Ɛfesofoɛ 3:17 - AHYERƐLƐ KRONGRON

¹⁷ amaa Kristo afa gyidie so watena ɛmɔ ahone nu, ná ɛ́mɔatira ndii batindim wɔ ɔdɔ nu,

Ɛfesofoɛ 3:17 Iomraidhean Croise

Yesaya 57:15

Ofikyɛ Anwuro Anwuroniɛ ne, bɔ ɔwɔ berɛ afebɔɔ, bɔ ye dumaa ole Krongron ne, ɔnwa nyoo: “Anwuro ne nekaa krongron berɛ yeɛ nde ɔ, na sona bɔ wanya nnuhoɛ ne anwobrɛaseɛ ne, me ne ye yeɛ yɛte ɔ, amaa ɔnate so mama anwobrɛaseɛfoɛ bɛ sunzum anya ngoa, ná mama bɛ bɔ banya nnuhoɛ ne b’ahone anya ngoa.

Mateo 13:6

Na eyia pukyele nen, bɛkesene, na ɔnate kyɛ bandira ndii ne ati, bɛyerale.

Luka 6:48

Ɔte kyɛ ebie bɔ osili sua, bɔ ɔpɛle kumaa ne maa ɔhɔle, ná ɔtole fapem ne siele nyɔbotaen so ɔ. Nzue yili, obu fale sua ne abo, nakoso wangora ye woso, ɔnate kyɛ osili sua ne yé.

Yohane 14:17

bɔ ye ole nahorɛ Sunzum bɔ ewiase ngora nne ye ndo nu ne; ofikyɛ onnwu ye, yeɛ ɔnze ye. Nakoso ɛmɔ de, ɛmɔse ye, ofikyɛ ɔne ɛmɔ yeɛ bɛte ɔ, na ɔkɔtena ɛmɔ nu.

Yohane 14:23

Na Yesu buale ye kyɛ, “Sɛ ebie kuro me dwirɛ a, okoli me dwirɛ so, na me Baba kohuro ye dwirɛ, na yɛkɔwa ye berɛ, ná yaayɔ yɛ atenaleɛ wɔ ye berɛ.

Yohane 17:23

Nwɔ bɛ nu, na ɛwɔ me nu, na bali mu wɔ koyɛlɛ nu; na ɔnate so wiase konwu kyɛ wɔ yeɛ asoma me ɔ, na ekuro bɛ dwirɛ kyɛbɔ ekuro me dwirɛ ne.

Yohane 6:56

Ebiala bɔ odi me nwonaen ná ɔno me mogya nen, ɔte me nu, na me koso nde ye nu.

Romanfoɛ 5:5

Na anyelasoɛ nni ngasi, ofikyɛ Nyameɛ nate ye Sunzum Krongron bɔ ɔfa mane yɛ ne aso wafa ye ɔdɔ somaa ne wawura yɛ ahone nu.

1 Korintofoɛ 3:6

Me de nnuale, yeɛ Apolo wora oguaguale so nzue ɔ, nakoso Nyameɛ yeɛ ɔmaa onyini ɔ.

1 Korintofoɛ 8:1

Afei, ɔfa bosoen so aleɛ nwo dwirɛ de, yɛse kyɛ yɛ mukoraa yɛle nimdeɛ. Nimdeɛ ma sona moma ye nwo so, nakoso ɔdɔ de ɔma ngɔsoɛ.

2 Korintofoɛ 13:5

Ɛ́mɔneanea ɛmɔ ahone nu bɛnea sɛ ɛmɔtɛtira gyidie ne anu a. Ɛ́mɔso ɛmɔ nwo bɛnea. Aso ɛmɔnnwu ye kyɛ Yesu Kristo te ɛmɔ nu anaa? Sana ebiaa né ɛmɔabɔ ase wɔ gyidie nu.

2 Korintofoɛ 6:16

Nzikyɛ ngitahoɛ yeɛ ɔwɔ Nyameɛ asɔneyɛɛ sua ne mmosoen b’afia ɔ? Ofikyɛ yɛte Nyameɛ teasefoɛ n’asɔneyɛɛ sua, na Nyameɛ waha ne, “Me ne bɛ kɔtena, na me ne bɛ yanate, Ngɔyɛ bɛ Nyameɛ, na bɛ wora bayɛ me maen.”

Galatiafoɛ 2:20

Babɔ me ne Kristo mmeamudua nu; yiti nna me yeɛ nde ase ko ɔ, na mmom Kristo yeɛ ɔte ase wɔ me nu ɔ. Na m’ase bɔ nde ye kekesaala ye wɔ anwoɔnaen nu ye de, ɔnate gyidie wɔ Nyameɛ Awa, bɔ okuro me dwirɛ na ɔfale ye ngoa tole berɛ mane me ne anu yeɛ nde ase ɔ.

Galatiafoɛ 5:6

Ofikyɛ sɛ yɛne Kristo Yesu yɛ ko de a, bienzuapɛlɛ oo, nna bienzuapɛlɛ oo, ye nwo nhia, na mmom gyidie bɔ ɔnate ɔdɔ so yɔ adwuma yeɛ ohia ɔ.

Kolosefoɛ 1:23

Nakoso ɔsɛ kyɛ ɛmɔsɔ gyidie ne anu serɛ na ɛmɔahora bagyina pindinn. Na afei ɔnzɛ kyɛ ɛmɔtwe bɛ nwo befi nzɛmba ne anu anyelasoɛ nwo, na ɛhe yeɛ ɛmɔtele, bɔ babɔ ye nwo dawure bahyire abɔdeɛ mukoraa wɔ wiase, bɔ me Pɔɔlo nde ye nwo somvoɛ ye.

Kolosefoɛ 1:27

Na Nyameɛ apɛdeɛ ole kyɛ, ɔkɔma anwoteefoɛ konwu animnyam anwonya bɔ ɔwɔ mvealeɛ dwirɛ ne anu wɔ Amaenmaensofoɛ nu. Mvealeɛ nu dwirɛ ne ole Kristo bɔ ɔwɔ ɛmɔ nu ne, na ɔte animnyam ne nwo anyelasoɛ.

Kolosefoɛ 2:7

Ɛmɔtira ndii wɔ ye nu, ná ɛ́mɔnea ye so bɛbɔ bɛ bra, ná ɛ́mɔtindim wɔ gyidie nu kyɛbɔ behyirehyirele ɛmɔ ne, ná ɛ́mɔla Nyameɛ ase daa.

1 Yohane 4:16

Yanwu yɛ nwo dɔ bɔ Nyameɛ le ye ne, yeɛ yɛde yɛdi koso. Nyameɛ te ɔdɔ, na ebiala bɔ ole ɔdɔ ne te Nyameɛ nu, na Nyameɛ koso te ye nu.

1 Yohane 4:4

Me ngwadaa mɔ, ɛmɔ de ɛmɔte Nyameɛ deɛ na ɛmɔali bɛ so ngonim; ofikyɛ bɔ ɔte ɛmɔ nu ne, ɔte piri tra bɔ ɔwɔ wiase ne.

Nyekyire 3:20

Tie! Ngyi anoa ne asi mebɔ nu; na sɛ ebie te me komvi ná okobukye anoa ne a, ngowura nu ngɔwa ye berɛ, ná me ne ye yaadidi, ná ɔne me koso adidi.