛ kyɛbɔ Baba n’animnyam tumi ne tingyele Kristo fili awufoɛ nu ne, sɔ ala yeɛ ɔsɛ kyɛ yɛnate ngoa foforɛ nu ɔ.

Romanfoɛ 7:6

Na afei de, bale yɛ bafi mmeraa ne abo, ofikyɛ bɔ daa ne ɔfale yɛ yɛle ngoaa nen, kekesaala ye de olle yɛ so tumi ko. Yiti yɛwwura daa mmeraa bɔ bɛhyerɛle ne abo ko, na mmom yɛwura Sunzum nu ngoa foforɛ ne abo.

Romanfoɛ 8:29

Bɛ bɔ onwuni bɛ siele ne, osa tuli bɛ siele berɛ, kyɛ benya Ɔwa ne sue ne bie, amaa ɔnate so wayɛ aliɛmaa mɔ pee nu bamuɛbaa.

1 Korintofoɛ 15:53

Na odi kyɛ (nipadua he) bɔ ɔporɔ ne fa (nipadua) bɔ ɔmborɔ ne wura, na nipadua he bɔ owu ne afa nipadua bɔ onwu ne wawura.

2 Korintofoɛ 3:18

Baye yɛ mukoraa yɛ nyunu ngatanyunu ne, yiti yɛnwu Awurade animnyam ne kyɛ yɛnea neanu nu ɔ, na Awurade Sunzum ne gu so ɔsesã yɛ maa yɛnya ye sue ne bie yɛfi animnyam nu yahɔ animnyam nu.

2 Korintofoɛ 4:16

Ɔnate ɛhe ati, yɛmma y’abasa nu mmu. Na ɔwɔ nu kyɛ anwoɔnaen he bɔ anyeɛ nwu ye ne gu so ɔsɛkye de, nakoso sunzum nu de, yɛnyi frɔmfrɔm alehyeleɛ biala.

2 Korintofoɛ 5:17

Yiti sɛ ebie fa ye nwo bɔ Kristo a, né wayɛ abɔdeɛ foforɛ, nningyein daa ne apɛ nu; amba nningyein mukoraa ayɛ foforɛ.

Galatiafoɛ 3:27

Na ɛmɔ amukoraa bɔ babɔ ɛmɔ asu wɔ Kristo nu ne, ɛmɔafa Kristo bahera.

Galatiafoɛ 6:15

Sɛ ebie pɛ ye bienzua oo, wambɛ ye bienzua oo, nu biala nwo nhia; kyɛ bɛkɔwo wɔ foforɛ yeɛ ohia ɔ.

Ɛfesofoɛ 2:10

Ofikyɛ yɛte ye adwiililɛ bɔ wali ɔ, bɔ ɔbɔle yɛ Kristo Yesu nu mane nnwumaa paa bɔ Nyameɛ asiesie ato berɛ kyɛ yɛfa yɛbɔ yɛ bra ɔ.

Ɛfesofoɛ 2:15

ɔnate kyɛ waye ɛpɔen bɔ ɔte mmeraa dwirɛ ahoroɔ bɔ ɔwɔ ahyɛdeɛ nu ne wafi berɛ wɔ ye nwonaen nu, na wahã bɛ munyɔ ne wabɔ nu wayɛ bɛ sona foforɛ ko, wɔ ye bɔbɔ ye nu ama asomdwee awa,

Ɛfesofoɛ 6:11

Ɛ́mɔfa Nyameɛ akodeɛ ne amukoraa bewura, amaa ɛmɔahora bagyina baho batia abɔnzam nnakannaka.

Tito 2:14

Ye yeɛ ɔfale ye ngoa tole berɛ mane yɛ ɔ, kyɛbɔ okole yɛ kofi amumuyɛɛ amukoraa nu, ná wate yɛ nwo wafa yɛ wayɛ ye bɔbɔ ye mmenia sonongo bɔ bɛbɔ nnwumaa paa nwo mmɔden ɔ.

Hebrifoɛ 1:8

Nakoso Ɔwa ne de, bɔ ɔha fale ye nwo ɛhe: “O Nyameɛ, w’ahennie bia wɔ berɛ afebɔɔ! W’Ahennie hɔtɔ ne te teenenee hɔtɔ.

Hebrifoɛ 12:14

Ɛ́mɔbɔ mmɔden bɛ ne mmenia mukoraa bɛtena asomdwee nu, ná ɛmɔbɔ bra bɔ ye nwo te ɔ, ofikyɛ sɛ ɛmɔ bra anyɛ krongron a, ɛmɔngonwu Awurade.

1 Petro 2:2

Ɛmɔte kyɛ nnɔma bɔ bawo bɛ foforɛ ɔ, yiti ɛ́mɔpena sunzum nu nyɔfonesue bɔ ye nwo te ɔ, amaa ɔnate so ɛmɔanyi nu bahɔ ngoalelɛ nu,

2 Petro 1:4

Na ɔnate ɛhemɔ aso yeɛ wafa ye bɔhyɛ mbiri mbiri bɔ odi mu ne wahyɛ yɛ ɔ; amaa ɔnate ɛhemɔ aso ɛmɔanwati bafi prɔlowaa bɔ ɔwɔ wiase bɔ ɔnate akɔnnɔ so yeɛ ɔba ne anu, ná ɛmɔanya Nyameɛ sue ne bie.