Ɛfesofoɛ 2:2 - AHYERƐLƐ KRONGRON

² bɔ daa ne, ɛmɔbɔle ɛmɔ bra kyɛbɔ wiase brabɔlɛ te ɔ, bɔ ɛmɔlili ewienu tumi panyi ne si, bɔ ɔte sunzum bɔ kekesaala ye odi dwumaa wɔ asoserɛfoɛ nu ne.

Ɛfesofoɛ 2:2 Iomraidhean Croise

YOB NWOMAA NE 1:16

Ye noa wɔ so bɔ odwudwo ne, sona foforɛ wale ɔɔbɔle amaneɛ kyɛ, “Nyameɛ see afi nyameɛso watete wagua wayera mmoaen ne somvoɛ nemɔ wahũ bɛ. Me ngome twe yeɛ manya me ti madidi nu bɔ mebaabɔ wɔ amaneɛ ye.”

YOB NWOMAA NE 1:19

Na mvum nu, mvrama piri bie tu fili ɛserɛ ne aso dɔ, oofini awuro ne ndweasoɛ nna nemɔ, na wabu wagua mmerandeɛ ne ndaluwa nemɔ aso maa bawuwu. Me ngome twe yeɛ manya me ti madidi nu bɔ mebaabɔ wɔ amaneɛ ye.”

YOB NWOMAA NE 1:7

Yeɛ AWURADE bisale Satan kyɛ, “Nisua yeɛ efi wale ɔ?” Na Satan buale AWURADE kyɛ, “Aseɛ so bɔ mekyinikyini, bɔ medi so akɔneaba ne yeɛ mvi so mmale ɔ.”

YOB NWOMAA NE 31:7

Sɛ mali nahorɛ atee ne anwo makyebu, sɛ mama me nye adiedie m’adwene wahɔ akɔnnɔ tɛɛ nu, sɛ me sa nwo agua fiɛ a,

Edwein 17:14

Ao AWURADE, fa wɔ tumi ne pepɛ de me fi adasa mmaa sa nu; adasa mmaa bɔ b’akatuaa wɔ wiase wa ala ne, de me fi bɛ sa nu. Akatuaa bɔ ahyehyɛ ato berɛ ama bɛ ne, fa tua bɛ so kerɛ piri paa; ma bɛ mma mɔ benya akatuaa ne mmorosoɛ, ná bɛ́fa bie bɛ́yakyi bɛ nnomaa mɔ.

Yesaya 30:1

AWURADE nwa nyoo, “Mmaa bɔ bayɛ lɔen, bɛ yaakɔ, bɛbɔ porɛ bɔ nna me nhyehyɛleɛ ahɔ ɔ, bɛyɛ apam bɔ me sunzum mvoa so ɔ, bɛyɔ bɔne bɛtoatoa bɔne so.

Yesaya 57:4

Nwa yeɛ ɛmɔgoro ye nwo ye? Nwa yeɛ ɛmɔsobi bɛ noa begua ye so ye? Nwa yeɛ ɛmɔkekã edwirɛ tɛɛ betia ye e? Aso nna mmeraatolɛ mmaa ole ɛmɔ? Nna kanda mmaa ole ɛmɔ?

Yeremia 23:10

Ofikyɛ agyaasɛkyelɛfoɛ bayi aseɛ ne aso to; ɔnate ɛnomalɛ ne ati, aseɛ ne bɔ awuye, na ɛserɛ ne aso nekaa bɔ ngaka didi ne, berɛ ayɛ pralaa. B’atee te bɔne, na b’anwoserɛ ne ɔtte mayee.

Hosea 10:9

Ao Yisrael, ayɔ bɔne fi Gibea mmerɛ ne; berɛ yeɛ bɛtoale bɔne ne aso ɔ. Aso koɛ ammu amva amumuyɛɛfoɛ nemɔ aso wɔ Gibea?

