Ɛfesofoɛ 2:6 - AHYERƐLƐ KRONGRON

⁶ Na watingye yɛ ne ye, na wafa yɛ ne ye waatena nyameɛso dɔ wɔ Kristo Yesu nu,

Ɛfesofoɛ 2:6 Iomraidhean Croise

Mateo 26:29

Na mekã mekyire ɛmɔ kyɛ, ofi ɛnɛ bɔ ɔkɔ ɔ, mengɔno bobe nzaa he ko kodwu kyẽa bɔ me ne ɛmɔ yɛkɔno ye foforɛ wɔ me Baba ahennie nu ɔ.”

Luka 12:37

Na ngoaa bɔ bɛ mene ba a, ɔbato bɛ kyɛ bɛwɛne ne, benya saleɛ! Nahorɛ nu, mekã mekyire ɛmɔ kyɛ, ɔkɔbɔ ye abɔsoɛ, ɔkɔmaa bɛkɔtena poen nwo, ná wawa waaso bɛ.

Yohane 12:26

Sɛ ebie so me a, ɔsɛ kyɛ odi me si; na nekaa bɔ nwɔ ne, berɛ yeɛ me somvoɛ koso kɔwa ɔ; na ebiala bɔ ɔso me ne, me Baba kɔhyɛ ye animnyam.”

Yohane 14:3

Na sɛ mekɔ ná mekosiesie nekaa mema ɛmɔ a, ngosa ngɔwa, ná maafa ɛmɔ mahɔ me bɔbɔ me berɛ, ná nekaa bɔ nwɔ ne, ɛmɔ koso bawa berɛ bie.

Ɛfesofoɛ 1:1

Pɔɔlo bɔ ɔnate Nyameɛ pɛ so nde Kristo Yesu somafoɛ ne, mefa mebrɛ anwoteefoɛ bɔ bɛwɔ Ɛfeso bɔ bɛte Kristo Yesu nu agyidifoɛ ne.

Ɛfesofoɛ 1:3

Animnyam hã Nyameɛ, y’Awurade Yesu Kristo Baba ne, bɔ wafa sunzum nu saleɛ amukoraa bɔ ɔwɔ nyameɛso wayira yɛ wɔ Kristo nu ne,

Ɛfesofoɛ 2:10

Ofikyɛ yɛte ye adwiililɛ bɔ wali ɔ, bɔ ɔbɔle yɛ Kristo Yesu nu mane nnwumaa paa bɔ Nyameɛ asiesie ato berɛ kyɛ yɛfa yɛbɔ yɛ bra ɔ.

Ɛfesofoɛ 2:13

Nakoso afei de, Kristo nu, ɛmɔ bɔ ahaa né ɛmɔwɔ dedeede ne, ɛmɔafa Kristo mogya ne aso bapingye.

Kolosefoɛ 1:18

Ɔte nipadua ne bɔ ye ole asɔre ne ti; ɔte nikyee biala ahyɛaseɛ, awufoɛ tingyelɛ nu farebae, na ɛhe maa ɔyɛ nningyein amukoraa nu bɔ oli moa ɔ.