Ɛfesofoɛ 4:2 - AHYERƐLƐ KRONGRON

² anwobrɛaseɛ ne awiɛmvoɛyɛlɛ amukoraati nu, aboterɛ nu, ná ɛmɔhurohuro ebiala dwirɛ kyɛbɔ ebiala te ɔ wɔ ɔdɔ nu;

Ɛfesofoɛ 4:2 Iomraidhean Croise

Edwein 138:6

Ofikyɛ ɔwɔ nu kyɛ AWURADE wɔ anwuro anwuro de, nakoso ɔdo anwobrɛaseɛfoɛ; na anwomasoɛfoɛ de, ɔbrɛ bɛ ase fi dedeede.

Edwein 45:4

Kɔ so di ngonim wɔ w’ahennie animnyam nu, ɔnate nahorɛlilɛ, anwobrɛaseɛ ne tenenee ti; wɔ nningyein suronyisuronyi nemɔ, ma wɔ sa famaa ne ohyirehyire wɔ.

Anyandera 16:19

Ɔte paa kyɛ ɛkɔbrɛ wɔ nwo ase ɛkɔboka bɛ bɔ bɛyɛ anwumvo ɔ so, tra kyɛ ɛne anwomasoɛfoɛ bɛkɔhyɛ koɛ nu nzesadeɛ ɔ.

Anyandera 3:34

Nahorɛ nu, ɔgoro ngorohoɛfoɛ nwo, nakoso anwobrɛaseɛfoɛ de, ɔdo bɛ.

Nworɛ Dwirɛhanɛniɛ 7:8

Edwirɛ ayieleɛ te paa tra ye bohyɛlɛ; aboterɛ nyanɛ te paa tra anwomasoɛ.

Yesaya 57:15

Ofikyɛ Anwuro Anwuroniɛ ne, bɔ ɔwɔ berɛ afebɔɔ, bɔ ye dumaa ole Krongron ne, ɔnwa nyoo: “Anwuro ne nekaa krongron berɛ yeɛ nde ɔ, na sona bɔ wanya nnuhoɛ ne anwobrɛaseɛ ne, me ne ye yeɛ yɛte ɔ, amaa ɔnate so mama anwobrɛaseɛfoɛ bɛ sunzum anya ngoa, ná mama bɛ bɔ banya nnuhoɛ ne b’ahone anya ngoa.

Sefania 2:3

Ɛmɔ, ɛ́mɔpena AWURADE, aseɛ ne asofoɛ bɔ ɛmɔbrɛ ɛmɔ nwo ase ɔ, bɔ ɛmɔdi AWURADE mmeraa dwirɛ so ɔ! Ɛ́mɔpena tenenee si atee, ɛ́mɔpena anwobrɛaseɛ si atee; ebiaa né wamaa ɛmɔanya ɛmɔ ti badidi nu wɔ AWURADE ahonehulɛ kyẽa ne.

Sakaria 9:9

O Sion awa brasua, di ahurusi paa! O Yerusalem awa brasua, bɔ ese! Tie, wɔ Hene ne ɔ́ba wɔ berɛ, ɔtengyɛ, na ye yeɛ ngoalelɛ wɔ ye berɛ ɔ, odwo, na ɔte afunum so, afunum akrɔngrɔma so, bɔ ɔte afunum beleɛ ɔ.

Numeri 12:3

Né Mose odwo tra sona biala bɔ ɔwɔ aseɛ ye aso ɔ.

Mateo 11:29

Ɛ́mɔfa me kɔnnua ne bɛ́to bɛ nwo so, na ɛ́mɔsua me, ofikyɛ medwo na mebrɛ me nwo ase wɔ ahone nu, na ɛmɔkonya nwomelelɛ bɛkɔma ɛmɔ kra.