Lewitikɔso 11:16

soholi, kɔngɔen akorɔma, ɛpo so dabodabo, akorɔma ahoroɔ,

Mateo 11:19

Na Sona Awa ne wale ne, odidi, yeɛ ɔno, na bɛnwa: ‘Ɛ́mɔnea, adifuu ne akɔnomnzaniɛ, ɛtoɔdidelɛfoɛ ne bɔnefoɛ adamvo!’ Nakoso nworɛ nate ye nnwumaa so di be.”

Mateo 13:22

Na mmakaammaa bɔ beguale mmowue nu ne, ogyi berɛ ma ebiala bɔ ɔte edwirɛ ne, nakoso ewiase asetena nu adwenedwene ne anwonyadeɛ nnakannaka bemiamia edwirɛ ne, na onzu mmaa.

Mateo 13:38

eboo ne ole ewiase, na mmakaammaa paa ne ole ahennie ne mma; yeɛ ngyɛngyɛma ne ole bɔnefoɛ ne mma.

Marko 4:19

nakoso sɛ abrabɔ nu dadwene ne anwonyadeɛ nnakannaka ne akɔnnɔdeɛ ahoroɔ ba bɛ so a, bemiamia edwirɛ ne, na onzu mmaa.

Luka 16:8

Na meneɛ ne kamvole hwɛsoniɛ bɔ onni nahorɛ ne, kyɛ wafa nworɛ wato bɔ wayɔ ne anwo. Ofikyɛ, wiase he anu ama bɛfa nworɛ atee so bɛyɔ bɛ nningyein wɔ bɛ mmango mɔ nu bɛtra kanea mma nemɔ.”

Luka 22:31

[Na Awurade sele kyɛ,] “Simɔn, Simɔn, tie, ahaa Abɔnzam kuro kyɛ ye sa kã ɛmɔ, ná ohuhu ɛmɔ so kyɛ aburoo.

Yohane 12:31

Afei ewiase ndɛenbualɛ ne wadwu; bɔ odi wiase he aso ne, bekye yeɛ bɛbaaye ye befi berɛ ɔ.

Yohane 13:2

Na nɔsoa bɔ bɛbaadidi nen, né abɔnzam anya afa awura Yudase Yiskariote, Simɔn awa ne, ye ti anu kyɛ ɔye Yesu ma.

Yohane 13:27

Na olele paanoo sii ne nen, yeɛ Abɔnzam oowurale ye nu ɔ. Yeɛ Yesu sele ye kyɛ, “Bɔ ɛbaayɔ ne, yɔ ye ndɛ!”

Yohane 14:30

Me ne ɛmɔ yɛngodwudwo pee ko, ɔnate kyɛ bɔ odi wiase he aso ne, ɔ́ba, na olle tumi biala wɔ me so.

Yohane 15:19

Sɛ ɛmɔfi wiase a, ahaa wiase kohuro ɛmɔ dwirɛ kyɛ ye bɔbɔ ye deɛ. Na ɔnate kyɛ nna wiase yeɛ ɛmɔfi ɔ, na mmom me yeɛ maneanea nu maye ɛmɔ mafi wiase ne ati, yiti yeɛ ɔma wiase pɔ ɛmɔ ne.

Yohane 16:11

ndɛenbualɛ nwo, ofikyɛ Nyameɛ abua bɔ odi wiase he aso ne ndɛen dada.

Yohane 7:7

Wiase ngora mbɔ ɛmɔ, nakoso me yeɛ ɔpɔ me ɔ, ofikyɛ medi adanzeɛ kyɛ ye yɔleɛ te bɔne.

Yohane 8:23

Na obuale bɛ kyɛ, “Ɛmɔfi aseɛnwo wa, na me de, mvi anwuro. Ɛmɔfi wiase wa, na me de, mmvi wiase ye anu.

