Ɛfesofoɛ 4:14 - AHYERƐLƐ KRONGRON

¹⁴ amaa ɔnate so yangɔ so yanyɛ ngwadaammaa bɔ ngyerɛkyerɛ mvrama biala ɔbɔ bɛ papapapa fa bɛ di akɔneaba ɔ, mmenia nnakannaka nu, bɔ bɛfa kanda nworɛ so bɛdɛɛdɛɛ ne.

Ɛfesofoɛ 4:14 Iomraidhean Croise

Edwein 10:9

Ɔtetɛ mvealeɛ nu kyɛ gyata bɔ wafea poen nu ɔ; ɔtetɛ kyɛ okonya bɛ bɔ bɛyɛ anwumvo ɔ ɔkɔhye bɛ. Ɔkye bɛ bɔ bɛyɛ anwumvo ɔ, na ɔpoa bɛ ase kowura ye ngaen nu.

Edwein 59:3

Ao AWURADE, nndole mmeraa biala, yeɛ nnyɔle bɔne biala, nakoso kekesaala ye po, bɛtetɛ me beku me; nzɛmmɔnefoɛ bɛboa bɛ noa bɛbɔ me ti so porɛ.

Yesaya 28:9

“Nwa yeɛ okohyire ye nimdeɛ ɔ? Nwa yeɛ okohyirehyire ngyerɛkyerɛ ne anu kohyire ye ɔ? Bɛ bɔ bapɛ bɛ nyɔfone anaa? Bɛ bɔ bate bɛ bafi nyɔfone noa anaa?

Mika 7:2

Mmeni paa boso amini afi aseɛ ye aso, na teneneeniɛ biala nne mmenia nu; bɛ mukoraa bɛtetɛ bɛpena mogya bɛkã begua, na ebiala sua oliɛma ngaen ɔpena ye ɔkye ye.

Mateo 11:7

Na mmerɛ bɔ béfi berɛ bɛ́kɔ nen, Yesu hyɛle ye bo hane edwirɛ bɔ ɔfa Yohane nwo ɔ hyirele ɛlɔen ne kyɛ, “Nzikyɛ yeɛ ɛmɔsili nu bɛhɔle ɛserɛ so dɔ bɛɛneane ɔ? Elemmire bɔ mvrama wosowoso ye anaa?

Mateo 24:11

Na ngɔmhyɛlɛfoɛ ngondombofoɛ pee bekodwɔso, ná balakalaka mmenia pee.

Mateo 24:24

Ɔnate kyɛ, kristo ngondombofoɛ ne ngɔmhyɛlɛfoɛ ngondombofoɛ kodwɔso, na bɛkɔyɔ nzɛngyerɛnneɛ ne anwanwadeɛ mbiri mbiri, bɔ ɔkɔhora kɔwa kyɛ, bɛkɔlakalaka bɛ bɔ Nyameɛ aneanea nu waye bɛ ne po.

Asomafoɛ 23:21

Nakoso nnɛtɛ bɛ so, ɔnate kyɛ bɛ nu biemɔ kɔbo aburanna kɔtɛ ye atunu; na bata ndaen kyɛ bengodidi anaa bɛngɔno hwee, sana banya ye bahu ye koraa. Yiti kekesaala ye, baboaboa bɛ nwo, na bɛnwondɛ kyɛ ɛkɔpene so ɔ.”

1 Korintofoɛ 12:2

Ɛmɔse kyɛ mmerɛ bɔ né ɛmɔte wiasefoɛ nen, ɛmɔmaa bɛlakalakale ɛmɔ maa ɛmɔhyinini mmosoen emumu mɔ so.

1 Korintofoɛ 14:20

Aliɛmaa mɔ, nnɛma ɛmɔdwene kyɛ ngwadaa, bɔne nu de, ɛ́mɔyɛ kyɛ nnɔma na mmom adwene nu ɛ́mɔyɛ mbanyi.

1 Korintofoɛ 3:19

Na ewiase nworɛ te ngwaseasɛm wɔ Nyameɛ nyunu, ofikyɛ bahyerɛ kyɛ, “Nworɛfoɛ bɛ bɔbɔ bɛ kanda yeɛ ɔfa sua bɛ ngaen kye bɛ ɔ.”

2 Korintofoɛ 2:17

Yɛ de, yɛtte kyɛ mmeni pee bɔ bɛnate besi Nyameɛ dwirɛ ne aso kongo ne. Na mmom yɛbɔ Kristo nwo dawure nahorɛ nu wɔ Nyameɛ nyunu kyɛ mmenia bɔ Nyameɛ asoma bɛ ɔ.

2 Korintofoɛ 4:2

Na yagyi nyanzoen bra bɔ bɛbɔ ye mvealeɛ nu ne yagua; yɛmmɔ nnakannaka bra, yeɛ yɛngã Nyameɛ dwirɛ ne yɛngyea ye; na mmom yɛfa nahorɛ ne bɔ yɛye ye ali ne aso maa mmenia de yɛ to nu wɔ Nyameɛ nyunu.

Galatiafoɛ 3:1

O Galatiafoɛ bɔ ɛmɔndwene ɔ! Nwa yeɛ odwumvale ɛmɔ sɔa ye; (bɔ ɔmaa ɛmɔnne nahorɛ ne nni ɔ?) Aso nna ɛmɔ nyunu yeɛ behyirehyirele nu pefee kyɛ bɛbɔle Yesu Kristo mmeamudua nu ɔ?

