Ɛfesofoɛ 4:18 - AHYERƐLƐ KRONGRON

¹⁸ Bɛ de, awosii akata bɛ ndeaseɛ so, na ɔnate ndeaseɛ bɔ belle bie, ná bayɛ asoserɛ ne ati, ngoa bɔ Nyameɛ fa ma ne wabɔ bɛ.

Ɛfesofoɛ 4:18 Iomraidhean Croise

Edwein 74:20

Kaye apam ne, ofikyɛ aseɛ ne aso nekaa bɔ wayɛ awosii kabii ne, nzɛmmɔnelilɛ ayi berɛ tɛkyɛ.

Yesaya 25:7

Sɔ bokaa he aso ala yeɛ ɔkɔsɛkye ɛtena bɔ ɔkyekye maen amukoraa bɛ nyunu ne, ɔne ngatanyunu bɔ ɔkata maen mukoraa bɛ so ne.

Hesekiel 14:5

Na ɔba ye sɔ a, Yisrael awuro ama amukoraa bɔ ɔnate bɛ mmosoen ti bayakyi me si lilɛ ne, ngɔma b’adwene kɔwa me so.

Daniel 5:20

Nakoso mmerɛ bɔ ahandaen wurale ye nu, ná anwomasoɛ maa ɔyɛle dwɛɛ nen, betuli ye befili ye bia so, na belele ye animnyam ne befili ye sa nu.

Lewitikɔso 11:16

soholi, kɔngɔen akorɔma, ɛpo so dabodabo, akorɔma ahoroɔ,

Mateo 13:15

Ofikyɛ maen he b’adwene ala; bɛ so anu ayɛ se, yeɛ bamuamua bɛ nye. Wamma ye sɔ a, bɛ nye konwu nikye, bɛ so kɔte dwirɛ, bɛkɔfa b’adwene bɛkɔte ye bo, ná basa bawa me berɛ maa masa bɛ anwonyerɛ.’

Marko 3:5

Na Yesu le ɛyaa neane bɛ bra yiale, na ɔnate b’asoserɛ ti ɔyɛle ye yea, na osele biaa ne kyɛ, “Tengyɛ wɔ sa ne anu.” Ɔtengyɛle nu, na ye sa ne yɛle paa kyɛ ye daa ne ala.

Yohane 12:40

“Wasi bɛ nye, na wama b’adwene ala, ná bamva bɛ nye bannwu nikye, ná bamva b’adwene bande ye bo, na banza bamma ma manza bɛ anwonyerɛ.”

Asomafoɛ 17:30

Mmerɛ bɔ né mmenia bennya bennwuni Nyameɛ yé nen, obuli ye nye guale so; nakoso kekesaala ye de, ɔhyɛ ebiala bɔ ɔwɔ nekaa biala ɔ kyɛ ɔsakyera ye adwene,

Asomafoɛ 3:17

“Na kekesaala ye de, aliɛmaa mɔ, mese kyɛ ɛselɛ bɔ ɛmɔnze ti yeɛ ɛmɔ ne ɛmɔ mbanyi mɔ bɛfale sɔ lili ye ɔ.

Romanfoɛ 1:28

Bɛpole kyɛ bekonwu Nyameɛ nwo nimdeɛ, yiti Nyameɛ pole bɛ bɔbɔ b’adwene fiɛ ne mane bɛ, maa bɛyɔle nningyein bɔ ɔmvata ɔ.

Romanfoɛ 11:25

Aliɛmaa mɔ, mvealeɛ nu dwirɛ he yeɛ mekuro kyɛ ɛmɔnwu ye ɔ, amaa ɔnate so ɛmɔammu ɛmɔ nwo nworɛfoɛ bandra so. Ye ole kyɛ, Yisrael ye bue bie bayɛ asoserɛ, maa okoodwu kyɛ Amaenmaensofoɛ somaa bɛkɔwa Nyameɛ berɛ ɔ.

Romanfoɛ 11:7

Afei de nzikyɛ bieku? Yisrael sa anga nikyee bɔ né ɔpena ne. Bɛ bɔ waneanea nu waye bɛ ne, bɛ sa hane ye; nakoso bɛ ngaa ne de, bɛyɛle asoserɛ,

Romanfoɛ 2:19

na sɛ ede di kyɛ wɔ yeɛ ɛse anyesiniwaafoɛ atee kyire ɔ, na esa te bɛ bɔ bɛte awosii nu kanea,

1 Korintofoɛ 1:21

Ɔnate Nyameɛ nworɛ (nhyehyɛleɛ) ne ati, adasammaa bangora bamva bɛ nworɛ so bannwu Nyameɛ. Yiti ɔsɔle Nyameɛ nye kyɛ ɔkɔfa edwirɛ bɔ yɛkã, bɔ bebu ye ngwaseasɛm ne aso kole bɛ bɔ bede bedi ne ngoa.