Yohane 8:44

Ɛmɔ de, ɛmɔ baba bɔ ɛmɔfi ye nu ole abɔnzam, na ɛmɔ baba n’apɛdeɛ yeɛ ɛmɔkuro kyɛ ɛmɔyɔ ɔ. Ɔte wudiniɛ fi ahyɛaseɛ ne; na ollili nahorɛ le, ɔnate kyɛ nahorɛ biala nne ye nu. Sɛ ɔkã ngondombo dwirɛ a, kyɛbɔ ye sue te ne ala yeɛ ɔkã ɔ, ofikyɛ ɔte ngondomboniɛ ne ngondombo baba.

Asomafoɛ 19:35

Afei kuro berɛ krakye panyi ne neane maa ɛlɔen ne yɛle dinn ne, osele bɛ kyɛ, “Ɛfesofoɛ, ɛmɔ nu nwa yeɛ ɔnze kyɛ Ɛfeso kuro ye yeɛ ɔbɔ Ateme kokuroko asɔneyɛɛ sua ɔne nyɔboɛ bɔ ofi anwuro wale ne nwo waen ɔ?

Asomafoɛ 5:3

Na Petro bisale ye kyɛ, “Anania, nzu ati yeɛ ama abɔnzam ate maa walakalaka wɔ maa ali Sunzum Krongron ne ndurum, na afa aseɛ bɔ ɛtɔnene ne sikaa ne bie afea ɔ?

Romanfoɛ 12:2

Nnɛma ɛmɔyɛ ɛmɔ nwo kyɛ wiase he, na mmom ɛ́mɔma ɛmɔ adwene nu foforɛyɛlɛ ne ɔsakyera ɛmɔ, amaa ɔnate so ɛmɔanwu bɔ ɔte Nyameɛ apɛdeɛ ɔ, bɔ ɔte paa, ɔsɔ anyeɛ ná odi mu ɔ.

1 Korintofoɛ 5:10

Mangyire kyɛ ewiasefoɛ bɔ bɛbɔ adwaman anaa bɛte anyeboroborolɛfoɛ, anaa awuefoɛ, anaa bɛ bɔ bɛso bosoensolɛfoɛ ofikyɛ ɔba ye sɔ de a, né odi kyɛ ɛmɔtu befi wiase wa.

1 Korintofoɛ 6:11

Na sɔ yeɛ né ɛmɔ nu biemɔ bɛte ɔ, nakoso ɔnate Awurade Yesu Kristo dumaa ne yɛ Nyameɛ Sunzum ne ati, Nyameɛ abia ɛmɔ, wate ɛmɔ nwo, na wabua ɛmɔ be.

2 Korintofoɛ 4:4

Bɛ yeɛ ewiase wa nyameɛ ama bɛ bɔ benne benni ne, b’adwene ali naakye, amaa Kristo bɔ ole Nyameɛ sue n’animnyam nzɛmba kanea ne, wanda bɛ so.

Galatiafoɛ 1:4

Ye yeɛ ɔfale ye ngoa tole berɛ mane yɛ bɔne ɔ, amaa ɔnate so waye yɛ wafi kekesaala ye bɔne wiase ye anu, kyɛbɔ yɛ Baba Nyameɛ apɛdeɛ te ne.

Ɛfesofoɛ 1:21

na ɔte ahennie, tumi, anwoserɛ ne meneɛ amukoraa so hene, ɔne dumaa biala bɔ bɛfa bɛfrɛ ɔ, bɔ nna wiase wa angome, na mmom ewiase bɔ ɔbaawa ne koso anu.

Ɛfesofoɛ 2:11

Yiti ɛ́mɔkaye kyɛ, daa ne, ahaa né ɛmɔte Amaenmaensofoɛ wɔ anwoɔnaen nu. Na bɛ bɔ bɛfrɛ bɛ nwo bienzuapɛlɛfoɛ, bɔ bɛ sa mbaen yeɛ bɛfa bɛpɛ ye anwoɔnaen nu ne, né bɛfrɛ ɛmɔ bɛmbɛ-bɛ-bienzuafoɛ.

Ɛfesofoɛ 2:13

Nakoso afei de, Kristo nu, ɛmɔ bɔ ahaa né ɛmɔwɔ dedeede ne, ɛmɔafa Kristo mogya ne aso bapingye.

