Ɛfesofoɛ 2:8 - AHYERƐLƐ KRONGRON

⁸ Na adom yeɛ bɛnate gyidie so bale ɛmɔ ngoa ɔ, nna bɔ ɛmɔayɔ hɔ ɔ, ɔte Nyameɛ akyɛdeɛ;

Ɛfesofoɛ 2:8 Iomraidhean Croise

Mateo 16:17

Na Yesu buale kyɛ, “Anya saleɛ, Yona awa, Simɔn! Ofikyɛ nna anwoɔnaen ne mogya yeɛ baye he bahyire wɔ ɔ, na mmom me Baba bɔ ɔwɔ nyameɛso ne ɔ.

Mateo 20:9

Na bɛ bɔ ɔbɔle bɛ paa kɔyɛ nɔsoa nnɔnnum ne, bɛwale ne, ɔmane ebiala denare ko.

Marko 16:16

Sona bɔ okole koli ná bɛkɔbɔ ye asu nen, bekole ye ngoa; nakoso bɔ onne nni ne de, bekobua ye foɛ.

Luka 7:50

Na osele braa ne kyɛ, “Wɔ gyidie ale wɔ, kɔ asomdwee nu!”

Yohane 3:36

Na ebiala bɔ ode Baa ne di ne, ole daa ngoa; yeɛ bɔ ɔnyɛ sotie mma Baa nen, ongonya ngoa, na Nyameɛ ahonehulɛ ba ye so.

Yohane 4:10

Na Yesu buale ye kyɛ, “Sɛ ɛse Nyameɛ akyɛdeɛ ne, ɔne bɔ ɔkã kyire wɔ kyɛ, ‘Ma me nzue ne bie ma nno’ a, ahaa asrɛ ye, ná wama wɔ ngoa nzue.”

Yohane 5:24

“Nahorɛ nu paa, mekã mekyire ɛmɔ kyɛ, ebiala bɔ ɔte me dwirɛ, ná ode bɔ ɔsomane me ne di nen, ole daa ngoa; bengobua ye foɛ, na mmom wapɛ nu wafi ewue nu wahɔ ngoa nu.

Yohane 6:35

Na Yesu sele bɛ kyɛ, “Me ole ngoa paanoo ne; ebiala bɔ ɔba me berɛ nen, ɛhɔen ngohũ ye le; yeɛ ebiala bɔ ode me di ne, nzuhɔen ngohũ ye le.

Yohane 6:37

Bɛ bɔ Baba ne ɔfa bɛ ma me ne, bɛ mukoraa bɛkɔwa me berɛ; na ebiala bɔ ɔba me berɛ ne, mengɔto ye ngɔye le.

Yohane 6:40

Ɛhe ole me Baba n’apɛdeɛ, kyɛ ebiala bɔ onwu Baa ne, ná ode ye di ne, okonya daa ngoa; na ngotingye ye wɔ ayieleɛ kyẽa ne.”

Yohane 6:44

Na ebiala ngora mma me berɛ, sana Baba ne bɔ ɔsomane me ne ɔtwetwe ye ba; na ngotingye ye wɔ ayieleɛ kyẽa ne.

Yohane 6:65

Na ɔhane kyɛ, “Ɔnate ɛhe ati yeɛ mahã mahyire ɛmɔ kyɛ, ebiala ngɔhora ngɔwa me berɛ, sana Baba ne afa ye wama me.”

Asomafoɛ 13:39

na ebiala bɔ okole ye koli nen, bekobua ye be wɔ nningyein amukoraa bɔ Mose mmeraa ne wangora wammua ɛmɔ be wɔ ye nwo ne.

Asomafoɛ 14:27

Beedwuli berɛ ne, bɛmane asɔre mma ne yiale, na bɛhane nikyee biala bɔ Nyameɛ afa bɛ so wayɔ ɔ behyirele bɛ, ɔne kyɛbɔ wasi wabukye gyidie anoa wama Amaenmaensofoɛ koso ɔ.

Asomafoɛ 15:11

Na kyɛbɔ yɛde yɛdi kyɛ ɔnate Awurade Yesu adom so yɛkonya daa ngoa nen, sɔ ala koso yeɛ bɛ deɛ te ɔ.”

Asomafoɛ 16:14

Né mmrasua ne ko li Lidia; ofi Tiatira. Né ɔtɔne ago. Ɔte Nyamesomniɛ, na Awurade bukyele ye adwene nu maa ɔyɛle asoɛ mane Pɔɔlo.

Asomafoɛ 16:31

Bebuale ye kyɛ, “Dé Awurade Yesu di na ɛne w’awuro ama konya daa ngoa.”

