Ɛfesofoɛ 3:20 - AHYERƐLƐ KRONGRON

²⁰ Afei ye bɔ ɔkora yɔ maa ɔtra nningyein amukoraa, maa ɔbo so tra bɔ yɛsrɛ anaa yɛsusu ne, kyɛbɔ ye tumi bɔ ɔyɔ yɛ nu adwuma te nen,

Ɛfesofoɛ 3:20 Iomraidhean Croise

Gyenesise 17:1

Mmerɛ bɔ Abram lili afoɛ aburahona ne ngona ne, AWURADE yele ye nwo ali hyirele ye, na osele ye kyɛ, “Me ole Tuminiɛ Nyameɛ, di me dwirɛ so, ná ma wɔ bra yɛ sannwuu.

Gyenesise 18:4

Maa mmrɛ ɛmɔ nzue kãa, ná ɛmɔnwunzi ɛmɔ gya bo, ná afei ɛmɔale bɛ nwome wɔ bakaa ne abo.

2 Samuel 7:19

Nakoso AWURADE Nyameɛ, bɔ ayɔ ne po, ɔte wɔ nye so nikyee kaaba bie, ofikyɛ asa aha kyɛ ɛkɔma wɔ somvoɛ ne ye boso ama yɛkoli hene mmerɛ tendetende. Ao, AWURADE Nyameɛ, sɔ yeɛ ahyehyɛ ato berɛ ama adasa anaa?

1 Ahemvo 3:13

Afei mafa bɔ anzrɛ ɔ koso maboka wɔ so: ngɔmaa ekonya anwonyadeɛ ne animnyam mmerɛ bɔ ɛte ase amukoraa. Ɛhene foforɛ biala nne berɛ bɔ bɛkɔfa ye bɛkɔtoto wɔ nwo ɔ.

2 Aberɛso Dwirɛ 25:9

Yeɛ Amasia bisale Nyameɛ sona ne kyɛ, “Na ɛdwetɛ talɛnde ɛyaa ko bɔ mafa mama Yisraelfoɛ koɛhonɛfoɛ ne, yɛyɛ ye sɛ?” Nyameɛ sona ne buale ye kyɛ, “AWURADE kɔhora kɔma wɔ bɔ ɔbo sɔ ɔ.”

2 Aberɛso Dwirɛ 9:12

Nana Solomon mane Hyeba hemmaa nikyee biala bɔ obisale ɔ, bɔ ɔsone pee tra bɔ ye ɔfa brɛle Solomon ɔ. Na Hyeba hemmaa ne ye somvoɛ nemɔ, besa bɛhɔle bɛ maen nu.

Ɛksadɔso 34:6

AWURADE pɛle nu wɔ Mose nyunu, na AWURADE teane nu hane kyɛ, “AWURADE, AWURADE, Nyameɛ bɔ ɔse anwumvoin ná ɔdo mmenia ɔ, bɔ ye ahone nhu ndɛ, bɔ ye ɔdɔ bɔ onni ngasi ne nahorɛlilɛ sone ɔ,

Edwein Nu Dwein 5:1

Nniɛma brasua, m’atɔmvorɛ braa, mawa me turo ne anu, méboaboa me korobo ne m’ayirefona ne noa, médi me woɛ bɔ ɔwɔ ye nzasameɛ nu ɔne me woɛ ne, méno me nzaa ne me nyɔfonesue ne. Me mmango mɔ, ɛ́mɔdidi ná ɛ́mɔno, adɔfo mɔ, ɛ́mɔno ma ɛmɔ ko yi.

Yesaya 35:2

Ɔkɔbɔ nyerɛen pee, na ɔkɔfa anika kɔto dwein koli ahurusi. Bɛkɔfa Lebanon animnyam ne bɛkɔma ye, Kamɛl ne Saron nyemene ne, bɛ yeɛ bekonwu AWURADE animnyam ne, yɛ Nyameɛ tumi ne ɔ.

Yesaya 55:7

Ohia kyɛ bɔnefoɛ yakyi ye yɔleɛ, yeɛ sona bɔ ɔndengyɛ ne koso, maa ɔsesã ye adwene, maa osa bra AWURADE berɛ, na okonwu ye anwumvoin, maa ɔbra yɛ Nyameɛ berɛ, ofikyɛ ɔkɔfa bɔne ne kɔhyɛ kandinga paa.

Yeremia 32:17

‘Ao, AWURADE Nyameɛ! Tie oo, wɔ yeɛ ele wɔ tumi piri ne wɔ tumi asaa bɔle anwuro ne aseɛ ɔ! Nikye fee nne berɛ bɔ ɔyɛ se ma wɔ ɔ;

Yeremia 32:27

“Tie, me ole AWURADE, anwoɔnaen amukoraa Nyameɛ; aso nikyee bie yɔlɛ yɛ se ma me anaa?

Daniel 3:17

Na sɛ ɔte sɔ de a, ye de yɛ Nyameɛ bɔ yɛso ye ne, ɔkɔhora kɔpepɛ kole yɛ kofi see bɔ ogye wuronyiwuronyi wɔ foonoo nu ne anu; na Nana, ɔkɔpepɛ kole yɛ kofi wɔ sa nu.

