Ɛfesofoɛ 4:21 - AHYERƐLƐ KRONGRON

²¹ Ɛmɔate ye nwo dwirɛ amba, yeɛ bayɛ ngyerɛkyerɛ bahyire ɛmɔ wɔ ye nu, kyɛbɔ Yesu nu nahorɛ ne ɔte ne.

Ɛfesofoɛ 4:21 Iomraidhean Croise

Edwein 45:4

Kɔ so di ngonim wɔ w’ahennie animnyam nu, ɔnate nahorɛlilɛ, anwobrɛaseɛ ne tenenee ti; wɔ nningyein suronyisuronyi nemɔ, ma wɔ sa famaa ne ohyirehyire wɔ.

Mateo 17:5

Ogu so odwudwo ne ala, yieee, munungum hyɛnhyɛnn bie ɔɔkatale bɛ so, na edwudwolɛ bie fili munungum ne anu hane kyɛ, “Mma bɔ ɔla m’ahone nwo ná me nye gye ye nwo paa ne ɛhe; ɛ́mɔtie ye!”

Luka 10:16

“Ebiala bɔ otie ɛmɔ dwirɛ nen, watie me; yeɛ bɔ ɔpo ɛmɔ nen, wapo me; na bɔ ɔpo me nen, wapo bɔ ɔsomane me ne.”

Yohane 1:17

Mmeraa ne de, bɛnate Mose so yeɛ bɛfa bɛmane ɔ; na adom ne nahorɛ ne de, ɔnate Yesu Kristo so yeɛ bɛwale ɔ.

Yohane 10:27

Me mmoaen nemɔ bɛte me komvi, mese bɛ, na bedi me si.

Yohane 14:17

bɔ ye ole nahorɛ Sunzum bɔ ewiase ngora nne ye ndo nu ne; ofikyɛ onnwu ye, yeɛ ɔnze ye. Nakoso ɛmɔ de, ɛmɔse ye, ofikyɛ ɔne ɛmɔ yeɛ bɛte ɔ, na ɔkɔtena ɛmɔ nu.

Yohane 14:6

Na Yesu buale ye kyɛ; “Me ole atee ne, nahorɛ ne, ɔne ngoa ne; ebiala mma Baba ne berɛ, sana ɔnate me so.

Romanfoɛ 10:14

Na ɔkɔyɛ sɛɛ ná mmenia basu bafrɛ ye wɔ abrɛ bɔ benne ye benni ɔ? Na ɔkɔyɛ sɛɛ ná bale bɔ bɛttele ye nwo dwirɛ le ɔ bali? Na ɔkɔyɛ sɛɛ ná bate, wɔ abrɛ bɔ nzɛmbahanɛniɛ nne berɛ ɔ?

2 Korintofoɛ 1:20

Ofikyɛ Nyameɛ bɔhyɛ bɔ ɔwɔ ye nu amukoraa te “Yoo.” Na ɔnate sɔ ne ati, ye so yeɛ yɛfa yɛkã “Amen” yɛhyɛ Nyameɛ animnyam ɔ.

2 Korintofoɛ 11:10

Kristo nwo nahorɛ dwirɛ wɔ me nu, yiti ebiala ngɔhora ngɔma mengɔyakyi me nwo hoahoalɛ wɔ Akaia manzini nu.

Ɛfesofoɛ 1:13

Na ye nu yeɛ ɛmɔ koso, ɛmɔtele nahorɛ dwirɛ bɔ ɔte ɛmɔ ngoalelɛ nwo nzɛmba ne ɔ. Ye ala nu koso yeɛ ɛmɔle belili ɔ, na ɔfale Sunzum Krongron bɔ wahyɛ ye nwo bɔ ne hyɛle ɛmɔ nzorɛ kyɛ ɛmɔte ye deɛ,

Ɛfesofoɛ 2:17

Na ɔwale ɔɔbɔle asomdwee nwo dawure hyirele ɛmɔ bɔ né ɛmɔwɔ dedeede ne, ɔne bɛ bɔ bepingye ne;

Kolosefoɛ 1:5

ɔnate anyelasoɛ bɔ ɔwɔ berɛ ma ɛmɔ wɔ nyameɛso. Na ɛhe yeɛ ɛmɔate ye dada wɔ nahorɛ dwirɛ bɔ ye ole nzɛmba ne,

Kolosefoɛ 1:6

bɔ bɛfa bɛbrɛle ɛmɔ ne anu. Na onyi, yeɛ osu mmaa wɔ wiase amukoraa, kyɛbɔ wasu mmaa wɔ ɛmɔ nu fi kyẽa bɔ ɛmɔtele ná ɛmɔnwuni Nyameɛ adom wɔ nahorɛ nu ne,

Kolosefoɛ 2:7

Ɛmɔtira ndii wɔ ye nu, ná ɛ́mɔnea ye so bɛbɔ bɛ bra, ná ɛ́mɔtindim wɔ gyidie nu kyɛbɔ behyirehyirele ɛmɔ ne, ná ɛ́mɔla Nyameɛ ase daa.

1 Yohane 5:20

Yɛsa yɛse kyɛ Nyameɛ Awa ne awa, na wabukye y’adwene nu maa yanwu nahorɛniɛ ne. Yɛne Ɔwa Yesu Kristo bɔ ɔte nahorɛniɛ ne atira abiɛngoɛ, na ye yeɛ ɔte nahorɛ Nyameɛ ne ɔne daa ngoa ne ɔ.