Ɛfesofoɛ 4:19 - AHYERƐLƐ KRONGRON

¹⁹ Bɛnze nyanzoen ko, bama ahohwibra ali bɛ ti, na bɛbɔ bra fiɛ bɔ nikye fee nzi bɛ ate ɔ.

Ɛfesofoɛ 4:19 Iomraidhean Croise

YOB NWOMAA NE 15:16

Né nzaade busueniɛ bɔ ye suban aporɔ, bɔ wafa amumuyɛɛ wayɛ ye nzue ne, ogyi ye sɛ!

Yesaya 56:11

Amba, bɛte ngyea adifuu, na bɛnze ahoyire. Bɛte mmoaenneafoɛ bɔ nimdeɛ abɔ bɛ ɔ, bɛ mukoraa bali makyebu baafa bɛ bɔbɔ b’atee so, na bɛ nu biala ɔdwene ye ngome ye yeeyɛlɛ nwo.

Marko 7:22

anyeboroborolɛ, amumuyɛɛ, nnakannaka, ahohwibra, akɔnnɔ tɛɛ, musue dwirɛ, ahandaen ne ngwaseasɛm fi ba ɔ.

Ɛfesofoɛ 4:17

Yiti mesi ɛhe pi, ná medi adanzeɛ wɔ Awurade nu, kyɛ nnɛma ɛmɔbɔ ɛmɔ bra ko kyɛbɔ Amaenmaensofoɛ ngaa nemɔ bɛyɔ ye wɔ b’adwene mbaen mbaen nu ne.

Kolosefoɛ 3:5

Yiti ɛ́mɔhu aseɛ so suban bɔ ɔwɔ ɛmɔ nu ne: adwamanbɔlɛ, brabɔlɛ fiɛ, ahohwibra, akɔnnɔ bɔne bɔ ɔhyɛ sona so, ɔne anyeboroborolɛ; ofikyɛ anyeboroborolɛ te bosoensolɛ.

1 Timoteo 4:2

bɔ ɔnate ngondombo nnakannakafoɛ bɔ bɛ tiboa awu so ɔ.

1 Petro 4:3

Yɛbɔle yɛ bra kyɛ Amaenmaensofoɛ wɔ y’asetena mmerɛ bɔ wapɛ nu ne anu, na yɛbɔle yɛ bra wɔ ahohwibra, akɔnnɔ, nzaabolɛ, bɔne nu anigye, asanzabra, yeɛ bosoensolɛ bɔ ɔte akyiwadeɛ ɔ nu.

2 Petro 2:22

Bɔ wato bɛ ne, ɔte kyɛbɔ nohorɛ anyandera ne kã ne, kyɛ: “Kyea fe a, osa kodi,” yeɛ “Ebia prako a, osa kɔbo ye asaa bɔ ɔla nu ne.”

Yuda 1:11

Bɛ yaakɔ! Ofikyɛ batu Kein agyirɛ ne bie, na adifuu ti bafa bɛ nwo baawura Balaam nnakannaka dwirɛ ne anu, na bekowuwu wɔ Kora ɛlɔenyɛlɛ ne anu.

Nyekyire 18:3

Ofikyɛ maen maen amukoraa bano ye adwamanbɔlɛ nzaa ne bie, na aseɛ so ahemvo mɔ bɛne ye babɔ adwaman, na aseɛ so dwadifoɛ bɛnate ye anwonya tam mmorosoɛ ne aso banya bɛ nwo.”