Ɛfesofoɛ 4:17 - AHYERƐLƐ KRONGRON

¹⁷ Yiti mesi ɛhe pi, ná medi adanzeɛ wɔ Awurade nu, kyɛ nnɛma ɛmɔbɔ ɛmɔ bra ko kyɛbɔ Amaenmaensofoɛ ngaa nemɔ bɛyɔ ye wɔ b’adwene mbaen mbaen nu ne.

Ɛfesofoɛ 4:17 Iomraidhean Croise

Nehemia 13:15

Sɔ mmerɛ ne, nwuni ye wɔ Yuda kyɛ mmenia betwi nzaa, yeɛ afei bɛsoa aburoo bɛteta afunum mɔ si afofikyẽa. Sɔ ala yeɛ né bɛfa nzaa, bobe, borɔdoma ne nningyein ahoroɔ bɛsoa ngaka nemɔ bɛba Yerusalem afofikyẽa ɔ, na mmɔle bɛ kɔkɔ kyɛ nnɛmaa bɛtɔne nningyein afofikyẽa.

Yeremia 42:19

Ɛmɔ, Yudafoɛ bɔ ɛmɔaha ɔ, AWURADE ahã ahyire ɛmɔ kyɛ, ‘Nnɛma ɛmɔkɔ Misraim!’ Ɛ́mɔkaye kyɛ ɛnɛ kyẽa ye, mabɔ ɛmɔ kɔkɔ.

Lewitikɔso 15:18

Sɛ bienzua bie ne brasua bɛda, ná ye nwo nzue ba a, ɔsɛ kyɛ bɛ munyɔ bɛfa nzue bebia, na bɛ nwo kogua fiɛ maa okoodwu nɔsoa.

Luka 16:28

ofikyɛ nniɛma mmienzua mɔ bɛte nnu, ná ɔɔbɔ bɛ kɔkɔ, ná bɛ koso bamma ɛwa amaneɛnwunɛ ne anu bie.’

Asomafoɛ 14:15

“Biamɔ, nzu ati yeɛ ɛmɔyɔ sɔ ye? Yɛ koso yɛte mmenia kyɛ ɛmɔ ala! Yɛwale kyɛ yɛbaabɔ nzɛmba ne dawure yɛkyire ɛmɔ, kyɛ ɛ́mɔhwe ɛmɔ nwo befi sɔ nningyein mbaen mbaen hemɔ nwo, ná ɛ́mɔfa ɛmɔ nwo bɛma Nyameɛ teasefoɛ bɔ ɔbɔle nyameɛso ne aseɛ ne ɛpo ne bɔ ɔwɔ bɛ nu amukoraa ne.

Asomafoɛ 18:5

Na mmerɛ bɔ Silase ne Timoteo befili Makedonia bɛwale ne, Pɔɔlo fale ye mmerɛ tole berɛ hane nzɛmba ne, na olili adanzeɛ hyirele Yudafoɛ nemɔ kyɛ Yesu ole Kristo ne.

Asomafoɛ 2:40

Na Petro fale edwirɛ tole dwirɛ nwo dwudwole pee, na otuli bɛ foɛ kyɛ, “Ɛ́mɔhwe ɛmɔ nwo béfi ɛnɛmmafoɛ nzɛmmɔnefoɛ hemɔ anwo!”

Asomafoɛ 20:21

na nnili adanzeɛ ngyirele Yudafoɛ ne Amaenmaensofoɛ kyɛ benya Nyameɛ nyunu adwenesakyera ne y’Awurade Yesu Kristo nu gyidie.

Romanfoɛ 1:21

Né bɛse Nyameɛ de, nakoso banhyɛ ye animnyam kyɛ Nyameɛ, banna ye ase, na mmom b’adwene yɛle ngwaseaa adwene, na bɛ ti anu adwene yɛle awosii.

1 Korintofoɛ 1:12

Mekyire kyɛ, asora bɔ ɛmɔ nu biala kã ye deɛ fa ɔ. Ebie nwa, “Me de, nwɔ Pɔɔlo bue nu”, ebie wora nwa, “Me de, nwɔ Apolo bue nu”, ebie koso nwa, “Me de, nwɔ Kefa bue nu”, yeɛ ebie koso nwa, “Me de, nwɔ Kristo bue nu.”

1 Korintofoɛ 15:50

Aliɛmaa mɔ, bɔ mekyire ole kyɛ, anwoɔnaen ne mogya ngɔhora ngonya Nyameɛ ahennie ne anu kyɛfa, yeɛ bɔ ɔporɔ ne koso ngonya bɔ ɔmborɔ ne anu kyɛfa.

