Ɛfesofoɛ 4:22 - AHYERƐLƐ KRONGRON

²² Brabɔlɛ daa bɔ ɛmɔbɔle ne, ɔte ɛmɔ sona sue daa, na ɔte porɔlowaa wɔ nnakannaka akɔnnɔ nu, yiti ɛ́mɔgyi bégua,

Ɛfesofoɛ 4:22 Iomraidhean Croise

YOB NWOMAA NE 22:23

Sɛ esa kɔ Tuminiɛ ne berɛ a, ɔkɔmaa ekosa kɔpe wɔ daa nu; sɛ etu bra fiɛ bo efi w’awuro kɔ dededede a,

Anyandera 11:18

Bɔnefoɛ anwonya te mbaen, nakoso sona bɔ odua tenenee de, onya nahorɛ akatuaa.

Yeremia 17:9

Ahone te nnakannaka tra nikyee biala, ɔte kanda paa. Na nwa yeɛ okonwu nu dwirɛ ɔ?

Yeremia 49:16

Wɔ nwo suronyi ne w’ahone nu anwomasoɛ ne, balakalaka wɔ. Wɔ bɔ ɛte nyɔbotaen bɔen mɔ nu, ɔne bokaa ti afia paa ɔ, ɔwɔ nu kyɛ ɛnwo wɔ saen anwuro anwuro kyɛ kɔleɛ deɛ de, nakoso ngɔhwe wɔ ngofi dɔ ngɔto ase, AWURADE noa dwirɛ ɛne.

Obadia 1:3

W’ahone nu anwomasoɛ ne alakalaka wɔ, wɔ bɔ ɛte nyɔbotaen ndokuro nu, bɔ w’atenaleɛ wɔ nekaa bɔ ɔwɔ anwuro ɔ, wɔ bɔ ɛkã ye wɔ wɔ ti anu kyɛ, “Nwa yeɛ ɔkɔhora kɔhwe me kɔto ase ɔ?”

Romanfoɛ 6:6

Yɛse kyɛ babɔ yɛ sona sue daa ne ne Kristo mmeamudua nu, kyɛbɔ yɛ bɔne nipadua ne kowu na yanyɛ bɔne ngoaa ko ɔ.

Romanfoɛ 7:11

Na bɔne fale mmeraa ne aso nyane atee lakalakale me huni me.

2 Korintofoɛ 11:3

Nakoso mesuro kyɛ, kyɛbɔ ewoo ne fale anyeteɛ nworɛ lakalakale Hawa nen, sɔ ala yeɛ bɛkɔsɛkye ɛmɔ adwene maa ɛmɔkɔhwe bɛ nwo bekofi Kristo bɔ ɛmɔafa bɛ nwo bama ye nahorɛ nu ne anwo ɔ.

Galatiafoɛ 1:13

Ɛmɔate me daa brabɔlɛ bɔ né nwɔ nu wɔ Yudasom nu, ɔne kyɛbɔ ndanene Nyameɛ asɔre ne nye anyeborolɛ so, na mmɔle mmɔden kyɛ ngɔsɛkye ye ɔ.

Ɛfesofoɛ 2:3

Na sɔ nningyein nemɔ anu yeɛ daa ne, yɛ mukoraa yɛfale so yɛbɔle yɛ bra wɔ anwoɔnaen akɔnnɔ nu, ná yɛlili anwoɔnaen ne adwene apɛdeɛ si ɔ; na kyɛbɔ yɛ sue te ne, yɛyɛle mmenia bɔ Nyameɛ ahone ahu bɛ so ɔ, kyɛ mmenia bɔ baha ne ala.

Ɛfesofoɛ 4:17

Yiti mesi ɛhe pi, ná medi adanzeɛ wɔ Awurade nu, kyɛ nnɛma ɛmɔbɔ ɛmɔ bra ko kyɛbɔ Amaenmaensofoɛ ngaa nemɔ bɛyɔ ye wɔ b’adwene mbaen mbaen nu ne.

Ɛfesofoɛ 4:25

Yiti ɛ́mɔyakyi ngondombopɛlɛ, ná ebiala li nahorɛ ohyire obiɛngo; ofikyɛ yɛte yɛ nwo yɛ nwo akwaa.