Ɛfesofoɛ 6:11

Ɛ́mɔfa Nyameɛ akodeɛ ne amukoraa bewura, amaa ɛmɔahora bagyina baho batia abɔnzam nnakannaka.

1 Timoteo 3:6

Ɔnzɛ kyɛ ɔyɛ sona bɔ ɔte gyidiniɛ foforɛ ɔ, ná wammoma ye nwo so ma wannya abɔnzam foɛbualɛ ne bie.

2 Timoteo 1:15

Ɛse kyɛ bɛ bɔ bɛwɔ Asia amukoraa bayakyi me nu bahɔ; Figɛlo ne Hɛmogen koso bɛboka so.

2 Timoteo 3:13

Na amumuyɛɛfoɛ ne aminɛlilɛfoɛ bɛkɔhɔ so bɛkɔlɔ asukɔ wɔ bɔne nu; bɛkɔlakalaka mmenia, ná mmenia koso alakalaka bɛ.

2 Timoteo 4:3

Ofikyɛ mmerɛ bie kɔwa bɔ mmenia ngotie ngyerɛkyerɛ bɔ ɔte paa ne, na mmom bɛ so anu bɔ ɔyɛ bɛ fɛ ne ati, bɛkɔboaboa akyerɛkyerɛfoɛ noa maa bɛkɔhã edwirɛ bɔ bɛpena kyɛ bɛte ɔ.

Hebrifoɛ 13:9

Onni kyɛ ɛmɔma ngyerɛkyerɛ foforɛ ahoroɔ biala twe ɛmɔ fi atee paa ne aso, ofikyɛ ɔte paa kyɛ Nyameɛ adom ne yeɛ ɔhyɛ y’ahone nguraen ɔ, na nna aleɛ bɔ mmenia bɔ bedi ne bennya ye nwo mvasoɛ biala hɔ ɔ.

Yakobo 1:6

Nakoso maa obisa ye gyidie nu, bɔ ye adwene nyɛ ye naa ɔ; ofikyɛ sona bɔ ye adwene yɛ ye naa ne, ɔte kyɛ ɛpo asorɔkye bɔ mvrama bɔ ye fa ye di akɔneaba ɔ.

Yakobo 3:4

Ɛ́mɔnea ɛlɛen mɔ koso. Ɔwɔ nu kyɛ bɛte mbiri paa, bɔ mvrama piri yeɛ ɔfa bɛ kɔ ɔ de, nakoso bɛfa tabɔnga kaaba bie yeɛ bɛtengyɛtengyɛ bɛ maa bɛkɔ nekaa bɔ ɛlɛenhanɛniɛ ne kuro ɔ.

2 Petro 2:18

Ofikyɛ bɛbobɔ bɛ noa nu bɛkekã anwomasoɛ dwirɛ mbaen mbaen, na bɛnate anwoɔnaen akɔnnɔ nu bɛfa ahohwisɛm bɛlakalaka bɛ bɔ begu so bɛnwati befi mmenia bɔ bɛbɔ azanzabra nemɔ bɛ mvomsoɛ nu ɔ.

1 Yohane 2:19

Befi yɛ nu yeɛ bɛhɔle ɔ, nakoso né bɛmmɔ yɛ fekue ne bie. Ofikyɛ sɛ bɛbɔ yɛ fekue ne bie a, ahaa bɛ ne yɛ hɔle so tenane. Na bafi yɛ nu maa wala ali kyɛ bɛ mukoraa bɛmmɔ yɛ fekue ne bie.

1 Yohane 2:26

Bɔ mekyerɛ mebrɛ ɛmɔ ye fa bɛ bɔ bɛlakalaka ɛmɔ ne nwo.

1 Yohane 4:1

Aliɛmaa mɔ, nna sunzum biala yeɛ ɔsɛ kyɛ ɛmɔde ye bedi ɔ, na mmom ɛmɔso sunzum nemɔ bɛnea sɛ aso bɛte Nyameɛ deɛ anaa; ofikyɛ ngondombo ngɔmhyɛlɛfoɛ pee badwɔso wɔ wiase.

Yuda 1:12

Sɔ mmenia nemɔ, bɛte ngekalewa wɔ ɛmɔ ɔdɔ adidie bo, bɛne ɛmɔ didi a, bɛte mmoaenneafoɛ bɔ bɛ ngome bɛ ko yeɛ ohia bɛ ɔ, bɛte munungum bɔ nzue nne nu bɔ mvrama fa ye kyinikyini ɔ; mmakaa bɔ odwu bɛ sulɛ a benzu mma ɔ, bawu pɛen nyɔ, bɔ bɛ bo atutu ɔ,

Nyekyire 19:20

Na bɛhyele kaka ne, ɔne ngɔmhyɛlɛniɛ ngondomboniɛ ne koso bɔ ɔyɔle nzɛngyerɛnneɛ wɔ ye nyunu, bɔ ɔfa lakalakale bɛ bɔ bale kaka ne nzorɛhyɛlɛ ne, ɔne bɛ bɔ bɛkotole ye honi ne. Na befindini bɛ munyɔ anyekaenn so beguale see abura bɔ sɔfe ogye wɔ nu ne anu.