Ɛfesofoɛ 3:3 - AHYERƐLƐ KRONGRON

³ kyɛbɔ ɔnate nyekyire so maa nwuni mvealeɛ nu dwirɛ ne, kyɛbɔ mahyerɛ ye nwo dwirɛ kãa dada ne.

Ɛfesofoɛ 3:3 Iomraidhean Croise

Asomafoɛ 22:17

“Na ɔwale kyɛ nza male Yerusalem ná mebɔ mbaeɛ wɔ asɔneyɛɛ sua nu ne, ngɔle nyekyire tebea nu.

Asomafoɛ 22:21

Na Awurade sele me kyɛ, ‘Kɔ, na ngɔsoma wɔ dedeede maa ɛkɔhɔ Amaenmaensofoɛ berɛ.’ ”

Asomafoɛ 23:9

Bɛteateane nu serɛserɛ, na ahyerɛlɛfoɛ biemɔ bɔ bɛwɔ Farasiifoɛ fekue ne anu bedwɔso bedwudwole anyeborolɛ so kyɛ, “Yɛnnwu bɔne biala wɔ sɔ biaa he nwo. Ebie po a, né sunzum anaa abɔfo bie yeɛ odwudwo hyirele ye ɔ. Nnɛmɔma yɛko yɛtia Nyameɛ!”

Romanfoɛ 11:25

Aliɛmaa mɔ, mvealeɛ nu dwirɛ he yeɛ mekuro kyɛ ɛmɔnwu ye ɔ, amaa ɔnate so ɛmɔammu ɛmɔ nwo nworɛfoɛ bandra so. Ye ole kyɛ, Yisrael ye bue bie bayɛ asoserɛ, maa okoodwu kyɛ Amaenmaensofoɛ somaa bɛkɔwa Nyameɛ berɛ ɔ.

Romanfoɛ 16:25

Bɔ ɔkora ma ɛmɔ tindim, kyɛbɔ me nzɛmba ne Yesu Kristo nwo nzɛmba ne ɔte ne, kyɛbɔ mvealeɛ nu dwirɛ bɔ bɛfa bɛfeale daa tete ne ɔte ne,

2 Korintofoɛ 12:1

Ye nwo nhia kyɛ ngɔhoahoa me nwo ɔ, nakoso ngɔhã Awurade nyekyire, ɔne bɔ waye wahyire me nwo dwirɛ.

Galatiafoɛ 1:12

Ɔnate kyɛ mannya mamvi kuro sona berɛ, yeɛ bangyire me koso; na mmom Yesu Kristo yeɛ ɔyele ye ali hyirele me ɔ.

Ɛfesofoɛ 1:17

kyɛ y’Awurade Yesu Kristo Nyameɛ, bɔ ɔte animnyam Baba ne, ɔ́ma ɛmɔ nworɛ ne nyekyire sunzum wɔ ye nwo nimdeɛ nu,

Ɛfesofoɛ 3:4

Na sɛ ɛmɔkenga he a, ɛmɔkonwu kyɛbɔ mesi mete Kristo mvealeɛ nu dwirɛ ne bo ɔ,

Ɛfesofoɛ 3:6

Na ɛhe ma Amaenmaensofoɛ koso bele kyɛfa wɔ nu, bɛwɔ nipadua komapɛ ne ala nu bie, na bɛnate nzɛmba ne aso banya kyɛfa wɔ ye bɔhyɛ ne anu wɔ Kristo Yesu nu.

Ɛfesofoɛ 3:9

kyɛ mmukye mvealeɛ nu dwirɛ he aso ngyire adasa mmaa mukoraa, ofikyɛ ofi tete yeɛ wafea wɔ Nyameɛ bɔ ɔbɔle nningyein mukoraa ne anu ɔ;

Ɛfesofoɛ 6:19

yeɛ ɛ́mɔsrɛ bɛ́ma me koso, amaa sɛ mebukye me noa kyɛ medwudwo a, bama me dwirɛ bɔ nga ɔ, ná mahora masi m’ahone mabɔ nzɛmba ne anu mvealeɛ nu dwirɛ ne dawure;

Kolosefoɛ 2:2

Meyɔ ɛhe kyɛbɔ bɛ wora kɔkyekye ná bayɛ ko wɔ ɔdɔ nu, ná banya ndeaseɛ bɔ osi pi, ɔne kyɛ bekonwu Nyameɛ mvealeɛ nu dwirɛ ne, bɔ ye ole Kristo ɔ.

Kolosefoɛ 4:3

Ɛ́mɔbɔ mbaeɛ bɛ́ma yɛ koso, kyɛ Nyameɛ bukye edwirɛ ne nwo atee ma yɛ, ma yɛbɔ Kristo mvealeɛ nu dwirɛ ne dawure, edwirɛ bɔ yiti yeɛ nna kukunu ye.

Hebrifoɛ 13:22

Aliɛmaa mɔ, mesrɛ ɛmɔ kyɛ ɛmɔnya aboterɛ betie me foɛtulɛ he, ofikyɛ me krataa bɔ mahyerɛ ɛmɔ ye ɔnware biala.

1 Petro 5:12

Silwano bɔ mebu ye kyɛ ɔte aliɛmaa nahorɛniɛ ne, mafa ye so yeɛ mahyerɛ edwirɛ tikaape he mabrɛ ɛmɔ ɔ. Na mefa metu ɛmɔ foɛ ná medi adanzeɛ kyɛ, ɛhe te Nyameɛ nohorɛ adom ne, yiti ɛ́mɔgyina pindinn wɔ nu.

2 Petro 3:15

Ɔsɛ kyɛ ɛmɔnwu Awurade aboterɛ ne kyɛ ɔte ngoalelɛ, kyɛbɔ y’eliɛma dɔfo Pɔɔlo koso nate nworɛ bɔ bafa bama ye ne aso ɔhyerɛ brɛle ɛmɔ ne.