Ɛfesofoɛ 3:16 - AHYERƐLƐ KRONGRON

¹⁶ kyɛ ófi ye animnyam anwonya nu ma ɛmɔfa ye Sunzum so benya tumi nu anwoserɛ wɔ ɛmɔ nu, wɔ sona sue ne anu,

Ɛfesofoɛ 3:16 Iomraidhean Croise

YOB NWOMAA NE 23:6

Ye tumi piri ne, so yeɛ okogyina ɔne me kɔbɔ nguro anaa? Daabi, ɔkɔyɛ asoɛ kotie me dwirɛ deɛ.

Edwein 138:3

Kyẽa bɔ nzu mvrɛle wɔ ne, etiele me sufrɛ, na ɛmane me kra hɔle so nyane anwoserɛ.

Edwein 28:8

AWURADE yeɛ ɔte ye mmenia b’anwoserɛ ɔ, na ɔte ngoalelɛ afealeɛ ma bɔ wapopa ye ngoo ne.

Yesaya 41:10

Nnɛsuro, ofikyɛ ngyi wɔ si, nnɛma ɛserɛ kã wɔ, ofikyɛ me ole wɔ Nyameɛ. Ngɔmaa ekogyina pindinn, ngɔboka wɔ, ngɔfa me tenenee asaa famaa ne ngotira wɔ nu.

Yeremia 31:33

Nakoso apam bɔ me ne Yisrael awuro ama yɛkɔyɛ ɛhe: Sɔ mmerɛ ne asi ne, ngɔfa me mmeraa ngowura bɛ nu, na ngɔhyerɛ ye wɔ b’ahone nu; ngɔyɛ bɛ Nyameɛ, ná bɛ koso bayɛ me maen, AWURADE noa dwirɛ ɛne.

Sakaria 10:12

Ngɔmaa bekogyina pindinn wɔ AWURADE nu, na ye dumaa nu yeɛ bɛkɔnate ɔ,” AWURADE noa dwirɛ ɛne.

Mateo 6:13

Nnɛfa yɛ kɔ nzɔhwɛ nu, Na mmom ye yɛ fi bɔne nu.’ [Ofikyɛ wɔ yeɛ ahennie ne tumi ne animnyam ɔte wɔ deɛ daa daa ɔ. Amen.]

Romanfoɛ 2:29

Na mmom Yudaniɛ kaenn ole sona bɔ ɔte Yudaniɛ wɔ ahone nu ɔ; ɔte sunzum nu nikye, na ɔtte anwoɔnaen nu nikye. Nna kuro sona, na mmom Nyameɛ yeɛ ɔye sɔ sona ne ayɛ ɔ.

Romanfoɛ 7:22

Ofikyɛ me nye gye Nyameɛ mmeraa nwo wɔ me nu paa.

Romanfoɛ 9:23

Afei koso ɔyɛle kyɛ ɔkɔla ye animnyam mmorosoɛ ne ali kohyire bɛ bɔ wanwu bɛ anwumvoin ne, ofikyɛ wasiesie bɛ wasie berɛ dada kyɛ bɛfata ye animnyam ne.

1 Korintofoɛ 16:13

Ɛmɔwɛne, ɛmɔgyina pindinn wɔ gyidie nu, ɛ́mɔma ɛmɔ ahone yɛ se, ná ɛ́mɔmia ɛmɔ nye.

2 Korintofoɛ 12:9

Nakoso obuale me kyɛ, “M’adom ne ala sone ma wɔ, ofikyɛ sona mmerɛyɛlɛ nu yeɛ me tumi ne ye ye nwo ali paa paa ɔ.” Yiti ngɔfa anika piri paa ngɔhoahoa me nwo wɔ me mmerɛyɛlɛ nu, amaa Kristo tumi ne wawura me nu.

2 Korintofoɛ 4:16

Ɔnate ɛhe ati, yɛmma y’abasa nu mmu. Na ɔwɔ nu kyɛ anwoɔnaen he bɔ anyeɛ nwu ye ne gu so ɔsɛkye de, nakoso sunzum nu de, yɛnyi frɔmfrɔm alehyeleɛ biala.