Ɛfesofoɛ 2:3

Na sɔ nningyein nemɔ anu yeɛ daa ne, yɛ mukoraa yɛfale so yɛbɔle yɛ bra wɔ anwoɔnaen akɔnnɔ nu, ná yɛlili anwoɔnaen ne adwene apɛdeɛ si ɔ; na kyɛbɔ yɛ sue te ne, yɛyɛle mmenia bɔ Nyameɛ ahone ahu bɛ so ɔ, kyɛ mmenia bɔ baha ne ala.

Ɛfesofoɛ 4:17

Yiti mesi ɛhe pi, ná medi adanzeɛ wɔ Awurade nu, kyɛ nnɛma ɛmɔbɔ ɛmɔ bra ko kyɛbɔ Amaenmaensofoɛ ngaa nemɔ bɛyɔ ye wɔ b’adwene mbaen mbaen nu ne.

Ɛfesofoɛ 4:22

Brabɔlɛ daa bɔ ɛmɔbɔle ne, ɔte ɛmɔ sona sue daa, na ɔte porɔlowaa wɔ nnakannaka akɔnnɔ nu, yiti ɛ́mɔgyi bégua,

Ɛfesofoɛ 5:6

Nnɛmɔma ebiala fa edwirɛ mbaen mbaen lakalaka ɛmɔ, ofikyɛ sɔ nningyein nemɔ ati yeɛ Nyameɛ ahonehulɛ ba asoserɛfoɛ so ɔ.

Ɛfesofoɛ 5:8

ofikyɛ daa ne, né ɛmɔte awosii, nakoso kekesaala ye de, ɛmɔte kanea wɔ Awurade nu. Ɛ́mɔbɔ ɛmɔ bra kyɛ kanea mma,

Ɛfesofoɛ 6:12

Ofikyɛ nna yɛne anwoɔnaen ne mogya yeɛ yɛdi ahoɛ ɔ; na mmom yɛne mbanyililɛ ne tumi mɔ ne ewiase awosii nu tumifoɛ ne ewienu dɔ sunzummɔne mɔ.

Kolosefoɛ 1:21

Na ɛmɔ de, ahaa né ɛmɔte ɛlɔenyɛlɛfoɛ mɔ ne pɔfoɛ mɔ, wɔ adwene nu ne bɔne nnwumaayɔlɛ mu.

2 Timoteo 4:10

Ofikyɛ Dema ahuro kekesaala ye wiase ye dwirɛ, na wayakyi me nu wasi nu wahɔ Tɛsalonika; Kreseke ahɔ Galatia, yeɛ Tito ahɔ Dalmatia.

Yakobo 1:27

Nyameɛsom bɔ ye nwo te bɔ efiɛ nne ye nwo wɔ Baba Nyameɛ nyunu ɛhe: kyɛ ɛkɔɔnea nyisiaa ne akunafoɛ wɔ b’amaneɛnwunɛ nu, ɔne kyɛ ɛkɔhwe wɔ nwo kofi wiase bra basabasa nu ɔ.

Yakobo 1:7

Nnɛma sɔ sona ne dwene kyɛ okonya nikyee bie kofi Awurade berɛ,

Yakobo 4:4

Agyaasɛkyelɛfoɛ! Ɛmɔnze kyɛ sɛ ɛmɔfa wiase abiɛngoɛ a, né ɛmɔpɔ Nyameɛ ɔ? Yiti ebiala bɔ okuro kyɛ ɔfa wiase abiɛngoɛ ne, ɔte Nyameɛ pɔfoɛ.

1 Petro 1:14

Ɛ́mɔyɛ kyɛ ngwadaa bɔ bɛ so yɛ mmerɛ ɔ, na akɔnnɔ bra bɔ daa ne né ɛmɔnze ti ɛmɔbɔle ne, nnɛma ɛmɔsa bekodi ye si.