Ɛfesofoɛ 4:31

Ɛ́mɔgyi amvamviri, ahonetɛɛ, ɛyaafɛlɛ, basabasayɔlɛ, ɛsoentolɛ ne bra fiɛ biala bégua.

Kolosefoɛ 2:11

Na ye nu koso yeɛ bapɛ ɛmɔ bienzua bɔ bamva bɛ sa yeɛ bɛpɛle ɔ; na bɔ ɔwɔ anwoɔnaen nipadua nu bɔ bapuro bagua berɛ ne, bapuro bagua wɔ Kristo bienzuapɛlɛ nu.

Tito 3:3

Ofikyɛ daa ne de, né yɛ koso yɛte ngwaseafoɛ, asoserɛfoɛ, bɛmaa yɛlili makyebu, yɛyɛle anwoɔnaen akɔnnɔ ne anigye ahoroɔ ngoaa, yɛfale nzɛmmɔne ne anyeboroborolɛ yɛbɔle yɛ bra, mmenia pɔle yɛ, na yɛ wora yɛpɔle bɛ.

Hebrifoɛ 12:1

Yɛ de, yɛle adanzefoɛ pembepembe bɔ bapɛ yɛ nwo bayia ɔ, yiti ɛ́mɔma yɛgyi nikyee biala bɔ osi yɛ ngɔsoɛ nwo ate, ɔne bɔne bɔ ɔngyɛ na wakyekye yɛ ne yɛgua, ná yɛ́mia yɛ nye yɛtu amirika bɔ ɔla yɛ nyunu ne.

Hebrifoɛ 3:13

Na mmom ɛmɔtutu bɛ nwo foɛ kyẽa biala bɔ bɛfrɛ ye “Ɛnɛ” ne, na bɔne annakalaka ɛmɔ nu biala amma wanyɛ asoserɛ.

Yakobo 1:21

Yiti ɛ́mɔgyi bra fiɛ ne bɔne yɔleɛ amukoraa bégua, ná ɛ́mɔfa anwobrɛaseɛ betira edwirɛ bɔ balua ye wɔ ɛmɔ nu ne anu, na ye yeɛ ɔkora de ɛmɔ kra ngoa ɔ.

Yakobo 1:26

Sɛ ebie dwene kyɛ ɔte nyamesomniɛ, ná wannea ye dwudwolɛ so yé, ná mmom ɔlakalaka ye nwo a, sɔ sona ne nyamesom te mbaen.

1 Petro 1:18

Ofikyɛ ɛmɔse kyɛ, bra fiɛ bɔ ɛmɔ nana mɔ fa yakyili ɛmɔ ne, nna nningyein bɔ bɛporɔ te kyɛ ɛdwetɛ anaa sikaa kɔkorɛ yeɛ bɛfa bɛyɛle ɛmɔ ti nyɔboɛ bɛpɔle ɛmɔ befili nu ɔ,

1 Petro 4:3

Yɛbɔle yɛ bra kyɛ Amaenmaensofoɛ wɔ y’asetena mmerɛ bɔ wapɛ nu ne anu, na yɛbɔle yɛ bra wɔ ahohwibra, akɔnnɔ, nzaabolɛ, bɔne nu anigye, asanzabra, yeɛ bosoensolɛ bɔ ɔte akyiwadeɛ ɔ nu.

2 Petro 2:13

na ɔkɔyɛ bɛ bɔne yɔleɛ ne nwo akatuaa. Bɛ nye gye kyɛ bɛkɔbɔ ahohwibra eyia ketee ɔ. Bɛte ngekaleawa ne nnɛen, na bɛbɔ ahohwibra wɔ b’anigye nu, wɔ mmerɛ bɔ bɛne ɛmɔ didi ɔ.

2 Petro 2:7

na sɛ ɔpepɛ lele teneneeniɛ Lɔto bɔ amumuyɛɛfoɛ bɛfale b’asanzabra bɛteetee ye,

1 Samuel 1:14

Yiti Eli sele ye kyɛ, “Kyinzu koraa yeɛ ɛkɔno nzaa kɔbo maa okoodwu ɔ? Yakyi wɔ nzaanonɛ ne!