Ɛfesofoɛ 4:16 - AHYERƐLƐ KRONGRON

¹⁶ ye bɔ ye nu yeɛ nipadua ne amukoraa ayɛ mumua, ɔnate akwaa ahoroɔ bɔ wahã watoatoa nu wasiesie so pɛpɛɛpɛ, bɔ ebiala ɔyɔ ye adwuma kyɛbɔ ɔfata ne ati, na ɔma nipadua ne nyi, na ɔpagya ye nwo wɔ ɔdɔ nu.

Ɛfesofoɛ 4:16 Iomraidhean Croise

Yohane 15:5

“Me ole bobe ne, na ɛmɔ ole mmaen nemɔ. Ebiala bɔ ɔtena me nu, ná me koso metena ye nu ne, ye yeɛ osu mmaa pee ɔ; ɔnate kyɛ ɛmɔkwati me a, ɛmɔngɔhora nikye fee yɔ.

Romanfoɛ 12:4

Na kyɛbɔ yɛle akwaa pee wɔ nipadua ko nu, ná nzonzoleɛ wɔ akwaa nemɔ amukoraa b’adwuma nu ne,

1 Korintofoɛ 10:17

Paanoo ne te komapɛ, na ɔwɔ nu kyɛ yɛsone de, nakoso yɛte nipadua komapɛ, ofikyɛ paanoo komapɛ ne ala yeɛ yɛ mukoraa yɛdi ɔ.

1 Korintofoɛ 13:13

Afei nningyein nza yeɛ bɛwɔ berɛ ɔ: gyidie, anyelasoɛ, yeɛ ɔdɔ, nakoso ɔdɔ di mu tra bɛ mu.

1 Korintofoɛ 8:1

Afei, ɔfa bosoen so aleɛ nwo dwirɛ de, yɛse kyɛ yɛ mukoraa yɛle nimdeɛ. Nimdeɛ ma sona moma ye nwo so, nakoso ɔdɔ de ɔma ngɔsoɛ.

Galatiafoɛ 5:22

Nakoso Sunzum ne de, ɔma ɔdɔ, anigye, asomdwee, aboterɛ, adɔeɛyɛlɛ, paayɛlɛ, gyidie,

Galatiafoɛ 5:6

Ofikyɛ sɛ yɛne Kristo Yesu yɛ ko de a, bienzuapɛlɛ oo, nna bienzuapɛlɛ oo, ye nwo nhia, na mmom gyidie bɔ ɔnate ɔdɔ so yɔ adwuma yeɛ ohia ɔ.

Ɛfesofoɛ 1:4

kyɛbɔ ɔneaneane nu yele yɛ wɔ ɔdɔ nu, Kristo nu koraka yeɛ bɛbaahyɛ wiase bo, kyɛ yɛyɛ krongron bɔ ngekalewa biala nne yɛ nwo wɔ ye nyunu ne.

Ɛfesofoɛ 3:17

amaa Kristo afa gyidie so watena ɛmɔ ahone nu, ná ɛ́mɔatira ndii batindim wɔ ɔdɔ nu,

Ɛfesofoɛ 3:7

Na nzɛmba he anwo yeɛ bayɛ me somvoɛ ɔ, kyɛbɔ Nyameɛ adom akyɛdeɛ bɔ ɔnate ye tumi adwumayɔlɛ so wafa walo me ne ɔte ne.

Ɛfesofoɛ 4:12

kyɛ bɛfa bɛtete anwoteefoɛ bɛma ɛsolɛ adwuma ne, amaa Kristo nipadua ne anya ngɔsoɛ,

Ɛfesofoɛ 4:15

Na mmom, ɛ́mɔma yɛli nahorɛ yɛfa ɔdɔ nu yɛnyi wɔ nningyein amukoraa nu, wɔ Kristo bɔ ye yeɛ ɔte tire ne anu,

Filipifoɛ 1:9

Na me mbaeɛ ole kyɛ, ɔdɔ bɔ ɛmɔle ye ne ɔkɔhɔ so konyi wɔ nimdeɛ ne ndeaseɛ amukoraa nu,

Kolosefoɛ 2:19

Sɔ sona ne wapo kyɛ okotira Tire ne bɔ nipadua ne fa ye aporɔ so ne ye ndii so onya aleɛ ná ɔtoatoa nu ne, na onyi wɔ enyinɛ bɔ ofi Nyameɛ berɛ ɔ nu.

Kolosefoɛ 2:2

Meyɔ ɛhe kyɛbɔ bɛ wora kɔkyekye ná bayɛ ko wɔ ɔdɔ nu, ná banya ndeaseɛ bɔ osi pi, ɔne kyɛ bekonwu Nyameɛ mvealeɛ nu dwirɛ ne, bɔ ye ole Kristo ɔ.

1 Tɛsalonikafoɛ 1:3

Na mmerɛ biala yɛkaye ɛmɔ gyidie adwuma, ɔne ɛmɔ adwumayɔlɛ bɔ ofi ɔdɔ nu, ɔne ɛmɔ anyelasoɛ bɔ ogyi berɛ pindinn wɔ y’Awurade Yesu Kristo nu ne, wɔ yɛ Baba Nyameɛ nyunu.

1 Tɛsalonikafoɛ 2:13

Na ɛhe koso ati yeɛ yɛda Nyameɛ ase daa ɔ, ofikyɛ mmerɛ bɔ yɛfale Nyameɛ dwirɛ ne yɛbrɛle ɛmɔ nen, ɛmɔsɔle nu kyɛ nna kuro sona dwirɛ ɔ, na mmom kyɛ ɔte Nyameɛ dwirɛ amba; na ɛhe yeɛ ɛmɔ bɔ ɛmɔte agyidifoɛ ne, ɔyɔ adwuma wɔ ɛmɔ nu ɔ.

1 Tɛsalonikafoɛ 3:12

Yɛsrɛ kyɛ Awurade ɔma ehurolɛ bɔ ɛmɔkurokuro ɛmɔ nwo dwirɛ, ɔne mmenia mukoraa nwo dɔ ne onyi mmorosoɛ so, kyɛbɔ yɛ koso yɛkuro ɛmɔ dwirɛ ne ala,

2 Tɛsalonika 1:3

Aliɛmaa mɔ, ɔsɛ kyɛ ɛmɔ ti daa yɛda Nyameɛ ase kyɛbɔ ɔfata ɔ, ofikyɛ ɛmɔ gyidie kɔ so nyi mmorosoɛ, na ɔdɔ bɔ ɛmɔle ma bɛ nwo bɛ nwo ne ɔte piri.

1 Timoteo 1:5

Na kɔkɔbɔlɛ ne, ye botaeɛ ole ɔdɔ bɔ ofi ahone bɔ nu te ɔ nu, tiboa paa ne gyidie kaenn nu.

1 Petro 1:22

Asoɛmmerɛlɛ bɔ ɛmɔayɛ bama nahorɛ ne ne ati, wamaa ɛmɔate ɛmɔ kra nwo, na ɛhe amaa ɛmɔahurohuro ɛmɔ nwo dwirɛ wɔ nahorɛ nu, yiti ɔsɛ kyɛ ɛmɔfi ɛmɔ ahone nu bekurokuro ɛmɔ nwo dwirɛ.

1 Yohane 4:16

Yanwu yɛ nwo dɔ bɔ Nyameɛ le ye ne, yeɛ yɛde yɛdi koso. Nyameɛ te ɔdɔ, na ebiala bɔ ole ɔdɔ ne te Nyameɛ nu, na Nyameɛ koso te ye nu.