2 Korintofoɛ 9:6

Ɔsɛ kyɛ ɛmɔnwu ye kyɛ, bɔ odua mmakaammaa kãa bie ne, okobu kãa bie; na bɔ odua pee ne, okobu pee.

Galatiafoɛ 3:17

Bɔ mekyire ɛhe: mmeraa bɔ afoɛ ɛyaa nna ne aburasa si yeɛ ɔwale ne, ɔngora mbɛ apam bɔ Nyameɛ nate Kristo so maa olili mu ne anu, na ɔmma bɔhyɛ ne nyɛ mbaen.

Galatiafoɛ 5:3

Na mebɔ kɔkɔ bieku kyɛ, sona biala bɔ ɔkɔmaa bɛkɔpɛ ye bienzua ne, mmeraa ne kyekye ye, na ɔsɛ kyɛ odi ye mukoraa so.

Ɛfesofoɛ 1:22

Na wafa nningyein amukoraa wawura Kristo gya bo, na wafa ye wayɛ nningyein amukoraa so tire wama asɔre ne,

Ɛfesofoɛ 4:22

Brabɔlɛ daa bɔ ɛmɔbɔle ne, ɔte ɛmɔ sona sue daa, na ɔte porɔlowaa wɔ nnakannaka akɔnnɔ nu, yiti ɛ́mɔgyi bégua,

Deuteronomi 27:10

Yiti tie AWURADE wɔ Nyameɛ dwirɛ, ná di ye mmeraa dwirɛ ne ye ahyɛdeɛ bɔ mehyehyɛ mema wɔ ɛnɛ ye aso.

Kolosefoɛ 2:18

Nnɛmɔma sona biala bɔ ɔpati brɛ ye nwo ase, bɔ ɔsɔne abɔfo mɔ, bɔ ɔnwa wanya nyekyire, bua ɛmɔ foɛ; ofikyɛ ye adwene mbaen yeɛ ɔfa tu ye nwo yɔ sɔ ɔ.

Kolosefoɛ 2:4

Meka ɛhe kyɛbɔ ebie ngɔbobɔ ye noa nu ngɔfa ngɔlakalaka ɛmɔ ɔ.

1 Tɛsalonikafoɛ 4:6

Na ɔnzɛ kyɛ ebiala yɔ oliɛma tɛɛ anaa osisi ye wɔ ɛhe anwo, ofikyɛ yali moa yabɔ ɛmɔ kɔkɔ kitii kyɛ Awurade kɔtɔ ɛhemɔ amukoraa so wereɛ.

1 Timoteo 5:21

Ngyi Nyameɛ ne Awurade Kristo Yesu ne abɔfo bɔ baneanea nu baye bɛ ne anyunu mehyɛ wɔ kyɛ, di nhyehyɛleɛ hemɔ so, bɔ ɛnnea sona nyunu anaa ɛnyɛ nyeyemuɛ ɔ.

1 Timoteo 6:13

Nyameɛ bɔ ɔma nningyein amukoraa ngoa, ɔne Kristo Yesu bɔ ɔpakyele nu hane ye yé, ná olili adanzeɛ wɔ Pontio Pilato nyunu ne, metu wɔ foɛ wɔ bɛ nyunu,

2 Timoteo 4:1

Na Nyameɛ ne Kristo Yesu bɔ ɔbaabua ateasefoɛ ne awufoɛ ndɛen ne, ɔne ye nwo aliyelɛ ne ye ahennie ne, mefa mehyɛ wɔ kyɛ;

1 Petro 1:18

Ofikyɛ ɛmɔse kyɛ, bra fiɛ bɔ ɛmɔ nana mɔ fa yakyili ɛmɔ ne, nna nningyein bɔ bɛporɔ te kyɛ ɛdwetɛ anaa sikaa kɔkorɛ yeɛ bɛfa bɛyɛle ɛmɔ ti nyɔboɛ bɛpɔle ɛmɔ befili nu ɔ,

2 Petro 2:18

Ofikyɛ bɛbobɔ bɛ noa nu bɛkekã anwomasoɛ dwirɛ mbaen mbaen, na bɛnate anwoɔnaen akɔnnɔ nu bɛfa ahohwisɛm bɛlakalaka bɛ bɔ begu so bɛnwati befi mmenia bɔ bɛbɔ azanzabra nemɔ bɛ mvomsoɛ nu ɔ.