Ɛfesofoɛ 4:11 - AHYERƐLƐ KRONGRON

¹¹ Na ye akyɛdeɛ ne ama ebiemɔ ayɛ asomafoɛ, ebiemɔ ngɔmhyɛlɛfoɛ, ebiemɔ nzɛmbahanɛfoɛ, ebiemɔ neafoɛ mɔ, yeɛ ebiemɔ akyerɛkyerɛfoɛ,

Ɛfesofoɛ 4:11 Iomraidhean Croise

2 Aberɛso Dwirɛ 15:3

Mmerɛ tendenn bie bɔ wapɛ nu ɔ, né Yisrael ɔnze nahorɛniɛ Nyameɛ ne. Né belle ɔsɔfo bɔ okyirekyire bɛ ɔ, yeɛ belle mmeraa biala.

Yeremia 3:15

“ ‘Ngɔye neafoɛ mɔ bɔ bɛla m’ahone nwo ɔ ngɔma ɛmɔ, bɔ bɛkɔfa nimdeɛ ne nworɛ bɛkɔtete ɛmɔ ɔ.

Mateo 28:20

ná ɛmɔhyirehyire bɛ maa beli nikyee biala bɔ mahyɛ ɛmɔ ne aso. Na ɛ́mɔtie, me ne ɛmɔ wɔ berɛ mmerɛ biala kodwu ewiase ayieleɛ.”

Asomafoɛ 13:1

Né ngɔmhyɛlɛfoɛ ne akyerɛkyerɛfoɛ biemɔ bɛwɔ Antiokia asɔre ne anu. Bɛ ole: Banaba, Simeon (bɔ bɛfrɛ ye Bire), Lukio (bɔ ofi Kirene), Manaen (bɔ bɛtetele ye ne manzini hene Herode bɛbɔle nu ne,) yeɛ Sɔɔlo.

Asomafoɛ 20:28

Yiti ɛ́mɔnea ɛmɔ nwo ne mmoaen amukoraa bɔ Sunzum Krongron afa bɛ awura ɛmɔ sa ne aso yé. Ɛ́mɔyɛ Nyameɛ asɔre ne bɔ ɔnate ye bɔbɔ Ɔwa ne mogya so nyane ye ne neafoɛ.

Asomafoɛ 21:8

Na aleɛ hyene ne, yɛfili berɛ yɛwale Kaesarea. Yɛɛsikyele nzɛmbahanɛniɛ Filipo awuro. Né Filipo boka mmenia nzoo ne aso.

Romanfoɛ 12:7

sɛ ɔte ɛsolɛ a, ɛmɔma yɛso; sɛ ɔte ngyerɛkyerɛ a, ɛmɔma yɛhyirehyire;

1 Korintofoɛ 12:4

Adom akyɛdeɛ gua ahoroɔ, nakoso Sunzum komapɛ ne ala yeɛ ɔfa ma ɔ.

Ɛfesofoɛ 2:20

Bafa ɛmɔ basie asomafoɛ nemɔ ne ngɔmhyɛlɛfoɛ nemɔ fapem bɔ Yesu Kristo bɔbɔ yeɛ ɔte ye ndweasoɛ nyɔboɛ titire ne aso.

Ɛfesofoɛ 3:5

mvealeɛ nu dwirɛ bɔ banna ye ali bangyire mmenia mmaa wɔ aworɛ ndoatoasoɛ biemɔ anu, kyɛbɔ kekesaala ye de Sunzum ne waye wahyire ye asomafoɛ ne ngɔmhyɛlɛfoɛ krongron mɔ ne.

Ɛfesofoɛ 4:8

Yiti ɔnwa: “Mmerɛ bɔ ɔfo hɔle anwuro anwuro nen; ɔhyele pee nnure ɔne bɛ hɔle, na ɔmane mmenia akyɛdeɛ.”

2 Timoteo 4:5

Nakoso wɔ de, ma wɔ nye la berɛ wɔ nikyee biala nu, mia wɔ nye fa amaneɛ nu, yɔ nzɛmbahanɛniɛ adwuma ne, ná yie wɔ solɛ adwuma ne bɔkɔɔ.

Hebrifoɛ 5:12

Wahyɛ bɔ ahaa odi kyɛ kekesaala ye ɛmɔyɛ akyerɛkyerɛfoɛ ɔ, nakoso ɛmɔtɛhia sona bɔ ɔkɔhyɛ ye bo kosa kohyirehyire ɛmɔ Nyameɛ dwirɛ ne ɔ. Ɛmɔnhia aleɛ bɔ nu yɛ se ɔ, na mmom ɛmɔtɛhia nyɔfonesue.

Yuda 1:17

Yiti aliɛmaa mɔ, ɛ́mɔkaye edwirɛ bɔ y’Awurade Yesu Kristo asomafoɛ mɔ bahã bato berɛ ne.

Nyekyire 18:20

O, nyameɛso ne anwoteefoɛ ne asomafoɛ ne ngɔmhyɛlɛfoɛ, ɛ́mɔli ye nwo ahurusi, ofikyɛ Nyameɛ atɔ ye so wereɛ wama ɛmɔ!”

Nyekyire 21:14

Kuro ne, ye fasue ne gyi fapem buru ne nyɔ so, bɔ Boaen Ba n’asomafoɛ buru ne nyɔ nemɔ bɛ dumaa guagua so ɔ.