1 Petro 4:3

Yɛbɔle yɛ bra kyɛ Amaenmaensofoɛ wɔ y’asetena mmerɛ bɔ wapɛ nu ne anu, na yɛbɔle yɛ bra wɔ ahohwibra, akɔnnɔ, nzaabolɛ, bɔne nu anigye, asanzabra, yeɛ bosoensolɛ bɔ ɔte akyiwadeɛ ɔ nu.

2 Petro 2:14

Bele agyaasɛkyelɛ anyeɛ, bɔ ɔyɔ bɔne a ɔnde ye ɔ, bɛlakalaka akra bɔ bennya bettirale ndii ɔ, balɔ asukɔ wɔ adifuu nu. Bɛte mmenia bɔ banoma bɛ ɔ!

1 Yohane 3:10

Na ɛhe yeɛ ɔmaa yɛnwu nzonzoleɛ bɔ ɔla abɔnzam ne Nyameɛ mma b’afia ɔ: ebiala bɔ ɔyɔ bɔ ɔndengyɛ anaa bɔ onguro oliɛma dwirɛ ne, ɔtte Nyameɛ awa.

1 Yohane 3:8

Ebiala bɔ ɔyɔ bɔne te abɔnzam sona, ofikyɛ ofi ahyɛaseɛ ne yeɛ abɔnzam yɔ bɔne ɔ. Na ɔnate ɛhe ati yeɛ Nyameɛ Awa ne ɔɔlale ye nwo ali kyɛ ɔbaasɛkye abɔnzam nnwumaa.

1 Yohane 4:4

Me ngwadaa mɔ, ɛmɔ de ɛmɔte Nyameɛ deɛ na ɛmɔali bɛ so ngonim; ofikyɛ bɔ ɔte ɛmɔ nu ne, ɔte piri tra bɔ ɔwɔ wiase ne.

1 Yohane 5:19

Yɛse kyɛ yɛte Nyameɛ deɛ, yeɛ ewiase amukoraa wura bɔnefoɛ ne bo.

1 Yohane 5:4

Ofikyɛ nikyee biala bɔ Nyameɛ awo ye ne, odi wiase so ngonim, na yɛ gyidie yeɛ ole ngonim bɔ yɛfa yɛdi wiase so ne.

Nyekyire 12:9

Yiti betuli sasrabɔnzam kandinga ne befili berɛ, sɔ daa tetetete ewoo ne, bɔ bɛfrɛ ye Abɔnzam ne Satan ne, bɔ ɔlakalaka wiase amukoraa ne; befindini ye bɛtole aseɛ so, na befindini ye ne ye abɔfo mɔ yeɛ bɛtole ɔ.

Nyekyire 13:14

Na nzɛngyerɛnneɛ bɔ wanya ye nwo tumi kyɛ ɔyɔ ye wɔ kaka ne nyunu ne, ɔfa so lakalaka bɛ bɔ bɛte aseɛ so ɔ; na ose bɛ bɔ bɛte aseɛ so ɔ kyɛ, bɛ́yɔ ohoni bɛma kaka bɔ ngrandɛ apura ye, nakoso ɔtɛ te ase ne.

Nyekyire 13:8

Na bɛ bɔ bɛte aseɛ so amukoraa bɛkɔkoto ye: bɛ bɔ bamvi wiase bohyɛlɛ bangyerɛ bɛ dumaa wɔ Boaen Ba bɔ behuni ye ne ngoa nwomaa ne anu ne.

Nyekyire 16:17

Na abɔfo bɔ ɔtɔ so nzoo ne hwiele bɔ ɔwɔ ye kulie ne anu guale mvrama nu. Na komviɛ piri bie fili asɔneyɛɛ sua ne anu, fili ahennie bia ne anu, kyɛ, “Wayie!”

Nyekyire 20:2

Na ɔhyele sasrabɔnzam ne, sɔ daa tete ewoo ne, bɔ ye ole Abɔnzam ne Satan ne, na ɔkyekyele ye afoɛ apee ko,