Daniel 6:20

Na opingyele tuin ne anwo berɛ nen, ole ahunundetelɛ teane nu frɛle Daniel, na osele Daniel kyɛ, “Daniel, Nyameɛ teasefoɛ somvoɛ ee, wɔ Nyameɛ bɔ ɛso ye daa ne, wahora wapepɛ wale wɔ wafi gyata nemɔ bɛ sa nu anaa?”

Mateo 3:9

Na nnɛma ɛmɔlakalaka ɛmɔ nwo bɛka kyɛ, ‘Abraham bosofoɛ ole yɛ’; na mekã mekyire ɛmɔ kyɛ, Nyameɛ kɔhora kɔkakyi nyɔboɛ hemɔ maa bɛkɔyɛ Abraham bosofoɛ.

Yohane 10:10

Awueniɛ ne ɔmma, sana ɔbaawua, ná oku, ná ɔsɛkye; nakoso me de, mmale kyɛ bekonya ngoa, ná banya ye mmorosoɛ ɔ.

Romanfoɛ 16:25

Bɔ ɔkora ma ɛmɔ tindim, kyɛbɔ me nzɛmba ne Yesu Kristo nwo nzɛmba ne ɔte ne, kyɛbɔ mvealeɛ nu dwirɛ bɔ bɛfa bɛfeale daa tete ne ɔte ne,

Romanfoɛ 4:21

Na ole lili paa kyɛ Nyameɛ kɔhora kɔma ye anohoba bɔ wabɔ ye ne kɔwa nu.

1 Korintofoɛ 2:9

Nakoso bahyerɛ kyɛ, “Bɔ anyeɛ nnwuni ye, anaa bɔ asoɛ ɔttele ye le, anaa bɔ ebiala ɔddwenene ye nwo le ne, yeɛ ɔte nikyee bɔ Nyameɛ asiesie ama bɛ bɔ bekuro ye dwirɛ ɔ.”

2 Korintofoɛ 9:8

Nyameɛ kora ma ɛmɔnya saleɛ amukoraa mmorosoɛ, amaa mmerɛ biala ɛmɔ sa ahã nikyee biala bɔ ɛmɔhia ɔ, na ɛmɔkonya ye mmorosoɛ na ɛmɔafa bie baboka adwuma paa.

Ɛfesofoɛ 1:19

Mesrɛ kyɛ, ɔma ɛmɔnwu ye tumi totohyia bɔ ɔbo so ma yɛ bɔ yɛde yɛdi ne, kyɛbɔ ye anwoserɛ tumi nikyeeyɔlɛ

Ɛfesofoɛ 3:7

Na nzɛmba he anwo yeɛ bayɛ me somvoɛ ɔ, kyɛbɔ Nyameɛ adom akyɛdeɛ bɔ ɔnate ye tumi adwumayɔlɛ so wafa walo me ne ɔte ne.

Kolosefoɛ 1:29

Na ɛhe anwo yeɛ meyɔ adwuma mefɛ ɔ, na mepere mekɔ me nyunu, kyɛbɔ ye anwoserɛ adwuma bɔ ɔyɔ ye me nu tumi so ne ɔte ɔ.

1 Timoteo 1:14

Na y’Awurade adom ne wale me so mmorosoɛ, wɔ gyidie ne ɔdɔ bɔ ɔwɔ Kristo Yesu nu ɔ.

Hebrifoɛ 11:19

Na Abraham nyane adwene kyɛ Nyameɛ kora tingye sona fi awufoɛ nu po, yiti sɛ ɛfa ye anyandera nu a, ye sa hane Yisake fili ewue nu kyɛ awufoɛ bɔ Nyameɛ tingye bɛ ne ala.

Hebrifoɛ 7:25

Yiti ɔkora de bɛ bɔ bɛfa ye so bɛba Nyameɛ berɛ ne ngoa bɔkɔɔ; ofikyɛ ɔte ase afebɔɔ, na odi bɛ ti dwirɛ ma bɛ.

Yakobo 4:12

Mmeraahyɛlɛniɛ ne ndɛenbualɛniɛ komapɛ yeɛ ɔwɔ berɛ ɔ; ye ole bɔ ɔkora ode ngoa ná ɔsɛkye ne. Yiti wɔ ole nwa bɔ ebua ebiɛngo ndɛen ɔ?

2 Petro 1:11

Na ɔba ye sɔ a, bɛkɔma ɛmɔ atee mmorosoɛ bɔ ɔkɔ y’Awurade ne yɛ Ngoadefoɛ Yesu Kristo ahennie afebɔɔ ne anu.

Yuda 1:24

Na ye bɔ ɔkora sɔ ɛmɔ nu ma ɛmɔmvi ase, ná ɔfa ɛmɔ gyina ye animnyam ne nyunu bɔ ngekalewa biala nne ɛmɔ nwo, wɔ anigye nu ne,