Marko 9:19

Yeɛ Yesu buale bɛ kyɛ, “O ɛnɛmmafoɛ bɔ ɛmɔlle gyidie ɔ! Me ne ɛmɔ yɛtena maa odwu kyinzu? Nya ɛmɔ nwo aboterɛ maa odwu kyinzu? Ɛ́mɔfa ye bɛbrɛ me!”

Asomafoɛ 20:19

Na mmrɛle me nwo ase mvale me nye moen nyɔle m’adwuma wɔ amaneɛ bɔ Yudafoɛ biemɔ bɔle me ti so porɛ maa nwuni ye ne anu.

Romanfoɛ 15:1

Yɛ bɔ yɛ nwo yɛ se wɔ gyidie nu ne, ɔsɛ kyɛ yɛsoa bɛ bɔ bɛ nwo nyɛ se nemɔ bɛ mmerɛyɛlɛ, na ɔnzɛ kyɛ yɛyɔ bɔ ɔkɔma yɛ nwo kɔtɔ yɛ angome.

1 Korintofoɛ 13:7

Ɔdɔ abasanu mmu, ode nningyein mukoraa di, ole nningyein mukoraa nu anyelasoɛ, na ole nningyein mukoraa nu animia.

Galatiafoɛ 6:2

Ɛ́mɔbokaboka bɛ nwo, na sɔ yeɛ ɔmaa ɛmɔdi Kristo mmeraa ne aso pɛpɛɛpɛ ɔ.

Ɛfesofoɛ 1:4

kyɛbɔ ɔneaneane nu yele yɛ wɔ ɔdɔ nu, Kristo nu koraka yeɛ bɛbaahyɛ wiase bo, kyɛ yɛyɛ krongron bɔ ngekalewa biala nne yɛ nwo wɔ ye nyunu ne.

Kolosefoɛ 1:11

Yɛsrɛ kyɛ ɔma ɛmɔ tumi amukoraa ma ɛmɔgyina pindinn, kyɛbɔ ye animnyam tumi te ne, ná ɛmɔahora bafa aboterɛ ne animia amukoraa bagyina wɔ anigye nu,

1 Timoteo 6:11

Na wɔ, Nyameɛ sona, wɔ de, twe wɔ nwo fi ɛhemɔ anwo, ná fa tenenee, nyamesom paa, gyidie, ɔdɔ, animia ne anwobrɛaseɛ sie wɔ nye so.

2 Timoteo 2:25

ná ɔfa anwobrɛaseɛ nu dwudwo kyire bɛ bɔ bɛne ye nyɛ adwene ɔ. Ofikyɛ ebiaa né Nyameɛ amaa basakyera b’adwene ná banwu nahorɛ ne,

Yakobo 1:21

Yiti ɛ́mɔgyi bra fiɛ ne bɔne yɔleɛ amukoraa bégua, ná ɛ́mɔfa anwobrɛaseɛ betira edwirɛ bɔ balua ye wɔ ɛmɔ nu ne anu, na ye yeɛ ɔkora de ɛmɔ kra ngoa ɔ.

1 Petro 3:15

na mmom ɛ́mɔma Awurade Kristo ɔyɛ krongron wɔ ɛmɔ ahone nu. Na mmerɛ biala, ɛ́mɔboaboa ɛmɔ nwo bésie, amaa sɛ ebie bisa ɛmɔ dwirɛ fa anyelasoɛ bɔ ɔwɔ ɛmɔ nu ne nwo a, ɛmɔahora baye ye noa bahyire ye wɔ anwobrɛaseɛ ne anidie nu.

1 Petro 3:8

Bɔ ɔpɛ ye bo ɔ, ɛmɔ amukoraa ɛ́mɔnya adwene ko, ɛ́mɔnwunwu ɛmɔ nwo anwumvoin, ɛmɔhurohuro ɛmɔ nwo dwirɛ kyɛ aliɛmaa mɔ, ɛ́mɔnya tema bɛ́ma ɛmɔ nwo, na ɛ́mɔdwene anwobrɛaseɛ adwene.