Ɛfesofoɛ 4:15 - AHYERƐLƐ KRONGRON

¹⁵ Na mmom, ɛ́mɔma yɛli nahorɛ yɛfa ɔdɔ nu yɛnyi wɔ nningyein amukoraa nu, wɔ Kristo bɔ ye yeɛ ɔte tire ne anu,

Ɛfesofoɛ 4:15 Iomraidhean Croise

Edwein 32:2

Sona bɔ AWURADE mva ye amumuyɛɛ mmɔ ye kwaadu, bɔ nnakannaka suban biala nne ye nu ne, onya saleɛ.

Sakaria 8:16

Ɛhemɔ yeɛ odi kyɛ ɛmɔyɔ ɔ: Odi kyɛ ebiala kã nahorɛ kyire obiɛngo; nekaa bɔ ɛmɔdi dwirɛ ne, odi kyɛ ɛmɔbua ndɛen turoloo bɔ ɔfa asomdwee ba ɔ;

Malaki 4:2

Nakoso ɛmɔ bɔ ɛmɔsuro me dumaa ne de, tenenee eyia bɔ anwonyerɛsalɛ wɔ ye ndaa nu ɔ okopukye kɔma ɛmɔ; na ɛmɔkofite bekohuru bɛkɔpepe kyɛ nandwie akrɔngrɔma mɔ bɔ babukye bɛ bafi bɛ tuin nu ɔ.

Yohane 1:47

Na Yesu nwuni kyɛ Nataneɛl ɔba ye berɛ nen, ɔhã fale ye nwo kyɛ, “Ɛ́mɔnea, Yisraelniɛ turoloo bɔ ngondombo biala nne ye nu ɔ!”

Romanfoɛ 12:9

Ɛ́mɔma ɛmɔ ɔdɔ ɔyɛ kaenn; ɛ́mɔhyi bɔne, ná ɛ́mɔtira bɔ ɔte paa ɔ nu serɛserɛ.

1 Korintofoɛ 11:3

Na mepena kyɛ ɛmɔte ye bo kyɛ Kristo te bienzua biala mene, brasua koso ohu te ye mene, na Nyameɛ koso te Kristo mene.

2 Korintofoɛ 4:2

Na yagyi nyanzoen bra bɔ bɛbɔ ye mvealeɛ nu ne yagua; yɛmmɔ nnakannaka bra, yeɛ yɛngã Nyameɛ dwirɛ ne yɛngyea ye; na mmom yɛfa nahorɛ ne bɔ yɛye ye ali ne aso maa mmenia de yɛ to nu wɔ Nyameɛ nyunu.

2 Korintofoɛ 8:8

Mendwudwo nhyɛsoɛ so, na mmom mefa ebiemɔ mmɔdenbɔlɛ metoto ɔdɔ bɔ ɛmɔle ye ne anwo menea kyɛ sɛ ɔte kaenn a.

Ɛfesofoɛ 1:22

Na wafa nningyein amukoraa wawura Kristo gya bo, na wafa ye wayɛ nningyein amukoraa so tire wama asɔre ne,

Ɛfesofoɛ 1:4

kyɛbɔ ɔneaneane nu yele yɛ wɔ ɔdɔ nu, Kristo nu koraka yeɛ bɛbaahyɛ wiase bo, kyɛ yɛyɛ krongron bɔ ngekalewa biala nne yɛ nwo wɔ ye nyunu ne.

Ɛfesofoɛ 2:21

Ye nu yeɛ bɔ bahyehyɛ ne ngorabata amukoraa basosɔ ɔ, na ɔpagya kɔ anwuro kɔyɛ asɔneyɛɛ sua krongron wɔ Awurade nu;

Ɛfesofoɛ 4:25

Yiti ɛ́mɔyakyi ngondombopɛlɛ, ná ebiala li nahorɛ ohyire obiɛngo; ofikyɛ yɛte yɛ nwo yɛ nwo akwaa.

Ɛfesofoɛ 5:23

Ofikyɛ huɛ ne ɔte yeɛ ne ti, kyɛbɔ Kristo koso ɔte asɔre ne ti ne, na ye yeɛ ɔte Ngoadefoɛ ma nipadua ne ɔ.

1 Petro 1:22

Asoɛmmerɛlɛ bɔ ɛmɔayɛ bama nahorɛ ne ne ati, wamaa ɛmɔate ɛmɔ kra nwo, na ɛhe amaa ɛmɔahurohuro ɛmɔ nwo dwirɛ wɔ nahorɛ nu, yiti ɔsɛ kyɛ ɛmɔfi ɛmɔ ahone nu bekurokuro ɛmɔ nwo dwirɛ.

1 Petro 2:2

Ɛmɔte kyɛ nnɔma bɔ bawo bɛ foforɛ ɔ, yiti ɛ́mɔpena sunzum nu nyɔfonesue bɔ ye nwo te ɔ, amaa ɔnate so ɛmɔanyi nu bahɔ ngoalelɛ nu,

2 Petro 3:18

Na mmom, ɛmɔhɔ so benyi wɔ y’Awurade ne yɛ Ngoadefoɛ Yesu Kristo adom ne ye nwo nimdeɛ nu. Ye yeɛ animnyam hã ye kekesaala ye ɔne daa daa ɔ. Amen.

1 Yohane 3:18

Me ngwadaa mɔ, nnɛmɔma yɛfa yɛ noa mbaen anaa temverema fɛɛ yɛkuro mmenia dwirɛ, na mmom ɛ́mɔma yɛyɔ ye wɔ yɔleɛ nu ne nahorɛ nu.

Maenbulɛfoɛ 16:15

Yeɛ Delila sele ye kyɛ, “Aso ede di kyɛ ekuro me, wɔ aberɛ bɔ enguro me mvi w’ahone nu ɔ? Agoro me nwo pɛen nza ɛhe, na nikyee bɔ ɔmaa wɔ nwo yɛ se paa sɔa ne, anga angyire me.”