1 Korintofoɛ 2:8

Ewiase atumifoɛ biala ande nworɛ he abo, ofikyɛ sɛ bɛtele ye bo a, ahaa bammɔ animnyam Hene ne mmeamudua nu.

2 Korintofoɛ 3:14

Nakoso b’adwene lili naakye, bɔ ɛnɛ ne ɛnɛ ye po sɛ bɛkenga apam daa ne a, ngatanyunu komapɛ ne ala tɛwɔ berɛ bɔ bennya bɛyyele ɔ, ofikyɛ sana Kristo nu angome yeɛ ngatanyunu ne ye fi berɛ ɔ.

2 Korintofoɛ 4:4

Bɛ yeɛ ewiase wa nyameɛ ama bɛ bɔ benne benni ne, b’adwene ali naakye, amaa Kristo bɔ ole Nyameɛ sue n’animnyam nzɛmba kanea ne, wanda bɛ so.

Galatiafoɛ 4:8

Daa ne bɔ né ɛmɔnze Nyameɛ nen, ɛmɔyɛle ngoaa bɛmane abɔdeɛ mɔ bɔ nna nyameɛ mɔ ahɔ ɔ.

Ɛfesofoɛ 2:1

Na ɛmɔ de, ahaa ɛmɔte awufoɛ wɔ mvomsoɛ ne bɔne nu,

Ɛfesofoɛ 2:12

Ɛ́mɔkaye kyɛ, sɔ mmerɛ ne, né ɛmɔ ne Kristo b’afia atete; né ɛmɔte amanvrafoɛ bɔ bɛnga ɛmɔ bɛmmoka Yisrael maen mmaa so ɔ; né ɛmɔte ɛwɔfoɛ wɔ apam bɔhyɛ ahoroɔ ne anwo, bɔ né ɛmɔlle anyelasoɛ biala, bɔ né ɛmɔlle Nyameɛ wɔ wiase ɔ.

Kolosefoɛ 1:21

Na ɛmɔ de, ahaa né ɛmɔte ɛlɔenyɛlɛfoɛ mɔ ne pɔfoɛ mɔ, wɔ adwene nu ne bɔne nnwumaayɔlɛ mu.

1 Tɛsalonikafoɛ 4:5

na mmom ɔnzɛ kyɛ ɛmɔma akɔnnɔ tɛɛ hyɛ ɛmɔ so kyɛbɔ maen maen nufoɛ bɔ bɛnze Nyameɛ ɔ bɛyɔ ne.

Hebrifoɛ 5:2

Na ɔnate kyɛ ye bɔbɔ ɔtɔ sii wɔ nningyein pee nu ne ati, ɔkora nwu bɛ bɔ bɛnze na bɛyɔ mvomsoɛ ne anwumvoin.

Hebrifoɛ 9:7

Nakoso bɔ ɔtɔ so nyɔ ne anu de, ɔsɔfo panyi paa ne ngome yeɛ afoɛnoa biala ɔkɔ berɛ komapɛ twe ɔ; na ɔfa kaka mogya kɔbɔ ye bɔbɔ, ɔne maen ne amu bɛ bɔne nwo afɔleɛ.

Yakobo 4:4

Agyaasɛkyelɛfoɛ! Ɛmɔnze kyɛ sɛ ɛmɔfa wiase abiɛngoɛ a, né ɛmɔpɔ Nyameɛ ɔ? Yiti ebiala bɔ okuro kyɛ ɔfa wiase abiɛngoɛ ne, ɔte Nyameɛ pɔfoɛ.

1 Petro 1:14

Ɛ́mɔyɛ kyɛ ngwadaa bɔ bɛ so yɛ mmerɛ ɔ, na akɔnnɔ bra bɔ daa ne né ɛmɔnze ti ɛmɔbɔle ne, nnɛma ɛmɔsa bekodi ye si.

1 Yohane 2:11

Nakoso ebiala bɔ ɔpɔ oliɛma ne te awosii nu, ɔnate awosii nu, na ɔnze nekaa bɔ ɔkɔ ɔ, ofikyɛ awosii ne ama ye nye asi.