Romanfoɛ 10:14

Na ɔkɔyɛ sɛɛ ná mmenia basu bafrɛ ye wɔ abrɛ bɔ benne ye benni ɔ? Na ɔkɔyɛ sɛɛ ná bale bɔ bɛttele ye nwo dwirɛ le ɔ bali? Na ɔkɔyɛ sɛɛ ná bate, wɔ abrɛ bɔ nzɛmbahanɛniɛ nne berɛ ɔ?

Romanfoɛ 10:17

Né nzaade, gyidie nate edwirɛ ne tielɛ nu yeɛ ɔba ɔ, na bɔ bɛte ne, ɔnate Kristo dwirɛ ne aso yeɛ ɔba ɔ.

Romanfoɛ 4:16

Yiti bɔhyɛ ne gyi gyidie so, amaa ɔnate so bɔhyɛ ne wagyina adom so, ná watindim berɛ wama ye bosofoɛ amukoraa. Bɔhyɛ ne ɔtte bɛ bɔ bedi mmeraa ne aso ngome bɛ deɛ, na mmom ɔte ebiala bɔ wanya gyidie kyɛbɔ Abraham nyane ye ne koso deɛ; ofikyɛ ɔte yɛ mukoraa yɛ nana,

Romanfoɛ 4:5

Na sona bɔ ɔmva ye nwo ndo nnwumaa paa so, na mmom ode Nyameɛ bɔ obua bɔnefoɛ be di nen, Nyameɛ bu sɔ sona ne gyidie kyɛ tenenee ma ye.

Romanfoɛ 9:16

Yiti oggyi bɔ kuro sona okuro anaa bɔ ɔkɔyɔ so, na mmom ogyi Nyameɛ anwumvoinnwunɛ so.

Galatiafoɛ 3:14

Na ɛhe sili kyɛbɔ Amaenmaensofoɛ kɔfa Kristo Yesu so bekonya Abraham saleɛ ne bie ɔ, amaa yafa gyidie so yanya Sunzum bɔ Nyameɛ fa bɔle anohoba ne.

Galatiafoɛ 3:22

Nakoso Ahyerɛlɛ ne kyire kyɛ abɔdeɛ mukoraa wura bɔne bo; kyɛbɔ ɔkɔyɛ ná bafa bɔhyɛ bɔ ogyi Yesu Kristo nu gyidie so ne bama agyidifoɛ ɔ.

Ɛfesofoɛ 1:19

Mesrɛ kyɛ, ɔma ɛmɔnwu ye tumi totohyia bɔ ɔbo so ma yɛ bɔ yɛde yɛdi ne, kyɛbɔ ye anwoserɛ tumi nikyeeyɔlɛ

Ɛfesofoɛ 2:10

Ofikyɛ yɛte ye adwiililɛ bɔ wali ɔ, bɔ ɔbɔle yɛ Kristo Yesu nu mane nnwumaa paa bɔ Nyameɛ asiesie ato berɛ kyɛ yɛfa yɛbɔ yɛ bra ɔ.

Ɛfesofoɛ 2:5

wama yɛ bɔ ahaa yɛte awufoɛ wɔ mvomsoɛ nu ne yɛne Kristo yanya ngoa, (adom yeɛ bafa bale ɛmɔ ngoa ɔ.)

Filipifoɛ 1:29

Ofikyɛ ɛmɔ de, bafa balo ɛmɔ kyɛ ɔnate Kristo ti, nna kyɛ ɔsɛ kyɛ ɛmɔde ye bedi ngome, na mmom ɔsɛ kyɛ ye ti ɛmɔnwu amaneɛ koso;

Kolosefoɛ 2:12

Besiele ɛmɔ ne Kristo wɔ asubɔlɛ nu, na ɔnate ɛmɔ gyidie wɔ Nyameɛ tumi dwumadie bɔ ɔfa tingyele ye fili ewue nu ne ati, batingye ɛmɔ ne ye koso.

2 Tɛsalonika 1:9

Ɔkɔtɔ sɔ mmenia nemɔ so wereɛ kɔsɛkye bɛ pasapasa afebɔɔ, ná afei wahwe bɛ wafi Awurade nyunu ne ye animnyam tumi nwo.

Hebrifoɛ 6:4

Na ɔngɔhora ngɔwa kyɛ bɛ bɔ mmerɛ bie bɛwale kanea ne anu, bɔ benyane nyameɛso akyɛdeɛ ne, bɔ bɛ sa hane Sunzum Krongron ne bie,

1 Petro 1:5

bɔ bɛnate gyidie so bɛbɔ ɛmɔ nwo waen wɔ Nyameɛ tumi nu, bɔ ɔkɔ ngoalelɛ bɔ basiesie kyɛ bɛbaala ye ali wɔ mmerɛ bɔ oli nziɛ ne anu ne.