Ɛfesofoɛ 3:5 - AHYERƐLƐ KRONGRON

⁵ mvealeɛ nu dwirɛ bɔ banna ye ali bangyire mmenia mmaa wɔ aworɛ ndoatoasoɛ biemɔ anu, kyɛbɔ kekesaala ye de Sunzum ne waye wahyire ye asomafoɛ ne ngɔmhyɛlɛfoɛ krongron mɔ ne.

Ɛfesofoɛ 3:5 Iomraidhean Croise

Yesaya 52:15

sɔ ala yeɛ ɔkɔma maen maen mɔ bɛ nwo kodwiri bɛ ɔ; ɔnate ye ti ahemvo mɔ kɔtotɔ mmobo; ɔnate kyɛ, bɔ bɛhhã behhyirele bɛ ne, bekonwu ye; yeɛ bɔ bɛttele ne, bɛkɔte ye bo.

Mateo 13:17

Nahorɛ nu, mekã mekyire ɛmɔ kyɛ, ngɔmhyɛlɛfoɛ pee ne teneneefoɛ pee behurole kyɛ ahaa bekonwu bɔ ɛmɔnwu ye ye, nakoso bannwu ye, ɔne kyɛ bɛkɔte bɔ ɛmɔte ye, nakoso bande.”

Mateo 20:7

Bebuale ye kyɛ, ‘Ofikyɛ ebiala ɔbbɔle yɛ paa’. Yeɛ osele bɛ kyɛ, ‘Ɛmɔ koso, ɛmɔhɔ me bobe boo ne anu bɛɛyɔ adwuma’.

Mateo 23:34

Yiti, ɛ́mɔtie, mésoma ngɔmhyɛlɛfoɛ ne nworɛfoɛ ne ahyerɛlɛfoɛ maa bɛba ɛmɔ berɛ, na ɛmɔkohũ bɛ nu biemɔ bɛkɔbɔ bɛ mmeamudua nu, yeɛ ɛmɔkofi bɛ nu biemɔ mbire wɔ ɛmɔ nyianu sua mɔ nu, ná ɛmɔatane bɛ nye bafi kuro so bahɔ kuro so.

Luka 10:24

Na mekã mekyire ɛmɔ kyɛ, ngɔmhyɛlɛfoɛ ne ahemvo pee behurole kyɛ ahaa bekonwu bɔ ɛmɔnwu ye ye, nakoso bannwu ye; ɔne kyɛ bɛkɔte bɔ ɛmɔte ye, nakoso bande.”

Luka 11:49

Na ɛhe ati koso yeɛ Nyameɛ Nworɛ ne kã kyɛ, ‘Ngɔsoma ngɔmhyɛlɛfoɛ ne asomafoɛ maa bɛkɔhɔ bɛ berɛ; na bekohu biemɔ, ná batane ebiemɔ anye.’

Yohane 14:26

Na Aworakyekyerɛniɛ ne, bɔ ye ole Sunzum Krongron ne, bɔ Baba ne kɔsoma ye wɔ me dumaa nu ne, ye yeɛ okohyirehyire ɛmɔ nikyee biala ɔ, na ɔkɔkaye ɛmɔ bɔ mahã mahyire ɛmɔ ne amukoraa.

Yohane 16:13

Na sɛ ye, nahorɛ Sunzum ne, ɔba a, okohyire ɛmɔ atee kɔhɔ nahorɛ ne amukoraa nu. Ofikyɛ ɔngɔfa ye bɔbɔ ye tumi yeɛ okodwudwo ɔ, na mmom edwirɛ biala bɔ ɔkɔte ne yeɛ ɔkɔhã ɔ, na ɔkɔla nningyein bɔ bɛbaasisi ɔ ali kohyire ɛmɔ.

Asomafoɛ 10:28

Na osele bɛ kyɛ, “Ɛmɔ bɔbɔ ɛmɔse kyɛ otia mmeraa kyɛ Yudaniɛ ɔkɔfa ye nwo kɔbɔ Amaenmaensoniɛ anaakyɛ ɔkɔhɔ ye awuro kɔɔsra ye ɔ. Nakoso Nyameɛ aye ahyire me kyɛ onni kyɛ mebu sona biala kyɛ ɔbboka yɛ so, anaakyɛ ye nwo nde.

Romanfoɛ 16:25

Bɔ ɔkora ma ɛmɔ tindim, kyɛbɔ me nzɛmba ne Yesu Kristo nwo nzɛmba ne ɔte ne, kyɛbɔ mvealeɛ nu dwirɛ bɔ bɛfa bɛfeale daa tete ne ɔte ne,

1 Korintofoɛ 2:10

Nakoso yɛ yeɛ Nyameɛ nate ye Sunzum so waye wahyire yɛ ɔ. Ofikyɛ Sunzum ne pɛnzɛpɛnzɛ nikyee biala nu, ɔne Nyameɛ mvealeɛ nu nhyehyɛleɛ po.

Ɛfesofoɛ 2:20

Bafa ɛmɔ basie asomafoɛ nemɔ ne ngɔmhyɛlɛfoɛ nemɔ fapem bɔ Yesu Kristo bɔbɔ yeɛ ɔte ye ndweasoɛ nyɔboɛ titire ne aso.

Ɛfesofoɛ 3:9

kyɛ mmukye mvealeɛ nu dwirɛ he aso ngyire adasa mmaa mukoraa, ofikyɛ ofi tete yeɛ wafea wɔ Nyameɛ bɔ ɔbɔle nningyein mukoraa ne anu ɔ;

2 Petro 3:2

kyɛ, ɔsɛ kyɛ ɛmɔkaye edwirɛ mɔ bɔ ngɔmhyɛlɛfoɛ krongron nemɔ bɛhane ye daa ne, ɔne y’Awurade ne yɛ Ngoadefoɛ ahyɛdeɛ bɔ ɔfale yɛ bɔ yɛte ye asomafoɛ so wahã ne.

Yuda 1:17

Yiti aliɛmaa mɔ, ɛ́mɔkaye edwirɛ bɔ y’Awurade Yesu Kristo asomafoɛ mɔ bahã bato berɛ ne.