Ɛfesofoɛ 3:1 - AHYERƐLƐ KRONGRON

¹ Ɔnate ɛhe ati, me Pɔɔlo, nde Kristo Yesu kukununiɛ mema ɛmɔ Amaenmaensofoɛ.

Ɛfesofoɛ 3:1 Iomraidhean Croise

Luka 21:12

Nakoso anzana ɛhemɔ amukoraa bekosisi ne, bekoli moa bɛkɔhye ɛmɔ, ná batane ɛmɔ nye, bɛkɔhye ɛmɔ bɛkɔhɔ nyianu sua mɔ nu ne kuku nu, na ɔnate me dumaa ti bɛkɔfa ɛmɔ bekogyina ahemvo ne amrado mɔ nyunu.

Asomafoɛ 21:33

Asraafoɛ panyi ne ɔɔsɔle Pɔɔlo nu na ɔmaa bɛfale ngɔnzɔngɔnzɔ nyɔ beguale ye, na afei obisale bɛ kyɛ, “Na nwa ɛhe? Wayɔ nzu?”

Asomafoɛ 23:18

Yiti ɔfale aberandeɛ ne hɔle safohene ne berɛ, na ɔhane kyɛ, “Kukununiɛ Pɔɔlo frɛle me srɛle me kyɛ mva sɔ aberandeɛ ye mmra wɔ berɛ, na ole dwirɛ kã kyire wɔ.”

Asomafoɛ 26:29

Na Pɔɔlo buale kyɛ, “Sɛ ɔhale kãa oo, ɔhhale kãa oo, me de mesrɛ Nyameɛ kyɛ nna wɔ ngome, na mmom bɛ bɔ betie me ɛnɛ ye amukoraa koso kɔyɛ kyɛ me ala; sana ngɔnzɔngɔnzɔ bɔ ogua me ye yeɛ ɔbboka so ɔ!”

Asomafoɛ 9:15

Na Awurade sele ye kyɛ, “Wɔ de, kɔ, ofikyɛ maye ye kyɛ ɔso me, ná ɔbɔ me dumaa nwo dawure hyire Amaenmaensofoɛ ne ahemvo ne Yisrael mma.

2 Korintofoɛ 1:6

Na sɛ yɛnwu amaneɛ a, né ɛmɔ aworakyekyerɛ ne ɛmɔ ngoalelɛ ti ɔ; yeɛ sɛ yɛnya aworakyekyerɛ a, né ɛmɔ aworakyekyerɛ ti ɔ, bɔ sɛ ɛmɔle aboterɛ begyina amaneɛ bɔ yɛ koso yɛnwu ye ne noa bie a, ɛmɔ sa kã ye ne.

2 Korintofoɛ 10:1

Me, Pɔɔlo, mefa Kristo anwobrɛaseɛ ne ye dwolɛ bɔ odwo ne aso metu ɛmɔ foɛ; me bɔ me nye bɔ ɛmɔ nyunu a meyɛ me nwo anwumvoin anwumvoin, nakoso mefi ɛmɔ berɛ a mema m’ahone yɛ se wɔ ɛmɔ so ne.

2 Korintofoɛ 11:23

Bɛte Kristo asomvoɛ anaa? Medwudwo kyɛ ebiaa nnne adwene de oo, metra bɛ: mayɔ adwuma serɛ matra bɛ, mala kuku nu somaa matra bɛ, babo me pee batra bɛ, yeɛ ewue ato afo me pee atra bɛ.

Galatiafoɛ 5:11

Aliɛmaa mɔ, sɛ mekɔ so mekã kyɛ bienzuapɛlɛ nwo hia a, nzu ati yeɛ bɛkɔ so bɛtane me nye ɔ? Nzaade ahaa mmeamudua ne sundidua ne ɔnne berɛ ko.

Galatiafoɛ 5:2

Ɛ́mɔtie! Me, Pɔɔlo, mekã mekyire ɛmɔ kyɛ sɛ ɛmɔmaa bɛpɛ ɛmɔ bienzua a, Kristo nwo ngɔwa mvasoɛ biala ngɔma ɛmɔ.

Galatiafoɛ 5:24

Na bɛ bɔ bɛte Kristo Yesu deɛ ne, babɔ anwoɔnaen ne ne ye akɔnnɔ, ɔne bɔ ɔhyɛ anwoɔnaen ne aso mmeamudua nu.

Ɛfesofoɛ 3:11

Na ɛhe te ye nhyehyɛleɛ afebɔɔ bɔ ɔnate y’Awurade Yesu Kristo so wawa nu ɔ.