Ɛfesofoɛ 1:18

ná óbukye ɛmɔ adwene nu ma ɛmɔnya ndeaseɛ, amaa ɛmɔanwu anyelasoɛ bɔ ɔwɔ ye frɛlɛ bɔ wafrɛ ɛmɔ ne anu, ɔne ye agyapadeɛ animnyam anwonya wɔ anwoteefoɛ nu.

Ɛfesofoɛ 1:7

Ɔnate ye mogya ne aso yeɛ wale yɛ ɔ, bɔ ye ole yɛ mvomsoɛ fahyɛlɛ ne, kyɛbɔ ye adom mmorosoɛ ne te ne,

Ɛfesofoɛ 2:7

kyɛ ewiase bɔ ɔ́ba ne anu ɔkɔla ye adom anwonya mmorosoɛ ne ali wɔ paayɛlɛ bɔ ɔyɛ yɛ Kristo Yesu nu ne anu.

Ɛfesofoɛ 3:15

bɔ ye nu yeɛ abusua biala bɔ ɔwɔ nyameɛso ne aseɛ so onya ye dumaa fi ne,

Ɛfesofoɛ 3:8

Ɔwɔ nu kyɛ me yeɛ nde kãa paa wɔ anwoteefoɛ ne amukoraa nu ɔ, nakoso Nyameɛ amaa manya sɔ adom he, kyɛ mmɔ Kristo anwonya bɔ ɔbo sona ndeaseɛ so ne dawure ngyire Amaenmaensofoɛ;

Ɛfesofoɛ 6:10

Bɔ ɔpɛ ye bo ɔ, aliɛmaa mɔ, ɛ́mɔma ɛmɔ nwo yɛ se wɔ Awurade nu, ɔne ye anwoserɛ tumi ne anu.

Filipifoɛ 4:13

na mekora meyɔ nnningyein amukoraa wɔ Kristo bɔ ɔma me anwoserɛ ne anu.

Filipifoɛ 4:19

Na me Nyameɛ kɔma ɛmɔ bɔ ɛmɔhia amukoraa, kyɛbɔ ye anwonya ne te ɔ, animnyam nu, wɔ Kristo Yesu nu.

Kolosefoɛ 1:11

Yɛsrɛ kyɛ ɔma ɛmɔ tumi amukoraa ma ɛmɔgyina pindinn, kyɛbɔ ye animnyam tumi te ne, ná ɛmɔahora bafa aboterɛ ne animia amukoraa bagyina wɔ anigye nu,

Kolosefoɛ 1:27

Na Nyameɛ apɛdeɛ ole kyɛ, ɔkɔma anwoteefoɛ konwu animnyam anwonya bɔ ɔwɔ mvealeɛ dwirɛ ne anu wɔ Amaenmaensofoɛ nu. Mvealeɛ nu dwirɛ ne ole Kristo bɔ ɔwɔ ɛmɔ nu ne, na ɔte animnyam ne nwo anyelasoɛ.

Kolosefoɛ 2:2

Meyɔ ɛhe kyɛbɔ bɛ wora kɔkyekye ná bayɛ ko wɔ ɔdɔ nu, ná banya ndeaseɛ bɔ osi pi, ɔne kyɛ bekonwu Nyameɛ mvealeɛ nu dwirɛ ne, bɔ ye ole Kristo ɔ.

2 Timoteo 4:17

Nakoso Awurade gyinane me si mane me anwoserɛ, kyɛbɔ ɔkɔyɛ bɔ ɔkɔfa me so kɔbɔ edwirɛ ne dawure bɔkɔɔ kɔma Amaenmaensofoɛ amukoraa bɛkɔte ɔ. Yiti ɔpepɛ lele me fili gyata noa nu.

Hebrifoɛ 11:34

benuane see wuronyiwuronyi, benyane bɛ ti ngoa bɔ bandotɔ ngrandɛ noa ɔ, benyane anwoserɛ befili mmerɛyɛlɛ nu, bɛ nwo yɛle se wɔ koɛ nu, na bɛfoane amanvrafoɛ asraafoɛ maa bɛnwatili.

1 Petro 3:4

na mmom ɛ́mɔma ɔyɛ ahone nu nikyee bɔ anyeɛ nnwu ye, sunzum bɔ odwo, ɔbrɛ ye nwo ase, nikyee bɔ ɔmborɔ, bɔ ɔte nikyee nyɔboɛserɛ wɔ Nyameɛ nyunu ɔ.