Ɛfesofoɛ 3:13

Yiti mesrɛ ɛmɔ kyɛ, nnɛmɔma ɛmɔ abasa nu bu wɔ amaneɛ bɔ ɔnate ɛmɔ ti menwu ye ne anwo, ofikyɛ ɔte ɛmɔ animnyam.

Ɛfesofoɛ 3:8

Ɔwɔ nu kyɛ me yeɛ nde kãa paa wɔ anwoteefoɛ ne amukoraa nu ɔ, nakoso Nyameɛ amaa manya sɔ adom he, kyɛ mmɔ Kristo anwonya bɔ ɔbo sona ndeaseɛ so ne dawure ngyire Amaenmaensofoɛ;

Ɛfesofoɛ 4:1

Yiti afei me, Awurade kukununiɛ, mesrɛ ɛmɔ kyɛ ɛ́mɔbɔ bra bɔ ɔfata ɛfrɛlɛ bɔ bafa bafrɛ ɛmɔ ne,

Ɛfesofoɛ 6:20

bɔ ye nwo bɔfoɛ bɔ nde ti yeɛ bagua me ngɔnzɔngɔnzɔ ye; amaa mahora masi m’ahone mahã, kyɛbɔ ɔsɛ kyɛ mekã ɔ.

Filipifoɛ 1:7

Ɛmɔla m’ahone nwo, yiti ɔte paa kyɛ medwene ɛmɔ amukoraa nwo sɔ ɔ. Ofikyɛ ɛmɔ amukoraa ɛmɔ ne me yanya kyɛfa wɔ adom ne anu, me kuku nu nnaa nu, ɔne mmerɛ bɔ ngyinane pindinn mane nzɛmba ne, ná nzili so ngane ne.

Kolosefoɛ 1:24

Na afei, ɔnate ɛmɔ ti me nye gye wɔ m’amaneɛnwunɛ nu; na menya Kristo amaneɛnwunɛ ne anu kyɛfa wɔ me nwonaen nu mema ye nipadua ne, bɔ ɔte asɔre ne.

Kolosefoɛ 4:18

Me Pɔɔlo, me bɔbɔ me sa noa ahyerɛlɛ he yeɛ mefa mebisa ɛmɔ bisabisa ɔ. Ɛ́mɔkaye kyɛ ndɛla kuku nu. Adom ɔyɛ ɛmɔ deɛ. Amen.

Kolosefoɛ 4:3

Ɛ́mɔbɔ mbaeɛ bɛ́ma yɛ koso, kyɛ Nyameɛ bukye edwirɛ ne nwo atee ma yɛ, ma yɛbɔ Kristo mvealeɛ nu dwirɛ ne dawure, edwirɛ bɔ yiti yeɛ nna kukunu ye.

2 Timoteo 1:16

Mesrɛ Awurade kyɛ onwu Onesiforo awuro ama anwumvoin, ofikyɛ ɔkyekyele me wora mmerɛ pee, na me ngɔnzɔngɔnzɔ ne anyɛ ye nya.

2 Timoteo 1:8

Yiti nnɛma y’Awurade adanzeɛlilɛ ne ɔyɛ wɔ nya, anaa me bɔ nde ye kukununiɛ ne me nwo yɛ wɔ nya; na mmom nya kyɛfa wɔ nzɛmba ne nwo amaneɛnwunɛ nu, kyɛbɔ Nyameɛ tumi ɔte ne.

Filemɔn 1:1

Pɔɔlo, Kristo Yesu kukununiɛ, yeɛ aliɛmaa Timoteo, yɛ́fa yɛbrɛ yɛ damvo paa ne yɛ biɛngo adwumayɔlɛniɛ Filemon,

Filemɔn 1:23

Epafra bɔ ɔte mmiɛngo kukununiɛ wɔ Kristo Yesu nu,

Filemɔn 1:9

nakoso ɔnate ɔdɔ ti, mekuro kyɛ mesrɛ wɔ mmom, me Pɔɔlo bɔ mayɛ akoraa, bɔ kekesaala ye nza nde Yesu Kristo kukununiɛ ɔ.

Nyekyire 2:10

Nnɛsuro amaneɛ biala bɔ ɛbaanwu ye ɔ. Tie, abɔnzam kɔfa ɛmɔ nu biemɔ kogua kuku nu, kyɛ ɔfa so ɛmɔ nea, na ɛmɔkonwu amaneɛ eleburu. Di nahorɛ kodwu ewue nu, na ngɔma wɔ ngoa abotire.